ဖောက်လှဲ ဖောက်ပြန် အစိုးရ

(Mizzima)

"I'm not happy in office. 
အစိုးရထဲဝင်ပြီး ရာထူးယူရတာ ငါတော့ မပျော်ပါဘူးကွာ"
ဗိုလ်ချုပ်အောင်ဆန်းက အထက်ကကဲ့သို့ ပြောခဲ့ဖူးကြောင်း သူ၏ အပါးတော်မြဲ (ကိုယ်ရေး အတွင်းရေးမှူး) စာရေးဆရာ တက္ကသိုလ်နေဝင်း ပြန်ရေးပြသဖြင့် ဖတ်မှတ်ခဲ့ဖူးသည်။

အစိုးရအလုပ်သည် တိုင်းပြည်နှင့်လူထုကို မျက်နှာမူရသော အလုပ်ဖြစ်သည်။ ပြည်သူကို ဖိနှိပ် အုပ်ချုပ်ရသော အလုပ် မဟုတ်ပါ။ အပြော တစ်ဖုံ၊ အပြ တစ်မျိုး၊ အလုပ် တစ်သွယ် လုပ်မရပါ။ တစ်ခွန်းတည်ဆိုရသော် "ဖောက်လှဲ ဖောက်ပြန်" လုပ်မရ။ ပြည်သူများ၏ လိုလားချက်များကလည်း မတူကွဲပြားပြီး များပြားသဖြင့် အစိုးရလုပ်သူများသည် ခေါင်းခြောက်ရသည်။ ထို့ကြောင့် ရိုးသော၊ ဖြောင့်သော၊ တိုင်းပြည်ကို ချစ်သော၊ ပြည်သူကို လေးစားသော ဗိုလ်ချုပ်အောင်ဆန်းက စိတ်မကောင်းစွာဖြင့် ပြောခဲ့ခြင်းဖြစ်သည်။


၁၉၄၆ စက်တင်ဘာ ၂၈ တွင် ဖဆပလအဖွဲ့ချုပ် ဥက္ကဋ္ဌ၊ ပြည်သူ့ရဲဘော်တပ်ဖွဲ့ သေနာပတိ ဗိုလ်ချုပ်အောင်ဆန်းသည် ဘုရင်ခံ အမှုဆောင်အဖွဲ့ဝင် ကာကွယ်ရေးနှင့် နိုင်ငံခြားရေးဝန်ကြီး ဖြစ်လာခဲ့သည်။

"ငါတို့ နိုင်ငံရေးလုပ်လာတာ ဗြုန်းကနဲ ဒီလိုအစိုးရအဖွဲ့ထဲ ရောက်လိမ့်မယ်လို့ တစ်ခါမှ စိတ်မကူးခဲ့ဘူး။ ခုတော့ မမျှော်လင့်ဘဲ အစိုးရအဖွဲ့ဝင်ရာထူး ယူလိုက်ရတော့ ငါ့စိတ်ထဲ ဘာကြောင့်မှန်းမသိ၊ ပျော်ကို မပျော်ပါဘူးကွာ" ဗိုလ်ချုပ်အောင်ဆန်းသည် မိသားစုအရေးထက် တိုင်းပြည်အရေးကို အလေးထားခဲ့သူဖြစ်သည်။ နိုင်ငံ့လွတ်လပ်ရေးနှင့် တိုင်းရင်းသား စည်းလုံးညီညွတ်ရေးကို ဦးထိပ်ထားခဲ့သူဖြစ်သည်။ အစိုးရအလုပ်ကို အခွင့်အရေးယူစရာ၊ အာဏာပြစရာ၊ ပိုက်ဆံချမ်းသာအောင် လုပ်စရာအဖြစ် သူ မမြင်ခဲ့ပါ။ စက်ဆုပ်ရွံမုန်းခြင်း မဖြစ်တောင် အစိုးရတာဝန်ကို သူစိုးရွံ့ခဲ့သည်။ မလွယ်ကူကြောင်းကို သူနားလည်ခဲ့သည်။

၁၉၆၂ နောက်ပိုင်းမှစ၍ စစ်အာဏာရှင်များသာ တဆက်ပြီးတဆက်ပြောင်းပြီး အုပ်ချုပ်ခဲ့ရာ တိုင်းပြည်မှာ အချမ်းသာဆုံး၊ အဖွံ့ဖြိုးဆုံး၊ ပညာအတတ်ဆုံး၊ နိုင်ငံရေးသြဇာ အရှိဆုံး ဘ၀မှသည် မြန်မာသည် ဖွံ့ဖြိုးမှုအနည်းဆုံးနှင့် အဆင်းရဲဆုံး တိုင်းပြည်အဖြစ်သို့ ရောက်သွားခဲ့သည်။ စစ်အာဏာရှင်များကား လွန်စွာချမ်းသာခဲ့သည်။ တိုင်းပြည်အာဏာကို မိဘဘိုးဘွားပိုင် အာဏာအဖြစ် မှတ်ထင် ယုံကြည်ကြပြီး အကြီးအကျယ် ခြစားခဲ့သည်မှာ တိုင်းပြည်ဆုတ်ယုတ်သလောက် ၎င်းတို့ ချမ်းသာခဲ့ကြသည်။

