Thursday, October 25, 2012

နိုင်ငံတော်ရဲ့လုံခြုံရေးကွန်ယက်အပေါ် ဆွေးနွေးခန်း - အပိုင်း (၂)

(စည်းလုံးခြင်းရဲ့အင်အား)


NIB အဖွဲ့အား လွှမ်းမိုးခဲ့ဖူးသော ဗိုလ်ချုပ်ကြီးခင်ညွန့်

အယ်ဒီတာ။ NIB ဖွဲ့ရင် အကျိုးရလဒ်များရှိသလို ဆိုးကျိုးများရှိလာနိုင်သလား။ အဲဒီဆိုးကျိုးတွေကို ဘယ်လိုကာကွယ် ထိန်းချုပ်သွားမလဲ ဗိုလ်မှူးကြီးခင်ဗျာ။

ဗိုလ်မှူးကြီး။ NIB ကို ဖွဲ့လိုက်တာဟာ သတင်းပေါင်းစုံကို သုံးသပ်ဆုံးဖြတ်လို့ ရတယ်ဗျ။ ထောက်လှမ်းရေးတစ်ဖွဲ့က တက်လာတဲ့ သတင်းဟာ အခြားထောက်လှမ်းရေးအဖွဲ့က အဲဒီသတင်းကို အတည်ပြုခြင်း၊ ထပ်မံဖြည့်စွက်ပေးခြင်း၊ သတင်းမှားဖြစ်လို့ ပယ်ဖျက်ခြင်း ပြုလုပ်နိုင်တယ်။ ထောက်လှမ်းရေးအဖွဲ့ တကယ်အလုပ်လုပ်နေတာ ဟုတ်/မဟုတ် အခြားထောက်လှမ်းရေးအဖွဲ့က တန်ပြန်ထောက်လှမ်းရေးအဖွဲ့အနေနဲ့ စိစစ်စစ်ဆေးတာမျိုး ပြုလုပ်သင့်တယ်။ နို့မိုရင် ထောက်လှမ်းရေးတစ်ဖွဲ့တည်းကိုသာ မှီခိုနေရတာမျိုး လုပ်နေရပါက သမ္မတဟာ ထောက်လှမ်းရေးရဲ့ ကြိုးဆွဲရာ ကရမလို ဖြစ်သွားတယ်။ ယခင် အစိုးရတွေလက်ထက်က MI စစ်ထောက်လှမ်းရေးဆိုရင် အစိုးရအဖွဲ့ကို ထိန်းချုပ်နိုင်တဲ့အထိ ဗိုလ်ချုပ်ကြီးခင်ညွန့် လက်ထက်က ဖြစ်ခဲ့တယ်။ အလားတူပဲ မျက်မှန်ကြီး ဗိုလ်မှူးချုပ်တင်ဦး လက်ထက်ကလည်း ထောက်လှမ်းရေးတို့ တန်ခိုးထွားခဲ့တယ်။ အထက်နားက စိစစ်ဆဲ သတင်းအရ ဗိုလ်မှူးချုပ်စိုးရှိန်ဟာ ထောက်လှမ်းရေးအဖွဲ့မှာ ပါခဲ့ရင် စစ်အာဏာရှင် ဗိုလ်ချုပ်မှူးကြီးဟောင်းသန်းရွှေရဲ့ လောင်းရိပ်မှ အစိုးရအနေနဲ့ လွတ်ကင်းသေးမှာမဟုတ်ဖူးဗျ။ ထိပ်ပိုင်းက လူကြီးတွေ ကြံရွယ်ထားနိုင်တာက ထောက်လှမ်းရေး အစီရင်ခံစာများအရ နိုင်ငံတွင်း ဖြစ်ပျက်ပြောင်းလဲမှုများ၊ ဆန္ဒပြအုံကြွမှု အရေးအခင်းများ၊ လွှတ်တော်အတွင်း ဥပဒေပြုပြင်ရေးကိစ္စများ၊ အချိန်နှင့် တပြေးညီသိရှိရသည့်အားလျော်စွာ နိုင်ငံတကာက ဖိအားပေးလာပါက ဗိုလ်ချုပ်မှူးကြီးဟောင်းသန်းရွှေအနေနဲ့ လုံခြုံရေးကို အကြောင်းပြပြီး အချိန်မီ ၀င်ရောက် စွက်ဖက်ခွင့် ရရှိအောင် ရည်ရွယ်ထားတာဖြစ်တယ်လို့ ထင်တယ်။ အဲဒီဆိုးကျိုးတွေကို ဘယ်လိုထိန်းချုပ်ရမလဲဆိုရင် လွှတ်တော်မှာ တရားဝင်ဖွဲ့စည်းခွင့်နဲ့ လုပ်ပိုင်ခွင့်တာဝန်ဥပဒေတစ်ရပ် ပြဌာန်းဖို့လိုတယ်။ အဖွဲ့ ဥက္ကဌအဖြစ် ပြည်ထဲရေးဝန်ကြီး တာဝန်ပေးမယ်ဆိုရင် တပ်မတော်ကာကွယ်ရေးဦးစီးချုပ်လိုမျိုး ထိပ်ပိုင်းက လူကြီးများက ၀င်ရောက်စွက်ဖက်ပိုင်ခွင့် မပြုသင့်တော့ဘူးဗျ။ လွတ်လပ်စွာ စီမံခန့်ခွဲခွင့်၊ လှုပ်ရှားခွင့်၊ ဥပဒေပြဌာန်းချက်နဲ့အညီ ဆောင်ရွက်ရမှာဖြစ်ပြီး ဘယ်အပိုင်းတွေကို လွှတ်တော်ကို တင်ပြခွင့်ပြုချက်တောင်းရန်နှင့် ဘယ်အပိုင်းကိုဖြင့် သမ္မတကိုသာ တင်ပြခွင့်ချက်တောင်းရန် ကွဲကွဲပြားပြားတာဝန်ပေးထားသင့်တယ်။ NIB ဖွဲ့ ဥက္ကဌကို စရဖက လွှမ်းမိုးမှု၊ SB ရဲသတင်းတပ်ဖွဲ့က ပြည်ထဲရေးဝန်ကြီးဖြစ်လို့ ပိုင်တယ်ဆိုပြီး လုပ်ချင်ရာလုပ်တယ်ဆိုကာ ထောင်လွှားလို့မရဘူးဗျ။ ကောင်းတာက ပြည်ထဲရေးဝန်ကြီးမဟုတ်ပဲ ထောက်လှမ်းရေး မဟာဗျုဟာ၊ နည်းဗျူဟာတွေကို နှံ့စပ်ကျွမ်းကျင်တဲ့ CIA ကျောင်းဆင်းလိုမျိုး ပုဂ္ဂိုလ်တစ်ဦးကို ခန့်ထားနိုင်ရင် အကောင်းဆုံးဖြစ်တယ်။ အဲဒီလူကိုလည်း လွှတ်တော်သက်တမ်းနဲ့အညီ ထိုင်ခုံမမြဲစေပဲ အလှည့်ကျ လဲပေးသင့်တယ်။

