သတင်းစာ လွတ်လပ်ခွင့် အာမခံပေးဖို့ မြန်မာအစိုးရကို တိုက်တွန်း

(RFA)

မီဒီယာ လွတ်လပ်ခွင့်နဲ့ သတင်းစာ လွတ်လပ်ခွင့်တွေကို အာမခံပေးဖို့  ကမ္ဘာတလွှား သတင်းစာနဲ့ သတင်းပုံနှိပ်ထုတ်ဝေသူများအသင်း (WAN-IFRA) က မြန်မာအာဏာပိုင်တွေကို တိုက်တွန်းလိုက်ပါတယ်။ 

ထိုင်းနိုင်ငံ ဘန်ကောက်မြို့မှာ မနေ့က စတင်ကျင်းပတဲ့  အသင်းရဲ့ နှစ်ပတ်လည် ညီလာခံမှာ အခုလို တိုက်တွန်းလိုက်တာဖြစ်ပါတယ်။ 

မြန်မာ ဝမ်ပေါင် ကုမ္မဏီတာဝန်ခံ ဖြေရှင်းချက် (အပိုင်း - ၂)

(VOA)

စစ်ကိုင်းတိုင်းဒေသကြီး ဆားလင်းကြီးမြို့နယ်ထဲမှာ အခြေစိုက်ထားတဲ့ ကြေးစင်တောင်၊ စံပယ်တောင်၊ စံပယ်တောင် (တောင်ပိုင်း) နဲ့ လက်ပံတောင်းတောင် ကြေးနီစီမံကိန်း လေးခုကို၊ “မြန်မာ့စီးပွားရေးဦးပိုင် လီမိတက်” Myanmar Economics Holding Ltd. (MEHL) နဲ့ ဖက်စပ်လုပ်ကိုင်နေပြီး တရုတ်နိုင်ငံက လာရောက်ရင်းနှီးမြှုပ်နှံတဲ့ ကုမ္ပဏီကတော့ “မြန်မာ ဝမ်ပေါင် ကြေးနီသတ္ထုတူးဖေါ်ရေး လီမိတက်” Myanmar Wanbao Mining Copper Ltd. (MWMCL) ဖြစ်ပါတယ်။

လိပ်ပေါက်တူးနဲ့တူတဲ့ နိုင်ငံတော် သမတကြီး ဦးသိန်းစိန် – အပိုင်း (၂)

(မိုးမခ)

နိုင်ငံတော်သမတကြီး ဦးသိန်းစိန်ရဲ့ အမေရိကန်တွင်ပြောကြားတဲ့စကားတွေဟာ လိပ်ပေါက်တူးနဲ့တူပုံအကြောင်းအချို့ကို ပထမပိုင်းတွင် တင်ပြထားပြီးပါပြီ။  ယခုဆက်လက်ပြီး သမတကြီးဟာ လိပ်ပေါက်တူးနဲ့ ပိုတူလာပုံကို ထပ်မံရှုစားကြပါ။

၁။ သံလှောင်ချိုင့်ထဲရှိ မီးခံသေတ္တာထဲက ၂၀၀၈ အခြေခံဥပဒေ 
“၂၀၀၈ ခု အခြေခံဥပဒေဟာ သံမဏိစည်းမျဉ်းမဟုတ်၊ သော့ခတ်ထားတာမဟုတ်။ လွှတ်တော်ကပြင်နိုင်ကြောင်း၊ အများစွတ်စွဲသကဲ့သို့ လူတစုအတွက်မဟုတ်၊ အများကထောက်ခံအတည်ပြုထားခြင်းဖြစ်ကြောင်း၊ Admendment ပေးထား၍ ပြင်မည်ဆိုလျှင် ပြင်ဆင်ရေးနှင့် ပတ်သက်၍ လုပ်ထုံးလုပ်နည်းအရ ပြင်နိုင်ကြောင်း” လည်း သမတက လိပ်ပေါက်တူးအတိုင်း သူ့ရဲ့ အရပ်သားတပိုင်း ကြံ့ဖွတ်စစ်အစိုးရ ဘက်သူယက်ပြီး ပြောနေပြန်ပါတယ်။

