၂၀၀၈ အခြေခံဥပဒေ နှင့် စစ်အုပ်စုကို ပြတ်ပြတ်သားသား ဖယ်ရှားနိုင်မှသာ

(မိုးမခ)

တူမောင်ညို

ဒီဇင်ဘာလ ၇၊ ၂၀၁၃

တပ်မတော်ကို စစ်အုပ်စု က ဂုတ်ခွစီး ထားပြီး ခါးပိုက်ဆောင် တပ် သဖွယ်လုပ် ထားနိုင် သမျှကာလ ပတ်လုံး ပရော်ဖက်ရှင် စစ်တပ် ဖြစ် မလာနိုင်။ စစ်အုပ်စု သည် ၁၉၆၂ ခုနှစ် စတင်ပြီး တပ်မတော် ကို လုံးလုံး လျားလျား အုပ်စီးသွား ခဲ့ခြင်းဖြစ်သည်။ ယနေ့ အထိ အုပ်စီး ထားနိုင် ဆဲဖြစ်သည်။

ယနေ့မြန်မာ့ ဒီမိုကရေစီ အပြောင်းအလဲ ဆိုသည် တွင် “၂၀၀၈ အခြေခံဥပဒေ” ကိုသာကွက်ပြီး ပြင်ဆင်/ အသစ်ရေးဆွဲနေ၍ ဒီမိုကရေစီစနစ်ပီပီပြင်ပြင်ပေါ်ပေါက်မလာနိုင်သကဲ့သို့   တပ်မတော်အပေါ် စစ်အုပ်စု၏ အုပ်စီးထားမှုကို မဖယ်ရှားနိုင်လျှင် ဒီမိုကရေစီစံ နှုန်းနှင့်ပြည့်ဝသောနိုင်ငံဖြစ်လာနိုင်မည်မဟုတ်ပါ။

စစ်အုပ်စုက တပ်မတော်ကို ဂုတ်ခွစီးထားပြီး နိုင်ငံရေး/စီးပွားရေး လက်ဝါးကြီးအုပ် ဗိုလ်ကျချယ်လှယ်နေမှုကို ဖယ်ရှားပစ်ရ မည်။ ဤသို့ဖယ်ရှားနိုင်လျှင် တပ်မတော်အတွက် ပရိုဖက်ရှင်နယ်စစ်တပ်ဖြစ်လာရေးလမ်းကြောင်းသည် ဖြောင့်ဖြူးလာပေလိမ့်မည်။ တကယ်တော့ စစ်အုပ်စုက တပ်မတော်ကို နဖားကြိုးထိုးပြီးလိုရာအသုံးချနေခြင်းသာဖြစ်သည်။

စစ်အုပ်စုသည် တပ်မတော်ကို နဖားကြိုးထိုးပြီးလိုရာအသုံးချနိုင်ရန်အတွက်ဆိုလျှင် ကာချုပ်ကိုယ်တိုင်ကသော်လည်းကောင်း၊ သို့တည်းမဟုတ် ကာချုပ်ကို အမိန့်ပေးစေခိုင်းနိုင်သူကိုသော်လည်း ပိုင်ပိုင်နိုင်နိုင်ချုပ်ကိုင်ထားရစမြဲဖြစ်သည်။

ဗိုလ်နေဝင်းသည် ကိုယ်တိုင်ကာချုပ်လုပ်၍ တပ်မတော်ကို ချုပ်ကိုင်စေစားခဲ့သလို၊ သူ့စိတ်ကြိုက် ကာချုပ်များခန့်အပ်၍လည်း ချုပ်ကိုင်စေစားခဲ့သည်။ ဗိုလ်နေဝင်းသည် သူတို့တိုင် ကာချုပ်လုပ်ခဲ့ပြီး သူ့စိတ်ကြိုက်ချယ်လှယ်အမိန့်ပေးနိုင်မည့် ကာချုပ်များကို တစ်ဦး ပြီး တစ်ဦးခန့်အပ်စေခဲ့သည်။ ဗိုလ်စန်းယု၊ ဗိုလ်တင်ဦး (ဒီချုပ် ဦးတင်ဦး) ၊ ဗိုလ်ကျော်ထင်၊ ဗိုလ်စောမောင်နှင့်ဗိုလ်သန်းရွှေ အထိ ကာချုပ် ၆ ယောက်သည် ဗိုလ်နေဝင်း စိတ်ကြိုက်ခန်ထားသော  ကာချုပ်များပင်ဖြစ်သည်။