နိုင်ငံတော်ရဲ့လုံခြုံရေးကွန်ယက်အပေါ် ဆွေးနွေးခန်း - အပိုင်း (၁)

(စည်းလုံးခြင်းရဲ့အင်အား)


 တပ်မတော်ကာကွယ်ရေးဦးစီးချုပ် ဒုဗိုလ်ချုပ်မှူးကြီးမင်းအောင်လှိုင်

အခုတလော အုပ်ချုပ်ရေးယန္တရားအဖွဲ့အစည်းများ၊ SB နဲ့ စရဖကဲ့သို့သော ထောက်လှမ်းရေးအဖွဲ့အစည်းများရဲ့ ထောက်လှမ်းရေး သတင်းများကို နိုင်ငံတော်သမ္မတရုံးနဲ့ တပ်မတော် ကာကွယ်ရေးဦးစီးချုပ်ရုံးများသို့ Reports တင်ခိုင်းနေရာမှ အမျိုးသားထောက်လှမ်းရေးအဖွဲ့လို အသွင်သဏ္ဍာန်မျိုး ဖွဲ့စည်းမည်ဖြစ်ကြောင်း သတင်းများ ပေါ်ထွက်လျက်ရှိပါတယ်။ နိုင်ငံတော်ရဲ့ လုံခြုံရေးကွန်ယက် ပေါက်ပြဲနေမှု ရှိနေပြီလားဆိုတာရယ်၊ အမျိုးသားထောက်လှမ်းရေးအဖွဲ့ ဖွဲ့စည်းရေး အမှန်တကယ် လိုအပ်မှု ရှိ/မရှိ ဆိုတာကို ပြည်တွင်းရှိ တပ်မတော်အရာရှိဟောင်းများနဲ့ စည်းလုံးခြင်းရဲ့အင်အား ၀က်ဘ်ဆိုဒ် အယ်ဒီတာအဖွဲ့တို့ ဆွေးနွေးခန်းကို တင်ပြသွားပါမယ်။

အယ်ဒီတာ။ သတင်းစိစစ်ဆဲအရ ယခင်နအဖ ဥက္ကဌဟောင်းရဲ့ တပည့်ဖြစ်ခဲ့တဲ့ ဗိုလ်မှူးချုပ်စိုးရှိန်ဟာလည်း အမျိုးသားထောက်လှမ်းရေးအဖွဲ့ ဖွဲ့ခဲ့လျှင် ပါဝင်ကောင်း ပါဝင်မည်၊ တပ်မတော်ကာကွယ်ရေးဦးစီးချုပ် ဒုတိယ ဗိုလ်ချုပ်မှူးကြီး မင်းအောင်လှိုင်က အမျိုးသားထောက်လှမ်းရေးအဖွဲ့ကို ကြီးကြပ်ဖွဲ့ပေးမယ်ဟု သတင်းများ ပေါ်ထွက်နေပါတယ်။ ဒါနဲ့ပတ်သက်ပြီး အဖွဲ့ရဲ့ လုပ်ငန်းတာဝန်တွေကို ရှင်းပြပေးပါဦး ဗိုလ်မှူးကြီး။

အာဏာသိမ်း တော်လှန်ရေး ကောင်စီ ဒု ခေါင်းဆောင် ဗိုလ်မှူးချုပ်ဟောင်း အောင်ကြီး ကွယ်လွန်

(ဧရာဝတီသတင်းဌာန)