နောက်မျိုးဆက်တွေအပေါ် ကျူးလွန်သော ရာဇဝတ်မှု

(Crime Against Next Generation)

ဇော်ဝင်း (၈၈ ကျောင်းသားဟောင်း)

စစ်အာဏာရှင်တွေရဲ့ သက်တမ်းတလျှောက်မှာ အလွန်ဆိုးဝါး ကြီးလေးတဲ့ ရာဇဝတ်မှုကြီးတွေ ကျူးလွန်ခဲ့တာကို အားလုံးအသိပဲ။ ဇူလိုင် ၇ မှာ ကျောင်းသား ရာကျော်ကို ပစ်ခတ်သတ်ဖြတ်တာ၊ ရှစ်လေးလုံး အရေးအခင်းကြီးမှာ ဆေးရုံထဲအထိ ဝင်ပစ်တာ၊ ဆယ်ကျော်သက် အထက်တန်းကျောင်းသားလေးတွေပါမချန် ပစ်ခတ်သတ်ဖြတ်တာ၊ မြောက်ဥက္ကလာမှာ အလောင်းတွေလမ်းနဲ့ ပြည့်သွားအောင် ပစ်ခတ်သတ်ဖြတ်တာ၊ ၂၀၀၇ မှာ သံဃာတွေကို ပစ်ခတ် သတ်ဖြတ်တာ၊ ကျောင်းသားတွေကို ပစ်ခတ်သတ်ဖြတ်တာ၊ စစ်ကြောရေးမှာ အသက်သေတဲ့ အထိ ညှင်းပန်းနှိပ်စက်တာတွေဟာ အလွန်ဆိုးဝါး ကြီးလေးတဲ့ ရာဇဝတ်ပြစ်မှုကြီးတွေပဲ။ စီးပွားရေး ပျက်စီးအောင်လုပ်တာ၊ နိုင်ငံရေး ပျက်စီးအောင်လုပ်တာ၊ တရားစီရင်ရေး ပျက်စီးအောင်လုပ်တာ အားလုံးဟာ ကြီးလေးတဲ့ ရာဇဝတ်ပြစ်မှု တွေချည်းပဲ။

တရုတ် ကျူးကျော်မှုကို ကျွန်ုပ်တို့ ဘိုးဘွားများ တွန်းလှန် တိုက်ဖျက်ခဲ့ခြင်း - အပိုင်း (၃)

(စည်းလုံးခြင်းရဲ့အင်အား)

တရုတ်ဧကရာဇ်မင်း ချိယန်လုံ (CHIEN-LUNG)

မြန်မာ - တရုတ် တတိယအကြိမ် စစ်ပွဲ

ကျွန်ုပ်တို့ဘိုးဘွားများ လုပ်ကိုင်ဆောင်ရွက် အောင်မြင်ခဲ့ကြသည်တို့ကို လေ့လာသုံးသပ် ဆင်ခြင်၍ ခေတ်နှင့်လျော်ညီစွာ လိုအပ်သည်တို့ အတုခိုးနည်းယူ အသုံးချနိုင်ကြစေခြင်းငှာ ဤစာတမ်းကို ရေးသားပြုစုသည်ဟု ရည်ရွယ်ချက်ကို ဖေါ်ပြခဲ့ပါသည်။

အမေရိကန် မြန်မာစစ်ရေးဆက်ဆံမှု အကန့်အသတ်နဲ့ စတင်

(VOA)