၂၀၀၈ အခြေခံဥပဒေကို စစ်အာဏာရှင်များက တိုင်းပြည်အာဏာကို ၎င်းတို့ဘိုးဘွားစဉ်ဆက်ပိုင် အာဏာအဖြစ်သို့ အသွင်ပြောင်းနိုင်ရန် စနစ်တကျ ရေးသားပြီး၊ ယင်း အခြေခံဥပဒေဖြင့်ပင် ၂၀၁၀ အထွေထွေရွေးကောက်ပွဲကို နှစ်သက်သည့်ပုံစံဖြင့် တစ်ဖက်သတ် ကျင်းပခဲ့ပြီး ဗိုလ်ချုပ်ကြီးဟောင်း သမ္မတဦးသိန်းစိန်အစိုးရ တက်လာခဲ့သည်။ ဗိုလ်ချုပ်ကြီးဟောင်းအစိုးရသည် တိုင်းပြည်ကို လှိုင်းသုံးလှိုင်းဖြင့် အုပ်ချုပ်ရင်းဖြင့် ၂၀၁၅ တွင် နောက်ထပ် အထွေထွေရွေးကောက်ပွဲ ကျင်းပရန် ရှိပါသည်။

ရွေးကောက်ပွဲမတိုင်မီတွင် တိုင်းပြည်မှာ ငြိမ်းချမ်းရေးလည်း မရသေးပါ၊ တိုင်းရင်းသားစည်းလုံးညီညွတ်ရေးမှာလည်း တန်းတူညီမျှရှိရေးတွင်ပင် ပြဿနာတက်နေသည်။ 
ဒီမိုကရေစီရေးနှင့် လူ့အခွင့်ရေးတို့မှာ မေးခွန်းထုတ်စရာ များစွာ ရှိနေသည်။ လူထုအကျိုးရည် လှုပ်ရှားဆောင်ရွက်သူများမှာ ထောင်ကျတန်းကျနှင့် ဆောင်ရွက်နေရပြီး၊ အာဏာရှင် အလိုကျ ဆောင်ရွက်သူများမှာ အကြံပေးလိုလို နောက်လိုက်ယောင်ယောင် ဖြစ်နေခဲ့သည်။ 
အတိုက်အခံများမှာလည်း အစိုးရ မညိုညင်စေရန် နိုင်ငံရေးထောင်ချောက်နှင့် မိုင်းဗုံးများကို ရှောင်ရှားပြီး စကားသတိ၊ သွားသတိ၊ လာသတိဖြင့် အလုပ်လုပ်နေကြရသည်။

ပညာရေးနှင့် ကျန်းမာရေးမှာ ပြောစရာ အကောင်းဆုံး အလွဲအချော်များ တွေ့ရသည်။ အစိုးရသည် ဆရာထုနှင့် ကျောင်းသားထု၏ ဆွေးနွေးမှု၊ ထောက်ခံမှု မပါသည့် အမျိုးသားပညာရေးဥပဒေတစ်ရပ်ကို ရေးဆွဲပြီးနောက် လွှတ်တော်မှတဆင့် အတည်ပြုလိုက်ရာမှစ၍ တစ်နိုင်ငံလုံးအနှံ့ ကျောင်းသားသပိတ်များ ပေါ်ထွက်ခဲ့သည်။ အစိုးရသည် ကြေညာချက်များ ထုတ်ဆင့်၍ ၎င်းတို့အပြစ်လွတ်သည့် ပုံစံမျိုး ဖမ်းချိုးသော်လည်း မည်သူကျား၊ မည်သူလူသားဆိုသည်ကို ပြည်သူများကား ကောင်းစွာသိနေကြသည်။

နှစ်ပေါင်း ၅၀ ကျော် စစ်အာဏာရှင်များက စစ်အာဏာရှင်ပုံစံဖြင့် အုပ်ချုပ်ခဲ့ရာ နေရာတိုင်းတွင် ထက်အောက် ဖိနှိပ်ခြင်း အလုပ်စဉ်ဖြင့်သာ သွားနေပြီဖြစ်သည်။ ပြည်သူများကား ခံဖက်ကချည်းဖြစ်ပါသည်။ စာရေးဆရာဦးအောင်သင်းက အစိုးရသည် အစသာ ရိုးသည်ဟု ဟောပြောခဲ့စဉ်က နားထောင်သူပြည်သူများ ပွဲကျခဲ့ဖူးသည်။ သမ္မတဦးသိန်းစိန်အစိုးရသည် သက်တမ်းကုန်ခါနီးအထိ ပြည်သူပါလာအောင် မဆွဲဆောင်နိုင်သေးပါ၊ မစည်းရုံးနိုင်သေးပါ။ ပြည်သူရော အစိုးရကပါ တပူးတသားတည်း မရှိဘဲ ရန်ဘက် ကန်ချက်အသွင် ဆောင်နေဆဲဖြစ်သည်။

သမ္မတ၏ မိန့်ခွန်းများပါ အစချီစကားလုံးဖြစ်သော မိဘပြည်သူများသည် ကာတွန်းဆရာများ၏ သရော်စရာ စကားလုံးအဖြစ် ပြောင်းသွားခဲ့ပြီဖြစ်သည်။ လူထုယုံကြည်မှုကို ရာခိုင်နှုန်းကျော် ရခဲ့သော် ဗိုလ်ချုပ်အောင်ဆန်းသည် အစိုးရအလုပ်ကို မပျော်ခဲ့သူ ဖြစ်သည်။ လူထုယုံကြည်မှုကို ရခဲ့သူသည် ပေးဆပ်ရမည့် တာဝန်များ များပြားလွန်းသည်ကို သူသိသည်၊ သားပစ်မယားပစ် ကိုယ်ကျိုးစွန့် အနစ်နာခံရမည်ကို သူသိသည်။ ဗိုလ်ချုပ်သည် မပျော်ခဲ့ပါ။ အစိုးရလုပ်ပြီး ဖောက်လှဲဖောက်ပြန် လုပ်ရမည်ကို ဗိုလ်ချုပ်သည် စက်ဆုပ်သူ ဖြစ်သည်။ ဖောက်လှဲဖောက်ပြန်အစိုးရကို အဘယ်ပြည်သူသည် ကြိုက်အံ့နည်း။