ဗိုလ်မှူးချုပ်ဟောင်း အောင်ကြီး (ဓာတ်ပုံ – Dominic Faulder)

၁၉၆၂ ခုနှစ် အာဏာသိမ်း တော်လှန်ရေးကောင်စီ ၏ ဒု ဥက္ကဋ္ဌ တာဝန်ယူခဲ့သူ ဗိုလ်မှူးချုပ်ဟောင်း အောင်ကြီး (၉၄) နှစ်သည် ယနေ့နံနက် ၈ နာရီ မိနစ် ၂၀ခန့် က မရမ်းကုန်းမြို့နယ် ရွှေနှင်းဆီ ကျောင်းလမ်း နေအိမ်၌ ရုတ်တရက် ကွယ်လွန်သွားသည်။

ဦးအောင်ကြီး၏ ကြွင်းကျန်သည့် ရုပ်ကလာပ်ကို လာမည့် စနေနေ့ နေ့လယ် ၁၁ နာရီခန့်တွင် ရေဝေးသုသာန်၌ သင်္ဂြိုဟ်မည်ဟု သမီးကြီးဖြစ်သူက ဧရာဝတီသို့ ပြောသည်။

Thursday, October 18, 2012

ဦးသန်းရွှေရဲ့ တပည့်မွေးဗျူဟာ - အပိုင်း (၆)

(စည်းလုံးခြင်းရဲ့အင်အား)


စစ်အာဏာရှင် ဗိုလ်ချုပ်ကြီးဟောင်း သန်းရွှေဟာ တပည့်များကို ဘယ် လိုနေရာပေး ဆွဲတင်လာခဲ့တယ်၊ တပည့်များရဲ့ တပ်တွင်း ဆက်ဆံရေး အနေအထား အခြေအနေတွေ ဘယ်လိုရှိတယ် ဆိုတာတွေကို စာဖတ်ပရိတ်သတ် အများစုက သိချင်နေကြပါတယ်။

ဦးသန်းရွှေရဲ့ တပည့်ရင်း ဂျူနီယာအကျဆုံး သူတွေကတော့ ဒုဗိုလ်ချုပ် ကြီး အုန်းမြင့်၊ ဗိုလ်ချုပ်ဝေလွင်နဲ့ ဗိုလ်မှူးချုပ်စိုးရှိန်တို့ပဲ ဖြစ်ကြပါတယ်။ တပ်မ (၈၈) မှာ ဦးသန်းရွှေ တပ်မမှူးဖြစ်စဉ်အခါက ဦးအုန်းမြင့်ဟာ စစ်ဦးစီးမှူး (ဒုတိယတန်း) အဖြစ် တာဝန် ထမ်းဆောင်ခဲ့ဖူးသူဖြစ်ပြီး ဗိုလ်ချုပ်နေ၀င်းက မှတ်မိအောင် သူ့ကို ဦးသန်းရွှေနဲ့ ချိတ်ဆက်ပေးခဲ့တာ ဖြစ်ပါတယ်။ ကချင်ပြည်နယ်မှာ မပခတိုင်းမှူးအဖြစ် တာဝန် ထမ်းဆောင် ခဲ့တုန်းကလည်း အဂတိလိုက်စားမှု အများအပြားရှိခဲ့ပြီး စီးပွားရေးအကြီး အကျယ် သောင်းကျန်းခဲ့ပေမဲ့ ရာထူးမပြုတ်ပဲ လက်ရှိ အစိုးရအဖွဲ့မှာ တောင် ၀န်ကြီးအဖြစ် ပါလာပါသေးတယ်။

Wednesday, October 17, 2012

ဇာခန်းဆီးနောက်ကွယ်မှ ဇာတ်လမ်းများ - အပိုင်း (၁ - ၈)


အပိုင်း (၁)