အာဆီယံကာကွယ်ရေး ဝန်ကြီးတွေကို ပထမဆုံးအကြိမ် အမေရိကန်ပြည်ထောင်စု ဟာဝါရီကျွန်းမှာ တွေ့ဆုံဆွေးနွေးဖို့ အမေရိကန် ကာကွယ်ရေးဝန်ကြီးက ဖိတ်ခေါ်လိုက်ပါတယ်။  Singapore နိုင်ငံမှာ ကျင်းပနေတဲ့ Shangri-La Dialogue 2013 ဆွေးနွေးပွဲမှာ အမေရိကန် ကာကွယ်ရေးဝန်ကြီး Hagel က အာရှ Pacific ဒေသလုံခြုံရေးအတွက် အမေရိကန်ရဲ့ ချဉ်းကပ်မှုဆိုတဲ့ခေါင်းစဉ်နဲ့ ဒီကနေ့ ပြောကြားသွားတဲ့ မိန့်ခွန်းထဲမှာ ခုလို ဖိတ်ခေါ်ခဲ့တာဖြစ်ပါတယ်။ ဒေသတွင်းမှာ အမေရိကန်ရဲ့ လုံခြုံရေးဆောင်ရွက်မှုတွေကို အဓိကပြောကြားသွားတဲ့အထဲမှာ မြန်မာနဲ့ စစ်ရေးဆက်ဆံမှုကို အသေအချာတွက်ချက်ပြီး စတင်နေပြီဆိုတာကိုလဲထည့်ပြီးပြောကြားသွားခဲ့ပါတယ်။ ခုလို Shangri-La Dialogue ဆွေးနွေးပွဲမှာ မြန်မာနိုင်ငံနဲ့ ပတ်သက်ပြီး ပြောကြားသွားတဲ့ အကြောင်းတွေကို မစုမြတ်က တင်ပြပေးထားပါတယ်။

မြန်မာအစိုးရများ နဲ့ ဂျပန် ငွေကြေးအကူအညီ

(VOA)

ဂျပန်ဝန်ကြီးချုပ် ရှင်ဇို အာဘေး (Shinzo Abe) ရဲ့  မြန်မာပြည်ခရီးမှာ ဗမာအစိုးရကို ဒေါ်လာ သန်း ၅၀၀ ထုတ်ချေးဖို့နဲ့ ဆပ်ရမယ့်အကြွေး ဒေါ်လာသန်း ၂၀၀၀ ကို လျှော်ပြစ်ဖို့ ကတိပေးပါတယ်။ ဂျပန်နဲ့လုပ်မယ့် စီမံကိန်းတွေ အကောင်အထည်ဖော်ဖို့ ဝန်ကြီးချုပ်နဲ့ လိုက်ပါလာတဲ့ ဂျပန်ကုမ္မဏီ ကိုယ်စားလှယ်တွေနဲ့ မြန်မာကုမ္မဏီတွေ နားလည်းမှုစာချွန်လွှာ လက်မှတ်ရေးထိုးကြပါတယ်။
ဂျပန်အကူအညီရလို့ တရုတ်ကိုကြီး မှီခိုနေရတဲ့ဘဝ နိဂုံးချုပ်ဖို့ အလားအလာရှိလာပြီလို့ သုံးသပ်ကြပါတယ်။ သက်ဆိုင်ရာ ဂျပန်ကုမ္မဏီတွေနဲ့ မြန်မာကုမ္မဏီတွေ အကျိုးအမြတ် ခံစားကြရမှာကတော့ သေချာပါတယ်။ ဆိုရှယ်လစ်အမည်ခံ မဆလ စစ်အစိုးရကိုလည်း ဂျပန်က အများဆုံး ကူညီခဲ့ပေမယ့် စီးပွားရေး ခြွတ်ခြုံကျပြီး အဆင်းရဲဆုံး နိုင်ငံဘဝ ရောက်သွားလို့ ၁၉၈၈ မှာ ပြည်သူ့အုံကြွမှုကြီး ဖြစ်ခဲ့ရပါတယ်။ အဲဒီနောက်ပိုင်း ဂျပန်ရဲ့  ထောက်ပံ့မှု ရပ်ဆိုင်းလိုက်တဲ့အတွက် ဗမာစစ်အစိုးရ တရုတ်ကို အားကိုးလာရပါတယ်။ ဗမာအစိုးရရဲ့  အပြုအမှုကိုလိုက်ပြီး ဂျပန်အစိုးရက ငွေထုတ်ပေးပါတယ်။ ဒေါ်အောင်ဆန်းစုကြည်ကို ပထမအကြိမ် ခြောက်နှစ် ထိန်းသိမ်းပြီး ၁၉၉၅ မှာ လွှတ်ပေးလိုက်တော့ ဂျပန်က ဒေါ်လာ ၁၇ သန်း ကူညီပါတယ်။