ဗိုလ်နေဝင်းသည် ၁၉၄၉ မှ ၁၉၇၂ ထိ ၂၃ နှစ်ကာချုပ်လုပ်ခဲ့သူဖြစ်သည်။ ဤသို့လုပ်နိုင်ရန်  နယ်ချဲ့ဆန့်ကျင်ရေး၊ ဖက်ဆစ် တော်လှန်ရေး၊ ရဲဘော်သုံးကျိပ်ဝင်အစရှိသော သမိုင်းဖြတ်သန်းမှုနောက်ခံများက ဗိုလ်နေဝင်းအတွက် ရေခံမြေခံကောင်းတွေဖြစ်ခဲ့ သည်။ တကယ်တော့ ပြည်တွင်းစစ်က ဗိုလ်နေဝင်းနှင့်သူ၏ စစ်အုပ်စုအတွက် အာဏာသရဖူဆောင်းပေးခဲ့ခြင်းဖြစ်သည်။ ပြည်တွင်းစစ် တွင်သူတို့ တွင်ကျယ်လာခဲ့ခြင်းဖြစ်သည်။ သူတို့ တွင်ကျယ်သလောက်လည်း တိုင်းပြည်ပျက်ခဲ့ရသည်။ ယခုထိအဖတ်ဆယ်၍မရနိုင် သေး။

ယခုအခါ ဗိုလ်သန်းရွှေသည် ဗိုလ်နေဝင်းနောက်ဖဝါးခြေထပ်လိုက်ခဲ့ခြင်းဖြစ်သည်။ ကွဲပြားသည်မှာဗိုလ်သန်းရွှေ၌ ဗိုလ်နေဝင်း ကဲ့သို့သမိုင်းရေခံမြေခံမရှိခြင်းပင်။ ထို့အပြင် ယနေ့ခေတ်ကာလကလည်း ဗိုလ်နေဝင်းတို့ခေတ်ကာလမှာကဲ့သို့ “ဆိုရှယ်လစ်လှိုင်း” ထနေ သည့်ခေတ်မဟုတ်တော့၊ “ဒီမိုကရေစီလှိုင်း” ထန်နေသောခေတ်ကာလဖြစ်သည်။

သို့အတွက် ဗိုလ်သန်းရွှေသည် ဒီမိုကရေစီကို “စည်းကမ်းပြည်ဝသော” ဝိသေသပြုပေးခဲ့ရသည်။ (ဗိုလ်နေဝင်းက “မြန်မာ့ နည်းမြန်မာ့ဟန်” ဆိုရှယ်လစ် ခဲ့သလို)

ထို့အပြင် ဗိုလ်သန်းရွှေ၌ ဗိုလ်နေဝင်းမှာကဲ့သို့ သူ့စိတ်ကြိုက်ကာချုပ်တွေ အများကြီးတင်မသွားနိုင်ခဲ့။ တင်၍လည်းမဖြစ်နိုင် ပြင်းထန်လှသော ၈၈ ဒီမိုကရေစီပြည်သူ့လှိုင်းလုံးကြီးကိုသူရင်ဆိုင်ခဲ့ရသည်။