ဆောင်းပါးရှင် - စစ်ဘက်နီးစပ်သူများ

ကြပ်ပြေးကို ရွေ့ဖို့ ၂၀၀၁-၂၀၀၂ ခုနှစ်ကတည်းက စတင်အကောင် အထည် ဖေါ်လာကြောင်း၊ ယခင် အတွင်းရေးမှူး (၂)က ရဟတ်ယာဉ် ပျက်သေဆုံး၊ အတွင်းရေးမှူး (၃) က အရေးယူခံရလို့ ပြုတ်နဲ့ နအဖ လည်း ဖွဲ့စည်းပုံကို ပြန်လည်ပြင်ဆင်ပေးခဲ့ရကြောင်း၊ အဲဒီနောက် ဗိုလ်သူရရွှေမန်းကို ညှိနှိုင်းကွပ်ကဲရေးမှူးဆိုပြီး အစဉ်အလာ မရှိဘဲ ရာထူးတီထွင် ခန့်အပ်ခဲ့လို့ ဗိုလ် မောင်အေးနဲ့ ဗိုလ်ခင်ညွှန့်တို့က ဘ၀င် မကျခဲ့ကြောင်း၊ ဗိုလ်ရွှေမန်း ကိုယ်တိုင် စစ်ရုံးကို ရောက်ခါစမှာ မီးစင် ကြည့် 'က' ပြီး သတိထားနေရတာကို သွားရောက် တွေ့ဆုံခဲ့တဲ့ သူ့ရဲ့ တပည့် (လယ်/ဆည်) ၀န်ကြီးဌာနက စက်ရုံမှူး ဗိုလ်မှူးတစ်ဦးထံမှ သိခဲ့ရကြောင်း၊ ဗိုလ်ရွှေမန်းရဲ့ မဟေသီ ဒေါ်ခင်လေးသက်ဟာ ကျောင်း ဆရာမ ဖြစ်ခဲ့လို့ ဗိုလ်သန်းရွှေရဲ့ အသည်းကျော် ဖိုးလပြည့်ကို ထိန်းရင်း စာသင်ပေးဖို့ စိတ်ချရတဲ့သူ လိုနေတာကို စစ်ဖက်လက်ထောက် ဗိုလ်ချုပ် နေ၀င်းက ရှာဖွေနေချိန်မှာ လိုင်းဝင်သွားပြီး နေရာ ရလာကြောင်း၊ ဗိုလ်သန်းရွှေက Balance of Power ထိန်းတဲ့ အနေနဲ့ ကြပ်ပြေးမှာ ဒုဗိုလ်ချုပ်မှူးကြီးတစ်ဦး၊ ရန်ကုန်မှာ ဒုဗိုလ်ချုပ်မှူးကြီး တစ်ဦးထားကာ ဗမာပြည် တောင်ပိုင်းနဲ့ မြောက်ပိုင်းကိုခွဲ၊ ရုံးထိုင်စေပြီး ဗိုလ်ရွှေမန်းကို ထိုးတင်ခဲ့ဖို့ လျာထားခဲ့ကြောင်း၊ မူလက ကြပ်ပြေးကို စစ်ရုံးတစ်ရုံးကိုသာ ပြောင်းရွေ့ဖို့ ရည်ရွယ်ခဲ့ကြောင်း၊ နောက်ပိုင်း ဗိုလ်ခင်ညွှန့်နဲ့ နောက်ပါ တသိုက်လုံးကို ဖြုတ်၊ ထုတ်၊ ချ ခဲ့လို့ သူတို့ရဲ့ အတွင်းစည်း သိနေတဲ့ သူများ ပီပီ အန္တရာယ် ကြီးမားလာနိုင်လို့ အားလုံးရွေ့ခဲ့ကြောင်း၊ ထိုစဉ် ရန်ကုန်မြို့မှာ ဗုံးကွဲခဲ့တဲ့ နေရာ (၃) နေရာအနက် တနေရာဖြစ်တဲ့ Junction 8 Supermarket ဟာ (၈) မိုင် မရမ်းကုန်း ကုန်းမြင့်သာစစ်ရုံးနဲ့ အလွန်နီးနေလို့ နအဖတုန်လှုပ် ချောက်ချားခဲ့ရကြောင်း၊ အမေရိကန်က လည်း အီရတ်နှင့် အာဖဂန်နစ္စတန်နိုင်ငံတွေက အာဏာရှင်များကို နှိပ်ကွပ်နေလို့ သူတို့ ရုံးစိုက်နေတဲ့ (၈) မိုင် စစ်ရုံးအဆောက်အဦးဟာ ကျဉ်းမြောင်းနေပြီး ဒုံးကျည်တစင်းနဲ့ ပစ်ခွင်းလိုက်ရုံနဲ့ ဗိုလ်သန်းရွှေရဲ့  ရုံးနဲ့ အိမ်တော်ကြီးပါ ကိစ္စချောသွားမှာဖြစ်ကြောင်း၊ ဗိုလ်သန်းရွှေရဲ့ ရုံးတက်ရုံးဆင်း၊ Golf ရိုက်၊ အိမ်ပြန်လှုပ်ရှားမှုများကို ဂြိုလ်တုနှင့်ကြည့် ပါက အသေးစိတ် မြင်တွေ့နိုင်ကြောင်း၊ အကြောက်ပိုနေကြတဲ့ ဗိုလ်ချုပ် တွေရဲ့ ချဲ့ကားပြောဆိုမှုကြောင့်လည်း ဗိုလ်သန်းရွှေ ခင်မျာ စားမ၀င် အိပ်မပျော်ဖြစ်နေရကြောင်း၊ အယူအဆ အစွဲအလမ်းကြီးမားပြီး အာဏာ ရူးသွပ်နေတဲ့ မကြိုင်ကြိုင်ဟာ ဗေဒင်နက္ခတ်အရ ဒေါ်အောင်ဆန်းစုကြည် ကို နာမ်နှိမ်စေဖို့ အင်္ဂါသား ဗိုလ်စိုးဝင်းကို ၀န်ကြီးချုပ်အဖြစ် သွေးထိုးစီစဉ် ခဲ့ခြင်းဖြစ်ကြောင်း၊ နန်းပြောင်းနန်းလွှဲ ဖြစ်မှသာ ယတြာအရ ချေပြီးသား ဖြစ်မည်ဟု ကိုးကွယ်တဲ့ဆရာများက ပြောကြကြောင်း၊ ဦးအောင်သောင်း ကိုးကွယ်တဲ့ သင်္ကန်းကျွန်း မှ အကြားအမြင်ဆရာမတစ်ဦးရဲ့ တိုက်တွန်းမှု အရ ကြက်ဆူပင် စိုက်ခိုင်းခဲ့သလို ယခုလည်း မပြောင်းရအောင် ပြောင်း ဖူး စိုက်ခိုင်းနေကြောင်း၊ ကြက်ဆူမှာ ဒေါ်အောင်ဆန်းစုကြည် ကတ်ကင်း ဖြစ်သော်လည်း ယတြာအချေကောင်းမှုကြောင့် တန်ပြန်သက်ရောက်ကာ တပြည်လုံး ကျက်ကျက်ဆူသွားကြောင်း ၊ ကြပ်ပြေးကို ကြောက်ပြေး ပြေးတဲ့ နအဖရဲ့ဇာခန်းဆီး နောက်ကွယ်မှ ဇာတ်လမ်းများကို တင်ပြပေး လိုက်ရပါတယ်။