ဖွဲ့စည်းပုံအခြေခံ ဥပဒေ ကုထုံး (၂)

(ဧရာဝတီ)

(၃) စည်းမျဉ်းများ သဟဇာတဖြစ်မှု
ဆေးပညာမှာကဲ့သို့ပင် ဖွဲ့စည်းပုံအခြေခံဥပဒေ ကုထုံးသည်လည်း ဖြစ်ပေါ်နေသည့် ရောဂါများကို သီးခြားစီ ကန့်သတ်၍ ကုသခြင်းထက် ပိုမိုသည်။ ဆေးပညာတွင်ဖြစ်စေ၊ နိုင်ငံရေးတွင်ဖြစ်စေ ကုထုံးဆိုသည်မှာ လူနာတယောက်လုံး၏ အခြေအနေ အရပ်ရပ်ကို ထည့်သွင်းစဉ်းစားရန် လိုအပ်သည်။ 
လူနာသည် နိုင်ငံတခုဖြစ်ခဲ့လျှင် ရွေးကောက်ပွဲ စနစ်များကို လေ့လာဆန်းစစ်ခြင်း တခုတည်းမဟုတ်ဘဲ တခြားသော အာဏာရယူထားသူများ၏ တာဝန်ခံမှု ပြဿနာများ၊ တရားစီရင်ရေး ကဏ္ဍ၏ ထိရောက်မြန်ဆန်မှု အစရှိသည်တို့ကို ဖြေရှင်းခြင်းကို ဆိုလိုသည်။ ဆေးညွှန်းနှင့် သမားတော် ညွှန်ကြားသည့် တခြားကုထုံးများကဲ့သို့ပင် မတူကွဲပြားသည့်  စည်းမျဉ်းဥပဒေဆိုင်ရာ ကုထုံးများသည်လည်း နာမကျန်းဖြစ်နေသည့် နိုင်ငံအတွက် ထိခိုက်နစ်နာစေသည့် အကြောင်းတရား အမျိုးမျိုး ဖြစ်ပေါ်လာနိုင်ပြီး အန္တရယ်ရှိသည့် ဘေးထွက်ဆိုးကျိုးများကို ဖြစ်ပေါ်စေသည်။ သို့တည်းမဟုတ် လက်ရှိ အခြေအနေများကို ပိုမိုဆိုးဝါးသွားစေနိုင်သည်။ ဆေးပညာနှင့် နိုင်ငံရေးပညာ နှစ်မျိုးစလုံးအတွက် အဓိကသော့ချက်မှာ နိုင်ငံတခုလုံး၏ အခြေအနေများကို လေ့လာသုံးသပ်ပြီး လူနာအတွက် အကျိုးအမြတ်များကို များနိုင်သမျှများစေကာ ပြဿနာများနှင့် အန္တရာယ်များကို နည်းနိုင်သမျှနည်းစေသည့် အကောင်းဆုံး ယေဘုယျ မဟာဗျူဟာတခုကို ချမှတ်ခြင်းဖြစ်သည်။

စစ်ယာဉ်နှင့် ပြစ်မှုကျူးလွန်သူကို အရေးယူနိုင်ခြင်း မရှိ

(သစ်ထူးလွင်)

28-5-2013 ရက်နေ့ (၂၃၅၀)အချိန်မှာ သတင်းအရ မင်းဘူးမြို့နယ် သစ်တော ဦးစီးဌာနမှ မြို့နယ်ဦးစီးမှူး ဦးလှဌေးနှင့် အဖွဲ့မှ ဦးဆောင်ပြီး မင်းဘူးမြို့ ရဲစခန်းမှ ဒုရဲအုပ်သိန်းဇော်ထွန်း၊ မင်းဘူးခရိုင် ဒုစရိုက်  နှိမ်နှင်းရေး အထူးအဖွဲ့မှ ရဲအုပ် သူရအောင်နှင့် ရဲတပ်ဖွဲ့ဝင်များ ပါဝင်သည့် အဖွဲ့သည် မင်းဘူးမြို့ အနောက်ဘက် အ၀င်လမ်း (မင်းဘူး-အမ်းလမ်း) လမ်းအသုံးပြုခ ကောက်ခံရေးဂိတ်မှ စောင့်ဆိုင်းကာ မြို့ဝင်ကားများကို စစ်ဆေးရှာဖွေခဲ့ကြောင်း သိရပါသည်။

