(မိုးမခ)
ဗိုလ်မင်းအောင်လှိုင်သည် ဗိုလ်သန်းရွှေနေရာ ချထားပေးခဲ့သူများအနက်
တစ်ဦးအပါအဝင်ဖြစ်သည်။
သူ့ကို ဗိုလ်သန်းရွှေ က ကာချုပ်
အဖြစ်နေရာ ချထားပေးခဲ့သည်။ ဗိုလ်နေဝင်းနှင့် ဗိုလ် သန်းရွှေ ကွာခြား သည်မှာ
ဗိုလ်နေဝင်း သည် ကာချုပ်နေရာမှ ထွက်ပြီး သူ့စိတ်ကြိုက် သမ္မတ၊ ဝန်ကြီးချုပ်၊
ကာချုပ်တွေခန့်နိုင်/ ဖြုတ်နိုင်ခဲ့သူဖြစ်သည်။ ဗိုလ်သန်းရွှေမှာမူ ကာချုပ် နေရာကို
ကန့်လန့်ကာနောက်ဝင်သွားသည်အထိ ယူသွားခဲ့သူဖြစ်သည်။
ယခုအချိန်ထိဗိုလ်သန်းရွှေ
ကာချုပ်မှအနားယူသွားပြီဆိုသည့် တရားဝင်ကြေညာချက် ထုတ်ပြန်တာမရှိသေးပါ။
ဗိုလ်သန်းရွှေသည် ဗိုလ်နေဝင်းကဲ့သို့ သူ့စိတ်ကြိုက် သမ္မတ၊
ဝန်ကြီးချုပ်၊ကာချုပ်တွေများများစားစား မခန့်နိုင်ခဲ့သော်လည်း ဝန်ကြီးချုပ်၊
(ညှိကွပ်) ညှိနှိုင်းကွပ်ကဲရေးမှူး (ကြည်း/ရေ/လေ)၊ (ကစထ)မှူး၊ တိုင်းမှူး စသည့်ရာထူး၊
နေရာတွေတိုးချဲ့ပြီး သူ့လက်အောက် တွင် နေရာချထားပေးခဲ့သူဖြစ်သည်။
ပထမဆုံး ဝန်ကြီးချုပ်မှာ
ဗိုလ်ခင်ညွန့်၊ နောက် ဗိုလ်စိုးဝင်း၊ ဗိုလ်သိန်းစိန်တို့ဖြစ်သည်။
ပထမဆုံး(ညှိကွပ်) မှာ
ဗိုလ်ရွှေမန်း၊ ယင်းနောက် ဗိုလ်မင်းအောင်လှိုင်၊ ယခု (ညှိကွပ်)မှာ
ဗိုလ်လှဌေးဝင်းဖြစ်သည်။
(ကစထ)မှူးများမှာလည်း ယခင် (မဆလ) အစိုးရလက်ထက်တွင်
(ကစထ) ၁ နှင့် ၂ ဆိုပြီး ၂ ခုသာရှိရာမှ ယခုအခါ (ကထစ) ၆ ခု ရှိလာသည်။
စစ်တိုင်းတွေလည်းတိုးချဲ့လာခဲ့သည်။(တပခ)၊(လပခ)၊
ကမ်းရိုးတန်းတိုင်း၊ တြိဂံဒေသတိုင်း၊(ကရခ)၊ အရှေ့အလယ်ပိုင်းတိုင်း၊ စသဖြင့်
တိုင်းစစ်ဌာနချုပ်များကိုလည်း ၁၉၈၈ နောက်ပိုင်းတွင် တိုးချဲ့လာခဲ့သည်။
စစ်တိုင်းမှူးများကို မြို့စားများ ဟုပြောမည် ဆိုလျှင် (ကစထ) မှူးများသည်
ထိုတိုင်းမှူးများစားရသော မြို့များကို ချုပ်ကိုင်စားရသည့်
နယ်စားကြီးများပင်ဖြစ်သည်။
ဗိုလ်သန်းရွှေသည် “၂၀၀၈ အခြေခံဥပဒေ”
ကိုစိတ်ကြိုက်ရေးဆွဲပြီး အတည်ပြုခဲ့သည်။ ၂၀၁၀ ရွေးကောက်ပွဲကိုလည်း ကြံ့ဖွံ့
ပါတီအနိုင်ရအောင် ကျင်းပပေးခဲ့သည်။ ထို့နောက် သမ္မတ၊ လွှတ်တော်ဥက္ကဋ္ဌများစသဖြင့်
သူ့တပည့်သားမြေများကို စိတ်ကြိုက်စီမံ နေရာချထားပေးခဲ့သည်။