Monday, October 15, 2012

အငြိမ်းစား ဗိုလ်ချုပ်မှူးကြီး တပ်မတော်အပေါ် သြဇာညောင်းဆဲ

(ဧရာဝတီသတင်းဌာန)


စစ်အစိုးရခေါင်းဆောင်ဟောင်း အငြိမ်းစား ဗိုလ်ချုပ်မှူးကြီး သန်းရွှေသည် တပ်မတော်၏ အမိအဖတဦးသဖွယ် ဖြစ်နေခြင်းကြောင့် တပ်မတော် အပေါ် သြဇာညောင်းဆဲဖြစ်ကြောင်း ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ အထွေထွေအတွင်းရေးမှူး ဦးဌေးဦးက ပြောသည်။
နေပြည်တော်တွင် အောက်တိုဘာလ ၁၄ ရက်နေ့က ပြုလုပ်ခဲ့သော ဧရာဝတီသတင်းဌာနနှင့် တွေ့ဆုံမေးမြန်းခန်းတွင် ဦးဌေးဦးက အထက်ပါ အတိုင်း ပြောဆိုလိုက်ခြင်းဖြစ်သည်။

ဧရာဝတီသတင်းဌာနက နိုင်ငံရေးမှ အနားယူသွားပြီဟုဆိုသော ဗိုလ်ချုပ် မှူးကြီး သန်းရွှေသည် တပ်မတော်အပေါ် သြဇာရှိနေဆဲဟု ပြောဆိုချက် များ အပေါ် မည်သို့ မှတ်ချက်ပြုလိုပါသလဲဟု မေးမြန်းရာ ဦးဌေးဦးက ဗိုလ်ချူပ်မှူးကြီး သန်းရွှေသည် တပ်မတော်၏ အမိအဖတဦးသဖွယ် ဖြစ်နေသည့်အတွက် သြဇာညောင်းဆဲဖြစ်ကြောင်း၊ သို့သော်လည်း လက်ရှိ တပ်မတော်သည် သမ္မတ ဦးသိန်းစိန်၏ လက်အောက်တွင် ရှိနေပြီး ဗိုလ်ချုပ်မှူးကြီးကလည်း တပ်မတော် ခေါင်းဆောင်ပိုင်းကို ခေါ် ယူမေးမြန်း ညွှန်ကြားခြင်းမျိုး မရှိကြောင်း၊  ဦးသန်းရွှေသည် နေအိမ်တွင် ပင် အနားယူနေပြီး ဘုရားတရားကို အဓိကထားလုပ်နေကြောင်း ပြော ဆိုသည်။

Saturday, October 13, 2012

ဦးသန်းရွှေရဲ့ တပည့်မွေးဗျူဟာ - အပိုင်း (၅)


စည်းလုံးခြင်းရဲ့အင်အား ဝက်ဘ်ဆိုဒ် www.photayokeking.org မှ ပြည်တွင်း သတင်းထောက်များက စစ်ဖက်နီးစပ်သူများနဲ့ တွေ့ဆုံခဲ့ပြီး ဦးသန်းရွှေရဲ့ အနီးကပ် တပည့်များအကြောင်းကို အခုလို ဆက်လက် ပေးပို့လာပါတယ်။