ဒေါ်အောင်ဆန်းစုကြည် ဝေဖန်ချက်ကို အစိုးရက ခုခံတုန့်ပြန်

(ဧရာဝတီ)

မြန်မာနိုင်ငံ၏ ပြုပြင်ပြောင်းလဲရေး လုပ်ငန်းစဉ်များကို အတိုက်အခံ ခေါင်းဆောင် ဒေါ်အောင်ဆန်းစုကြည်က ယခုအပတ် အစောပိုင်းတွင် ထောက်ပြဝေဖန် မေးခွန်းထုတ်ခဲ့ခြင်းနှင့် ပတ်သက်၍ အစိုးရအဖွဲ့ဝင် ၀န်ကြီးတဦးဖြစ်သူ ဒေါက်တာကံဇော်က အစိုးရ၏ ပြုပြင်ပြောင်းလဲရေးကို နိုင်ငံတကာမှ အစိုးရများနှင့် အပြည်ပြည်ဆိုင်ရာ အဖွဲ့အစည်းများက ထောက်ခံကြကြောင်းဖြင့် ယနေ့ ကာကွယ်ပြောဆိုလိုက်သည်။

“ပြုပြင်ပြောင်းလဲရေးတွေ ကျနော်တို့ လုပ်နေပါတယ်။ နိုင်ငံရေးနဲ့ စတယ်၊ ပြီးတော့ စီးပွားရေး။ ဒါကို ပြည်တွင်းကရော၊ ကျနော်တို့ရဲ့ နိုင်ငံတကာက အရေးပါတဲ့မိတ်ဆွေတွေကရော သဘောကျ ထောက်ခံကြပါတယ်” ဟု အမျိုးသားစီမံကိန်းနှင့် စီးပွားရေး ဖွံ့ဖြိုးတိုးတက်မှု ၀န်ကြီးဌာန ၀န်ကြီး ဒေါက်တာကံဇော်က ဒေါ်အောင်ဆန်းစုကြည်၏ ဝေဖန်မှုနှင့် ပတ်သက်၍ ဧရာဝတီသတင်းဌာနမှ မေးမြန်းခဲ့ရာတွင် ပြောကြားသည်။

ပြောင်းလဲပေမယ့် လူနေမှုမြင့်မလာတာက ၂ဝ၁၅ ရွေးကောက်ပွဲအပေါ် သက်ရောက်မှု ရှိလာနိုင်

(RFA)

သမ္မတ ဦးသိန်းစိန် အစိုးရလက်ထက် မြန်မာနိုင်ငံမှာ စီးပွားရေးတိုးတက်မှုတွေ ရရှိလာတယ်ဆိုပေမယ့် ပြည်သူအများစုရဲ့ လူနေမှုအဆင့် သိသိသာသာ မြင့်တက်မလာသေးတဲ့အတွက်၊ ဒီအခြေအနေဟာ လာမယ့် ၂၀၁၅ ရွေးကောက်ပွဲအပေါ် သက်ရောက်မှုတွေရှိလာလိမ့်မယ်လို့ မြန်မာနိုင်ငံအရေးလေ့လာသူပညာရှင်တွေက ပြောပါတယ်။

ပြည်ခိုင်ဖြိုးသည်သာ အားကိုးရာအဖြစ်စည်းရုံးရန် ဦးခင်အောင်မြင့် ညွှန်ကြား

(Mizzima)

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၏ ဗဟိုအတွင်းရေးမှူးဖြစ်သူ ဦးခင်အောင်မြင့်က ကြံ့ခိုင်ရေးပါတီ သည်သာ ပြည်သူတို့၏ အားကိုးယုံကြည်ရသည့် ပါတီအဖြစ် ပြည်သူကိုစည်းရုံးရန် သူ၏ ပါတီဝင်များကို မေ ၂၉ ရက်တွင် ညွှန်ကြားလိုက်သည်။