သို့ဖြင့် ကိုယ်တိုင်ကာချုပ် ၁၉ နှစ် လုပ်ခဲ့ပြီး တပ်မတော်ကို တိုက်ရိုက်ချုပ်ကိုင်ကာ ဗိုလ်နေဝင်းကို ခွာရာတိုင်းပြနိုင်ခဲ့သည်။ ဗိုလ်သန်းရွှေအတွက်အခွင့်အခါကောင်းတစ်ခုမှာ“၈၈ဒီမိုကရေစီ အရေးတော်ပုံကြီး” ကြောင့် နန်းကျအစွယ်ကျိုးခဲ့ရသော စစ်အာဏာရှင် ဗိုလ်နေဝင်း၏ အာဏာအငုတ်အတက်များကို အလွယ် တကူဖယ်ရှားနိုင်ခဲ့ခြင်းဖြစ်သည်။

“၈၈ ဒီမိုကရေစီ အရေးတော်ပုံ ” တပ်သားအများအပြားကို ထောင်သွင်းအကျဉ်းချပြီး နှိပ်စက် သတ်ဖြတ်ခဲ့သူ  ဗိုလ်နေဝင်း၏ အိမ်တော်ပါလူမိုက် ဗိုလ်ခင်ညွန့် (ထောက်လှမ်းရေးဂိုဏ်း)ကို ၂၀၀၄ ခုနှစ်၌ အပြတ်ရှင်းပြီးချိန်တွင် ဗိုလ်သန်းရွှေ၏ အာဏာသည် စစ်အုပ်စုထဲတွင် ပြိုင်ဘက်ကင်းသွားတော့သည်။ လက်ရှိကာချုပ် ဗိုလ်မင်းအောင်လှိုင်သည် ဗိုလ်သန်းရွှေစိတ်ကြိုက်ရွေးချယ်တင်ခဲ့သည့် ကာချုပ်ပင်ဖြစ်သည်။ အခြားကာချုပ်ဖြစ်နိုင်သူတွေကိုကျော်ပြီး ဗိုလ်မင်းအောင်လှိုင်အား ဗိုလ်သန်းရွှေကရွေးချယ်ခဲ့သည်။ ကာချုပ် ဆိုသည်မှာ တပ်မတော်တွင် သူ့ထက်ကြီးတာမရှိတော့။ တပ်မတော်၏ထိပ်ဆုံးကို ချုပ်ကိုင်ထားနိုင်လျှင် ကိစ္စကပြတ်နေပြီ။ ဒီတော့ ကာချုပ်ကိုနောက်ကွယ်မှ ချုပ်ကိုင်ချယ်လှယ်ထားနိုင်သူသည်သာ တကယ့်ကာချုပ်ဖြစ်တော့သည်။ ဗိုလ်မင်းအောင်လှိုင်မှာ ရုပ်ပြကာချုပ် ကလေး၊ ရင်ခွင်ပိုက်ကာချုပ်ကလေးမျှသာဖြစ်သည်။

ဗိုလ်မင်းအောင်လှိုင်အနေဖြင့် ဒီချုပ်၏ “မေတ္တာရပ်ခံချက်” ကို မတုန့်ပြန်ဝံ့သည်မှာ ရုပ်ပြကာချုပ်ကလေး/ရင်ခွင်ပိုက် ကာချုပ် ကလေးဖြစ်နေသောကြောင့်ပင်ဖြစ်သည်။

ဗိုလ်သန်းရွှေသည် သူလွန်သောကာလတွင် စစ်တပ်အတွက် ကာချုပ်သာမက၊ “၂၀၀၈အခြေခံဥပဒေ” ၊ ကြံ့ဖွံ့ပါတီ တို့တွင်ပါ ဘယ်သူတွေဘယ်နေရာယူကြဟု စီမံပေးသွားခဲ့ခြင်းဖြစ်သည်။ ဗိုလ်သန်းရွှေ၏ ညွန်ကြားချက် အစီအမံတွေများလွန်းလို့ လုပ်၍မကုန် နိုင် ဖြစ်နေရသည်ဟု ဂျာနယ်တစ်ခုတွင် ဗိုလ်အောင်သောင်းပြောသည့်စကားကိုမှတ်မိကြဦးမည်ထင်သည်။