အခု ဆက်လက် ဖော်ပြမယ့်သူကတော့ သာသနာရေးဝန်ကြီး ဗိုလ်မှူးချုပ် သူရမြင့်မောင် (O.T.S -35) ဖြစ်ပြီး ခလရ (၁) မှာ တပ်ချုပ်ဦးသန်းရွှေ လက်အောက်တွင် တာဝန်ထမ်းဆောင်ခဲ့ကြောင်း၊ ဗိုလ်မှူးချုပ် သူရမြင့် မောင် ရန်ကုန်တိုင်း ဒုတိုင်းမှူး ဖြစ်နေစဉ် ကုန်းမြင့်သာ Golf ကွင်းမှာ Golf ရိုက်တိုင်း တပ်ချုပ်က သူ့ကိုခေါ်ပြီး ကုန်းမြင့်သာကို အဆင့်မြှင့် တင်ဖို့ မှာခဲ့ကြောင်း၊ အဲဒီနောက် ရကတတိုင်းမှူး ဗိုလ်ချုပ်ခင်မောင် သန်းနှင့် မတည့်လို့ သူ့အား ပြည်ထဲရေးဒုဝန်ကြီး ရွှေ့ပေးခဲ့ရကြောင်း၊ ထိုစဉ်က ပြည်ထဲရေးဝန်ကြီးဟာ ဗိုလ်မှူးကြီးဝာင်လှိုင် ဖြစ်နေပြီး ဗိုလ်မှူး ကြီး အဆင့်ပင် ရှိနေသေးလို့ သူက ဗိုလ်မှူးချုပ်ဖြစ်နေရာ တပ်ထုံးစံအရ ပြောင်းပြန် အလေးပြုရမလို ဖြစ်နေကြောင်း၊ နောက်မှ သာသနာရေးဝန် ကြီး နေရာလစ်လပ်လာလို့ ရကတတိုင်းမှူးနှင့် ဒုတိုင်းမှူးတွေရဲ့ အစဉ် အလာ အတိုင်း ကြွမြန်းရကြောင်း၊ သူကတော့ ရိုးသားပြီး ဖားတတ်တဲ့ အကျင့် မရှိပေမယ့် ဦးသန်းရွှေက ချစ်ပါကြောင်း၊ ရွှေဝါရောင် အရေး အခင်း အုံကြွနေချိန်မှာ တခြားလူဆိုရင် သာသနာရေးဝန်ကြီး ပြုတ်မှာဖြစ် ပေမဲ့ သူကတော့ အေးဆေးဖြစ်နေကြောင်း စစ်ဖက်နီးစပ်သူများက ဆိုပါတယ်။

Wednesday, October 10, 2012

ဦးသန်းရွှေရဲ့ တပည့်မွေးဗျူဟာ - အပိုင်း (၄)

(စည်းလုံးခြင်းရဲ့အင်အား)

စစ်အာဏာရှင် ဗိုလ်ချုပ်ကြီးဟောင်းသန်းရွှေဟာ တပည့်များကို ဘယ်လိုနေရာပေး ဆွဲတင်လာခဲ့တယ်၊ တပည့်များရဲ့ တပ်တွင်း ဆက်ဆံရေး အနေအထား အခြေအနေတွေ ဘယ်လိုရှိတယ် ဆိုတာတွေကို စာဖတ်ပရိတ်သတ် အများစုက သိချင်နေကြပါတယ်။

ဒီတစ်ကြိမ်တော့ ပြည်တွင်းရှိ စည်းလုံးခြင်းရဲ့အင်အား ဝက်ဘ်ဆိုဒ် www.photayokeking.org မှ သတင်းထောက်များက စစ်ဖက်နီးစပ်သူများနဲ့ ကိုယ်တိုင်တွေ့ဆုံခဲ့ပြီး ဦးသန်းရွှေရဲ့ တပည့်များအကြောင်း အခုလို ပေးပို့လာပါတယ်။

(လယ်/ဆည်) ဝန်ကြီးဟောင်း ဗိုလ်ချုပ်ညွှန့်တင် (D.S.A – 7) ဆိုရင် ခလရ (၁) မှာကတည်းက ထိုစဉ်က တပ်ရင်းမှူးဦးသန်းရွှေရဲ့ အနီးကပ် IO (ထောက်လှမ်းရေး အရာရှိ) တစ်ဦး ဖြစ်ခဲ့ကြောင်း၊ ဒီလိုနဲ့ ဗိုလ်ချုပ်ညွန့်တင်လည်း နတခတိုင်းမှူး ဖြစ်လာရာ ဒုတပ်ချုပ် ဒုဗိုလ်ချုပ်မှူးကြီးမောင်အေးကို “ဖား” တဲ့အနေနဲ့ သူ့ကိုယ်သူ ဗိုလ်ညွှန့်တင်လို့သာ နှိမ့်ချသမုတ်ခဲ့ကြောင်း၊ (လယ်/ဆည်) ဝန်ကြီး ဖြစ်လာပြီးမှ ဇနီးဘက်က မောင်တော်သူတစ်ဦးရဲ့ အဂတိလိုက်စားမှု ပြဿနာဖြစ်ခဲ့ကြောင်း၊ အဲဒီပြဿနာဟာ ဒေါ်ကြိုင်ကြိုင်နှင့် သွယ်ဝိုက် ပတ်သက်နေရာက တပ်ချုပ်လည်း တပည့်နဲ့ဇနီးကြား စိတ်သောကရပြီး ဆေးရုံတက်ရသည်အထိ ဖြစ်ခဲ့ကြောင်း၊ ဗိုလ်ချုပ်ညွန့်တင်ကို အနားပေးတာတောင် ဦးသန်းရွှေက ယခင်ဗိုလ်ချုပ်တွေလို အကျယ်ချုပ် မထားခိုင်းပဲ လွတ်လွတ်လပ်လပ် နေခွင့်ပေးခဲ့တာတွေရှိကြောင်း သိရှိရပါတယ်။

ဦးသန်းရွှေရဲ့ တပည့်မွေးဗျူဟာ - အပိုင်း (၃)

(စည်းလုံးခြင်းရဲ့ အင်အား)