''ပြည်ခိုင်ဖြိုးပါတီသည်သာ ပြည်သူတွေရဲ့ ယုံကြည်အားကိုးစရာဖြစ်လာအောင် စည်းရုံးကြရမယ်။ ပြည်သူ အများ အားကိုးစရာဖြစ်လာအောင် အောက်ခြေကစပြီး ဆောင်ရွက်ရမယ်'' ဟု မကွေးမြို့ ကြံ့ခိုင်ရေးပါတီရုံး တွင် ပါတီဝင်များနှင့်တွေ့ဆုံစဉ် ညွှန်ကြားလိုက်သည်။

မောင်တော ဆူပူမူတွင် ပါဝင်၍ ၀ရမ်းပြေး ဖြစ်နေသူများကို အာဏာပိုင်များက ငွေယူ၍ ရွာတွင် လက်ခံထား

 (နိရဉ္စရာ- ၃၀ မေလ ၂၀၁၃)

ရခိုင်ပြည်နယ်  မောင်တောမြို့နယ်  လောင်တုံ ကျေရွာအုပ်စုမှ ရခိုင်ရွာ တစ်ရွာ အား ၂၀၁၂ ခုနှစ် ဇွန်လ အတွင်းက ၀ိုင်းဝန်း တိုက်ခိုက်ရာတွင် ခေါင်းဆောင် အဖြစ် ပါဝင်၍ အာဏာပိုင်များက ဖမ်းဆီးရန် လိုလားနေသူ ၀ရမ်းပြေး ၃၇ ဦးကို ဒေသအတွင်းက အရာရှိငယ်များက ငွေယူ၍ ကျေးရွာများတွင် လက်ခံထားသည်ဟု သတင်း ရရှိသည်။

၂၀၁၂ ခုနှစ် ဇွန်လ ၈ ရက်နေ့ ညနေက လောင်တုံ အုပ်စုရှိ စေတီပြင် ရခိုင် ကျေးရွာအား ၀ိုင်းဝန်း တိုက်ခိုက်ရာတွင် ဦးဆောင် ပါဝင်သူများကို လုံခြုံရေးတပ်ဖွဲ့ဝင်များက လိုက်လံ ဖမ်းဆီးရာ မွတ်ဆလင် ရွာသား  (၈) ဦးကို လက်ရ ဖမ်းဆီးမိပြီး ကျန် ၃၇ ဦးမှာ ဘင်္ဂလာဒေခ်ျ့ဘက်သို့ ထွက်ပြေးသွားခဲ့ကြသည်ဟု သိရသည်။

လျှပ်စစ်နှင့် လောင်စာရင်းနှီးမြှုပ်နှံမှု၊ တရုတ်ပြည် နမူနာယူနေသော မြန်မာ

(မိုးမခ)

● တရုတ်ပြည်မကြီး လျှပ်စစ်သုံးစွဲမှုသမိုင်း
လျှပ်စစ်သုံးနိုင်မှ လူများဝင်ငွေတိုးပွား၊ ဆင်းရဲမွဲတေမှုများမှ လွတ်မည်ဟု အကြမ်းဖျင်းပြောနိုင်သည်။ မီးလင်း၊ လျှပ်စစ်စက်မှုတိုးတက်ရေးအတွက်…  တရုတ်ပြည်ကြီးသည် ၁၉၉၀ ပြည့်မှ ပြုပြင်ပြောင်းလဲသည်ဟု ယေဘူယဆိုနိုင်သည်။ တရုတ်ပြည် ၁၀နှစ်တာ ၂ခုအတွင်း လျှပ်စစ်တိုးတက်မှုတွင် ၁၉၉၀-၂၀၀၀ အတွင်း ၁၂၈% တိုးတက်ခဲ့သည်။ ၂၀၀၀-၂၀၁၀ အတွင်း ၁၉၃% တိုးတက်ခဲ့သည်။ ယခုလည်း တိုးချဲ့နေဆဲဖြစ်သည်။ တစ်ယူနစ်ကို ၁၀ဆင့် ဈေးနှုန်းဖြင့် တွက်ကြည့်ပါက မြန်မာပြည်တွင် ၂၀၁၁ လျှပ်စစ်အသုံးပြုမှု နှစ်စဉ် ကန်ဒေါ်လာ သန်းပေါင်း ၆၂၈ ရှိပါသည်။ တရုတ်ပြည်က နှစ်စဉ် ဒေါ်လာသန်း ၄၉၄၀၀ (၄၉ ဘီလျှံ) ရှိပြီး၊ ထိုင်းနိုင်ငံက နှစ်စဉ် ဒေါ်လာသန်း ၁၁၆၄၀ (၁၁ ဘီလျှံ) သုံးသည်။ တရုတ်ပြည်တွင် ထိုသို့