လွှတ်တော်ဥက္ကဋ္ဌ ဗိုလ်ရွှေမန်းပြောနေသည့် “ကမ္ဘာပေါ်တွင်ပြည်သူများ၏ အခွင့်အာဏာများကို ပြည်သူ့အစိုးရလက်တွင်းသို့ ညင်သာစွာလွှဲပြောင်း ပေးနိုင်ခဲ့သော တစ်ခုတည်းသောအစိုးရဖြစ်ပါကြောင်း” ဆိုသည့်စကားမှာဗိုလ်သန်းရွှေကို ချီးမွန်းနေတာ၊ အမွှမ်း တင်နေတာဖြစ်သည်။ အခြားဖြစ်နိုင်သည့်အချက်တစ်ချက်မှာဗိုလ်နေဝင်းအာဏာလွှဲသကဲ့သို့ “တော်လှန်ရေးကောင်စီဥက္ကဋ္ဌဗိုလ်နေဝင်း”  မှ “ပါတီဥက္ကဋ္ဌကြီး ဦးနေဝင်း” ထံသို့ အာဏာလွှဲပြောင်းပေးခြင်းမျိုးမဟုတ်ဟု ပြောလိုခြင်းလည်း ဖြစ်မည်။

ယခုအခါ ဗိုလ်နေဝင်းနှင့်ဗိုလ်သန်းရွှေတို့၏ ဓါတ်ပုံများကို  ဗိုလ်ချုပ်အောင်ဆန်းဓါတ်ပုံနှင့်တတန်းတည်းထားကာ အောက် တည့်တည့်တွင်ဗိုလ်မင်းအောင်လှိုင်ပုံကိုချိတ်ဆွဲနေကြပြီ၊ ဗိုလ်ချုပ်အောင်ဆန်းနှင့် ဗိုလ်နေဝင်း၊ ဗိုလ်သန်းရွှေတို့ကို တစ်တန်းတည်း ထား ခြင်းသည် လုံးဝမသင့်လျော်ချေ။  လူမျိုးပေါင်းစုံပြည်သူများအကျိုးကို ဆောင်ခဲ့သူနှင့် အကြမ်းဖက်ဖိနှိပ်ဖျက်ဆီးပစ်ခဲ့သူများကို တန်းတူ ထားခြင်းမှာ ဘုရားကို ဒေဝဒတ်၊ အဇာတသတ်တို့နှင့်(ဆွေမျိုးခြင်းဆိုပြီး) တန်းတူထားသလိုမျိုးဖြစ်နေမည်။

မြန်မာနိုင်ငံ၌ လက်ရှိတည်ရှိနေသောစစ်အာဏာရှင်စနစ်သည် အခြေခံဥပဒေဘောင်သွင်းထားသည့် စစ်အာဏာရှင်စနစ်ဖြစ် သည်။

အခြေခံဥပဒေဘောင်သွင်းထားသည့် စစ်အာဏာရှင်စနစ်သည် မြန်မာနိုင်ငံအတွက်အသစ်အဆန်းမဟုတ်ချေ။ ယခင်က ဗိုလ်နေဝင်းဦးဆောင်သည့် စစ်အုပ်စုသည် ၎င်း၏စစ်အာဏာရှင်စနစ်ကို ၁၉၇၄ အခြေခံဥပဒေဖြင့်ဘောင်သွင်းခဲ့ဖူးသည်။

ယခု ဗိုလ်သန်း ရွှေဦးစီးသည့်စစ်အုပ်စုသည် ၎င်းတို့၏ စစ်အာဏာရှင်စနစ်ကို “၂၀၀၈ အခြေခံဥပဒေ” ဖြင့်ဘောင်သွင်းထား ခြင်းသာဖြစ်သည်။