စစ်အာဏာရှင် ဗိုလ်ချုပ်ကြီးဟောင်း သန်းရွှေဟာ တပည့်များကို ဘယ်လိုနေရာပေး ဆွဲတင်လာခဲ့တယ်၊ တပည့်များရဲ့ တပ်တွင်း ဆက်ဆံရေး အနေအထား အခြေအနေတွေ ဘယ်လိုရှိတယ် ဆိုတာတွေကို စာဖတ်ပရိတ်သတ် အများစုက သိချင်နေကြပါတယ်။  ဒီတကြိမ်မှာတော့ ဦးသန်းရွှေရဲ့ တပည့်ရင်းထဲက ဗိုလ်ချုပ်ဝင်းလှိုင် အကြောင်းကို စစ်ဒေသ (၂) (ရန်ကုန်တိုင်း စစ်ဌာနချုပ်) မှာ တာဝန်ထမ်းဆောင်ခဲ့တဲ့ အရာရှိတစ်ဦးနဲ့ အခုလို ဆက်သွယ် မေမြန်းခဲ့ပါတယ်။

ဗိုလ်မှူး ။   ။ ဗိုလ်ချုပ်ဝင်းလှိုင်ကတော့ (O.T.S - 30) ကျောင်းဆင်းတစ်ဦးပါ။ ဗိုလ်ချုပ်မှူးကြီးကို Golf ရိုက် သင်ပေးခဲ့တဲ့ ဆရာ တစ်ဦးဖြစ်တယ် ဆိုရင် မမှားဘူးပေါ့ဗျာ။ ဦးသန်းရွှေ တပ်မ (၈၈) တပ်မမှူးရာထူးနဲ့ ရှေ့တန်း ကျိုင်းတုံမှာ ရှိနေစဉ် Golf ရိုက် ကျွမ်းကျင်အောင် လေ့ကျင့် သင်ကြားပေးခဲ့တယ်။ ဗိုလ်ချုပ်ဝင်းလှိုင်ဟာ တရုတ်စပ်ပြီး လူငယ်လို Hot Style လန်လန်ပျံပျံနဲ့ စစ်သားလို မနေပဲ ခပ်ထောင်ထောင် နေတတ်တယ်။ ဦးသန်းရွှေ ကက (ကြည်း) မှာ ဒုတပ်ချုပ်၊ တပ်ချုပ် ဖြစ်လာတော့ ဗိုလ်ချုပ်ဝင်းလှိုင်ကို ရန်ကုန်တိုင်း စစ်ဌာနချုပ် စစ်ဒေသ (၂) မှူး၊ ဗိုလ်မှူးချုပ်အဆင့် ရာထူးပေးတယ်ဗျ။ အဲ့ဒီတုန်းက စစ်ဒေသမှူးတွေဟာ ဗိုလ်မှူးကြီးအဆင့်သာရှိလို့ အဲဒီတုန်းက ရန်ကုန်တိုင်း ဒုတိုင်းမှူး ဗိုလ်မှူးချုပ်စိန်ထွားနဲ့ ယှဉ်ရင် တန်းတူ ပုခုံးချင်း ယှဉ်နေလို့ တပ်အစဉ်အလာ ထုံးစံ မဟုတ်သလို ဖြစ်နေတယ်ဗျ။ သက္ကန်းကျွန်းမြို့ ကျိုက္ကဆံဘုရားကို ဦးသန်းရွှေက ယာဉ်တန်းနဲ့ ကြိုတင် အသိမပေးပဲ ရုတ်တရက် ဘုရားဖူး လာတယ်ဗျ။ အဲ့ဒီမှာ နယ်မြေဧရိယာ လုံခြုံရေးအရ တာဝန်ရှိတဲ့ ဗိုလ်ချုပ်ဝင်းလှိုင်က ဦးသန်းရွှေကို တစုံတခု ဖြစ်သွားရင် သူ့မှာ တာဝန်ရှိမှာဖြစ်လို့ ဒီလို မဖြစ်သင့်ကြောင်း ခပ်ဆတ်ဆတ်စကား ပြောလိုက်တယ်ဗျာ။ ဘေးနားက အရာရှိတွေ အံ့သြကုန်ကြတယ်။ ဘယ်သူမှ ဒီလိုမပြောရဲဘူးလေ။

ဦးသန်းရွှေရဲ့ တပည့်မွေးဗျူဟာ - အပိုင်း (၂)

(စည်းလုံးခြင်းရဲ့ အင်အား)

ဒီတစ်ကြိမ်တော့ လုံခြုံရေးအရ မေးမြန်း ဆွေးနွေးခန်း ပုံစံထက် သတင်းဆောင်းပါး အနေအထားဖြင့် အငြိမ်းစား တပ်ရင်းမှူးဟောင်း ဒုဗိုလ်မှူးကြီးတစ်ဦးရဲ့ ကိုယ်တွေ့ ပေးပို့လာချက်ကို ဖေါ်ပြ ပေးလိုက်ပါတယ်။
 