ပြည်ထဲရေး ဝန်ကြီးဌာနနှင့် လုံခြုံရေး တပ်ဖွဲ့များ အသွင် ကူးပြောင်းရေး လုပ်ငန်း - အပိုင်း (၆)

(စည်းလုံးခြင်းရဲ့အင်အား)

ဆောင်းပါးရှင် - ဂျန်ရမ်လ်။

ဂျန်ရမ်လ်။    ။ ကွန်မြူနစ်အစိုးရကို ဆန့်ကျင့်သည့် လှုပ်ရှားမှုများစွာတွင် ပါဝင်ခဲ့မှုကြောင့် ရန်ရမ်လ်သည် တက္ကသိုလ်ပညာ သင်ယူခွင့် မရရှိပါ။ ၁၉၈၉ ခုနှစ် နိုဝင်ဘာလတွင် ပေါ်ပေါက်ခဲ့သည့် ပြည်သူ့ လှုပ်ရှားမှု အဖွဲ့ (Civic Forum) တွင်လည်း တက်ကြွစွာ ပါဝင်ခဲ့သည်။ ၁၉၉၀ ပြည့်နှစ် ဇန်နဝါရီလနဲ့ သြဂုတ်လအတွင်းမှာ မီရိုစလပ်ဖ်တိုင်း၊ မီရိုခလပ်စ်လီကီတို့နှင့် ပူးတွဲကာ ချာတာ (၇၇) လှုပ်ရှားမှု အဖွဲ့တွင် ပြောရေးဆိုခွင့်ရ ပုဂ္ဂိုလ်အဖြစ် ဆောင်ရွက်ခဲ့ပါသည်။ ၁၉၉၀ ပြည့်နှစ် ဧပြီလတွင် ချက်ကိုစလိုဗက် ပြည်ထောင်စု သမ္မတ နိုင်ငံ၏ ဒုတိယ ပြည်ထဲရေး ဝန်ကြီးအဖြစ် ခန့်အပ်ခြင်း ခံရပြီး ၁၉၉၂ မှ ၁၉၉၆ ထိ ချက်သမ္မတ နိုင်ငံ၏ ပြည်ထဲရေး ဝန်ကြီး အဖြစ် တာဝန်ထမ်းဆောင်ခဲ့ပါတယ်။ ၁၉၉၈ ခုနှစ် နိုဝင်ဘာတွင် ချက်သမ္မတနိုင်ငံ ဆီးနိတ်အထက် လွှတ်တော်အမတ်အဖြစ် ရွေးချယ် ခံခဲ့ရသည်။ ၂၀၀၀ ပြည့်နှစ် ဒီဇင်ဘာမှ ၂၀၀၄ ခုနှစ် နိုဝင်ဘာအတွင်း ဆီးနိတ်အထက်လွှတ်တော် နိုင်ငံခြားရေးရာ ကော်မတီ ဒုတိယဥက္ကဋ္ဌအဖြစ် တာဝန်ထမ်းဆောင်ခဲ့ပါသည်။ သူ့ရဲ့ ဆီးနိတ်အမတ် သက်တမ်းသည် ၂၀၀၄ နိုဝင်ဘာလတွင် ကုန်ဆုံးခဲ့ပြီး နောက်ထပ် ရွေးကောက်ပွဲများ တွင် ဝင်ရောက် အရွေးခံခြင်း မပြုတော့ပါ။