ဤသို့ဘောင်သွင်းထားခြင်းဖြစ်သဖြင့် ၂၀၀၈ အခြေခံဥပဒေထဲ တွင် ကာချုပ်သည် စစ်သားအမတ် ၁၆၆ ဦး စိတ်ကြိုက်စေ လွှတ်နိုင်သည်/ ရုတ်သိမ်းနိုင်သည်/ အစားထိုးနိုင်သည်။  ကာချုပ်သည် တပ်ပိုင်းဆိုင်ရာကိစ္စအားလုံးကို လွတ်လပ်စွာစီမံခန့် ခွဲစီရင်နိုင် သည်။ ကာကွယ်ရေး၊ ပြည်ထဲရေး၊ နယ်စပ်ရေးနှင့်ဆိုင်သောဝန်ကြီးများကို ကာချုပ်ကစိတ်ကြိုက်ခန့်နိုင်/ဖြုတ်နိုင်သည်။ (ကာလုံ) တွင် စစ်ဗိုလ် ၅ ဦးပါဝင်ခွင့်ရှိနေသည်။ အရေးပေါ်အခြေအနေကြေညာ၍ အာဏာသိမ်းနိုင်သည် စသည့်အချက်များထည့် သွင်းပြဋ္ဌာန်းထား သည်မှာ စစ်အာဏာရှင်စနစ်ကို အခြေခံဥပဒေဘောင်သွင်းထားခြင်းပင်ဖြစ်သည်။

တော်လှန်ရေးကောင်စီပင်ဖြစ်စေ၊ (နဝတ-နအဖ) စစ်အစိုးရပင်ဖြစ်စေ၊ “၁၉၇၄ အခြေခံဥပဒေ” ပင်ဖြစ်စေ၊ “၂၀၀၈ အခြေခံ ဥပဒေ”တွင်ဖြစ်စေ။ (မဆလ) အစိုးရပင်ဖြစ်စေ၊ ကြံ့ဖွံ့အစိုးရပင်ဖြစ်စေ လူမျိုးပေါင်းစုံပြည်သူများတွင် ဒီမိုကရေစီကင်းမဲ့ခြင်းမှာ မည်သည့် ခေတ်ကာလတွင်မဆို အတူတူပင်ဖြစ်သည်။ အမျိုးသားတန်းတူမှုမရှိခြင်းနှင့် ကိုယ်ပိုင်ပြဋ္ဌာန်းခွင့်မရှိမှုမှာလည်း အတူတူပင်ဖြစ်သည်။ တပ်မတော်ကို စစ်အုပ်စုက အုပ်စီးထားသည့်အချက်မှာလည်း အတူတူပင်ဖြစ်သည်။ ပြည်တွင်းစစ်ရပ်စဲပြီး နိုင်ငံရေးအရ တန်းတူရည် တူ ဆွေးနွေးအဖြေရှာလိုခြင်းမရှိသည့်အချက်မှာလည်းအတူတူပင်ဖြစ်သည်။

အုပ်စိုးသူဗျူရိုကရက်လူတန်းစား၏နိုင်ငံရေး၊စီးပွားရေးလက်ဝါးကြီးအုပ်အခွင့်ထူးခံမှုနှင့်ကိုယ်ကျိုးစီးပွားရှာဖွေ စုဆောင်းမှုတို့မှာ လည်း အတူတူပင် ဖြစ်သည်ကို အထင်အရှားပင်တွေ့မြင်နိုင်သည်။

ယနေ့ဒီမိုကရေစီပြုပြင်ပြောင်းလဲရေးတွင် “၂၀၀၈အခြေခံဥပဒေ” သာမက တပ်မတော်အပေါ် စစ်အုပ်စုက ဂုတ်ခွစီးထားမှုကို လည်းပြတ်ပြတ်သားသားဖယ်ရှားပစ်ရပေလိမ့်မည်။

သို့မှသာစစ်မှန်သောဒီမိုကရေစီခေတ်သည် ဆန်းသစ်ပေါ်ထွန်းလာနိုင်ပေလိမ့်မည်။

လူမျိုးပေါင်းစုံပြည်သူများလိုလားသည့်ဖက်ဒရယ်ပြည်ထောင်စုလည်းပေါ်ထွန်းလာနိုင်ပေလိမ့်မည်။

တပ်မတော်သည်လည်း ပရိုဖက်ရှင်နယ် စစ်တပ်ဖြစ်လာပေလိမ့်မည်။