ဦးသန်းရွှေရဲ့ တပည့်ရင်းတစ်ဦးဖြစ်တဲ့ စစ်ဘက်လက်ထောက် ဗိုလ်ချုပ်နေဝင်းဟာ အလုပ်သင်ဗိုလ်၊ ဗိုလ်လောင်းအပတ်စဉ် (၁) တေဇကျောင်းဆင်း ဖြစ်ပါတယ်။ ဦးသန်းရွှေ ခလရ (၁) တပ်ရင်းမှူး ဖြစ်ကတည်းက ဒုဗိုလ်၊ ဗိုလ်အဆင့်နဲ့ အနီးကပ် တာဝန် ထမ်းဆောင်ခဲ့သူ ဖြစ်ပါတယ်။ ၁၉၈၈ခုနှစ် နဝတ တက်ခါစက ခလရ (၉၁) မှော်ဘီမှာ တာဝန်ထမ်းဆောင်နေတဲ့ ဗိုလ်မှူးနေဝင်းကို စမ်းချောင်းမြို့နယ် မဝတဥက္ကဌအဖြစ် ပူးတွဲတာဝန်ယူစဉ် ကျွန်တော် ဦးစွာဆုံတွေ့ခဲ့ပါတယ်။ သူ့ကို ကျွန်တော် အလုပ်ကိစ္စတစ်ခုနဲ့ သွားရောက် အကူအညီ တောင်းခံခဲ့ရာ ကိုနေဝင်းဟာ လျောလျောလျူလျူ လုပ်ပေးခဲ့ပါတယ်။ ထိုစဉ်က ကျွန်တော်ဟာ အထက်ဌာန (စစ်ဌာနချုပ်) ရုံးတစ်ခုမှာ တာဝန်ထမ်းဆောင်နေလို့ အကိုကြီး လိုအပ်တာရှိရင် ဖုန်းဆက်ပါလို့ ကွန်တော်ပြောခဲ့ရာ ကိုနေဝင်းက ရီကြဲကြဲနဲ့ မောင်ရင်တို့ အထက်ဌာနဆိုရင် ကြောက်နေရတယ်။ မတောင်းဝံ့ဘူးကွာ လို့ ပြန်ပြောပါတယ်။ ထိုစဉ်က ကျွန်တော်လည်း သူ့ကို ဦးသန်းရွှေ တပည့်ရင်းမှန်း မသိသေးလို့ လျှော့တွက်မိပါတယ်။

ဦးသန်းရွှေရဲ့ တပည့်မွေးဗျူဟာ - အပိုင်း (၁)

(စည်းလုံးခြင်းရဲ့ အင်အား)

စစ်အာဏာရှင် ဗိုလ်ချုပ်မှူးကြီးဟောင်း သန်းရွှေဟာ တပည့်များကို ဘယ်လိုနေရာပေး ဆွဲတင်လာခဲ့တယ်ဆိုတာရယ် တပည့်များရဲ့ တပ်တွင်းဆက်ဆံရေး အနေအထား အခြေအနေတွေ ဘယ်လိုရှိတယ် ဆိုတာတွေကို စာဖတ်ပရိတ်သတ် အများစုက သိချင်နေကြပါတယ်။

ဒါကြောင့် စည်းလုံးခြင်းရဲ့အင်အား ဝက်ဘ်ဆိုဒ် www.photayokeking.org အယ်ဒီတာအနေနဲ့ ပြည်တွင်းရှိ စစ်ဖက်နီးစပ်သူများနှင့် လက်ရှိ တာဝန်ထမ်းဆောင်နေသူများကို ဆက်သွယ်မေးမြန်းပြီး တင်ပြသွားမှာ ဖြစ်ပါတယ်။

အငြိမ်းစားယူသွားတဲ့ တပ်ရင်းမှူးဟောင်း ဒုဗိုလ်မှူးကြီးတစ်ဦးက “ဦးသန်းရွှေရဲ့ တပည့်များရှိတဲ့အနက် ထင်ရှားတဲ့ တပည့်များရှိသလို မထင်မရှား ဖြစ်သွားတဲ့ တပည့်တွေရှိတယ်ဗျ။ အဲဒါတွေကတော့ စစ်ဘက်လက်ထောက် စီနီယာဖြစ်တဲ့ ဗိုလ်ချုပ်နေဝင်းနဲ့ ဂျူနီယာဖြစ်တဲ့ ဗိုလ်မှူးချုပ်စိုးရှိန်၊ ကကဝယ် (စစ်လက်နက်ပစ္စည်း ဝယ်ယူရေး) ညွှန်ကြားရေးမှူး ဗိုလ်ချုပ် ဝင်းလှိုင်၊ ကကထုတ် (စစ်လက်နက်ပစ္စည်း ထုတ်လုပ်ရေး အရာရှိချုပ်) ဗိုလ်ချုပ်ကြီး တင်အေး၊ ဗိုလ်ချုပ်ကြီး သူရရွှေမန်း၊ ဗိုလ်ချုပ်ကြီး စိုးဝင်း၊ ဗိုလ်ချုပ်ကြီး သိန်းစိန်၊ ဗိုလ်ချုပ် ကြည်အောင်၊ ဗိုလ်ချုပ် ညွှန့်တင်၊ ဒုဗိုလ်ချုပ်ကြီး (မြင့်ဆွေ၊ ခင်မောင်သန်း၊ အုန်းမြင့်)၊ ရဲချုပ် စိုးဝင်း၊ ဦးကိုလေး၊ ဗိုလ်မှူးချုပ် သူရမြင့်မောင်၊ ဗိုလ်ချုပ် (လှအောင်သိန်း၊ စောလှမင်း၊ ဝေလွင်)၊ တပ်ကြပ်ကြီး ထွန်းထွန်းဦးတို့ ဖြစ်ကြတယ်ဗျ”။