Thursday, March 26, 2015

မြန်မာ့တပ်မတော်ကို အမှန်အတိုင်း ရှုမြင်ခြင်း

(ဧရာဝတီ)

မြန်မာနိုင်ငံ ခံစားနေရသည့် ဝေဒနာများကို အလုံးစုံ ပျောက်ကင်းသွားစေနိုင်သည့် ဖြေဆေးမှာ မြန်မာ့တပ်မတော်ကို ပရော်ဖက်ရှင်နယ် တပ်မတော်တခု ဖြစ်လာအောင် ပြုလုပ်ပေးခြင်း ဖြစ်သည်ဟု နိုင်ငံတကာ အသိုင်းအဝိုင်းက အခိုင်အမာ ပြောနေကြသည်ကို လတ်တလော ကြားနေရခြင်းက စိတ်မသက်သာစရာ ဖြစ်သည်။ တကယ်တမ်းတွင်မူ ဗမာလူမျိုး အများစုက ကြီးစိုးထားသည့် တပ်မတော်ကို ရက်စက်သည့် လက်နက်ကိုင် စီးပွားရေးလုပ်ငန်း တခု အဖြစ်နှင့်ရော၊ အကျိုးအမြတ် ရှာဖွေသည့် စစ်ရေးယန္တရားတခု အဖြစ်နှင့်ပါ မြင်ခဲ့ကြရပြီး ဖြစ်သလို ဆက်လက်၍ လည်း တွေ့မြင်နေရဆဲ ဖြစ်ပါသည်။

ကနေဒါက စစ်ရေးသုတေသီ အဒမ်ပီမက်ဒေါ်နယ် (Adam P.MacDonald) ပြောသလို “ခေါင်းဆောင်ပိုင်းကို ပညာပေးခြင်း အားဖြင့် မှောင်မိုက်သည့် လမ်းဟောင်းများမှ ခွဲထွက်နိုင်ရေး” ဆိုသည်မှာ ကမ္ဘာက မြင်တွေ့ ခဲ့ရပြီး ဖြစ်သော အီရတ်နှင့် အာဖဂန်နစ္စတန်တွင် နိုင်ငံတကာ၏ စွက်ဖက်မှု ကျရှုံးခဲ့ရခြင်းနှင့် အလားသဏ္ဌာန်တူ မိုက်မဲမှု ဖြစ်သည်။ သူတို့ကိုယ် သူတို့ မြန်မာနိုင်ငံကို ကယ်တင်ရန် ရောက်ရှိလာသည်ဟု ယူဆထားကြသည့် နိုင်ငံတကာ အသိုင်းအဝိုင်းကလည်း အဆိုပါ လမ်းကြောင်းပေါ်တွင် အလားတူ ရောက်နေပြန် ပါသည်။

Friday, March 13, 2015

မြန်မာရဲတပ်ဖွဲ့ အစွမ်းပြချက် ရက်စက်သယ်… (ဆောင်းပါး)

(DVB)

“လက်ရှိအစိုးရမှာ နည်းနည်းလေးသာကျန်တော့တဲ့ ဂုဏ်သိက္ခာကို တပြားမှမကျန်တော့အောင် မြန်မာရဲတပ်ဖွဲ့က အစွမ်းပြလိုက်တာ ဖြစ်တယ်”
နိုင်ငံတကာမှာ Riot police ဆိုတာ Crowds လူအုပ်၊ Protests ဆန္ဒ္ဒပြသူတွေနဲ့ Riots အဓိကရုဏ်းတွေကို နှိမ်နင်းဖို့ ရည်ရွယ်ချက်နဲ့ ရဲအဖွဲ့ဝင်တွေကို ခွဲထုတ်ပြီး ဖွဲ့ထားတာဖြစ်တယ်။ Riot gear ဆိုတာ အဲဒီရဲတွေဝတ်ဆင်ရတဲ့ ဝတ်စုံနဲ့ တန်းဆာပလာတွေကိုခေါ်တယ်။ Riot helmet ဦးထုပ်၊ Shield ဒိုင်းက သတ္တုနဲ့၊ ကြိမ်နဲ့ အမျိုးမျိုးရှိတယ်။ Baton နံပါတ်တုတ် (သစ်သားတုတ်၊ ကြိမ်တုတ်၊ ဝါးရင်းတုတ်၊ ရာဘာတုတ်)တွေ ပေးထားတယ်။ လူကိုသေစေနိုင်တဲ့ သေနတ်ကို မသုံးရပဲ Rubber bullets ရာဘာကျည်ဆံ၊ Stun grenades စတန်းလက်ပစ်ဗုံး၊ Pepper spray ငရုပ်သီးစပရေး၊ Tear gas မျက်ရည်ယိုဗုံး စတာတွေသာ ကိုင်ခွင့်ရှိတယ်။

Wednesday, March 11, 2015

ဆင်သေကို ဆိတ်သားရေနှင့် ဖုံးခြင်းသည် ဒီမိုကရေစီ ကျင့်စဉ်မဟုတ်

(ဧရာဝတီ)

မြန်မာ့နိုင်ငံရေး အရပ်ရပ် အကျပ်အတည်းများအတွင်း ဗဟိုအစိုးရမှအစ တိုင်း၊ ပြည်နယ် အစိုးရ အလယ်၊ အောက်ခြေ ဝန်ထမ်းအဆုံး စစ်အစိုးရ အငွေ့အသက် မကင်းသော အစွဲ၊ လွဲမှားသော အဆုံးအဖြတ်၊ ဥပဒေကို လျစ်လျူရှုကာ ကျော်လွန် လုပ်ဆောင်မှုများ၊ ဖြစ်ပေါ်လာသည့် ရလဒ်များအပေါ် တာဝန်မယူမှု၊ တာဝန်မခံမှုများ တောက်လျှောက် တွေ့မြင်နေရသည်။

သံဃာများကို မီးလောင်စေမှု၊ လယ်သူမကြီးကို သေနတ်ထိမှန် သေဆုံးစေမှု၊ အလွတ်သတင်းထောက် ကိုပါကြီးကို အစဖျောက်မှု၊ အလုပ်သမား၊ ကျောင်းသား အရေးများတွင် အင်အားသုံး ရိုက်နှက်ဖြိုခွင်းမှု စသည့်ဖြစ်ရပ်များ အားလုံးတွင် အစိုးရ အာဏာပိုင်များအနေဖြင့် ဝန်ခံခြင်း တောင်းပန်ခြင်း မရှိသည်သာမက ပြန်ကြားရေးဝန်ကြီးအဆင့်၊ သမ္မတရုံး ဝန်ကြီးအဆင့်၊ သမ္မတရုံး ညွှန်ကြားရေးမှူး အဆင့်များကပါ အမှားကို အမှန်လုပ်ခြင်း၊ ဆင်သေကို ဆိတ်သားရေနှင့် ဖုံးခြင်းများ တောက်လျှောက်ပြုလုပ်နေသည်မှာ စိတ်ပျက်ဖွယ်ရာ ဖြစ်သည်။