သို့ဖြင့် (နအဖ) စစ်အစိုးရခေတ်က
(ကစထ)မှူးဟောင်း၊ တိုင်းမှူးဟောင်းတို့သည် “၂၀၀၈ အခြေခံဥပဒေ” အတည်ဖြစ်လာ သည့်အခါ
အချို့မှာ ရွှေးကောက်ပွဲကော်မရှင်ဥက္ကဋ္ဌ၊ ပြည်ထောင်စုဝန်ကြီး၊
ပြည်နယ်နှင့်တိုင်းဒေသကြီးများ၏ ဝန်ကြီးချုပ်များ စသဖြင့် ဖြစ်လာကြလေသည်။
တစ်ချိန်က(နအဖ) စစ်အစိုးရတွင်
နံပတ်သုံးအဆင့်ရှိသူ၊ ပထမဆုံး(ညှိကွပ်) ဖြစ်ခဲ့ဖူးသူ ဗိုလ်ရွှေမန်းသည်
ကာချုပ်မဖြစ်ခဲ့ဘဲ။ ကြံ့ဖွံ့ပါတီဥက္ကဋ္ဌ၊ လွှတ်တော်နာယက/ဥက္ကဋ္ဌဖြစ်လာသည်။ ယခုသူက
သမ္မတလုပ်မည်၊ သမ္မတထက်မြင့်သည့် ရာထူးရှိလည်း လုပ်ချင် သည်ဟု ငမ်းဖမ်းသည့်အသံဖြင့်
ပြောနေသည်ကို ကြားရသည်။
ဗိုလ်ရွှေမန်း နောက်
ကာချုပ်ဖြစ်ရန် အလားအလာရှိသူမှာ ဗိုလ်သူရမြင့်အောင် ဟု အသံတွေထွက်ခဲ့သော်လည်း၊
လက်တွေ့၌ ဖြစ်မလာခဲ့။ ဗိုလ်သူရမြင့်အောင် မြုပ်သွားသည် (မြှုပ်လိုက်တာဖြစ်မည်)
အဲဒီနောက် ဗိုလ်မင်းအောင်လှိုင် ကာချုပ်ဖြစ်လာသည်။ ဗိုလ် သူရမြင့်အောင်
ဘာကြောင့်မြုပ်သွားသည်၊ မြှုပ်ခံရသည်ကို အသေးစိတ်မသိနိုင်သော်လည်း၊ သေချာသည့်
အချက်တစ်ချက်ကတော့ ဗိုလ်သန်းရွှေက မရွေးချယ်၍/ နေရာမပေး၍သာဖြစ်မည် ဆိုသည်ကိုတော့
သေချာပေါက်မှန်းဆနိုင်မည်ဖြစ်သည်။ ဗိုလ်သန်းရွှေ ရွေးချယ် သူသာလျှင်
ကာချုပ်ဖြစ်မည်။ ဗိုလ်မင်းအောင်လှိုင် ကို ဗိုလ်သန်းရွှေက ရွေးချယ်လိုက်သဖြင့်
ဗိုလ်သူရမြင့်အောင်မြုပ် သွားတော့သည်။
လက်ရှိတန်းစီဇယားအတိုင်းဆိုလျှင်
စစ်တပ်ထဲတွင် ဗိုလ်မင်းအောင်၊ ဗိုလ်စိုးဝင်း၊ ဗိုလ်လှဌေးဝင်း၊ ဗိုလ်မြထွန်းဦး
တို့ကိုတွေ့ နိုင်မြင်သည်။ ယင်းနောက် ကာကွယ်ရေးဦးစီးချုပ်ရုံး(ကြည်း)မှ
(ကစထ)မှူးများ အပါအဝင် ဒုတိယဗိုလ်ချုပ်ကြီးများအစုဖြစ်သည်။
ဗိုလ်မင်းအောင်လှိုင်နောက်
ဖြစ်လာနိုင်စရာရှိသည့် “ကာချုပ်သစ်”သည် ဤအဝန်းအဝိုင်းအတွင်းမှသာ
ဖြစ်လာနိုင်စရာရှိပါ သည်။ ထို့အပြင် ဗိုလ်သန်းရွှေသည် ဗိုလ်မင်းအောင်လှိုင်
တစ်ဦးတည်းကိုသာ ကာချုပ် အဖြစ်ရွေးချယ်ခဲ့မည်မဟုတ်၊ အနည်းဆုံး ကာချုပ် ၃ ဦးခန့်
အထိ သတ်မှတ်လျာထားပေးခဲ့နိုင်ဖွယ်ရှိပါသည်။
အဆင့်နေရာအရဆိုလျှင် စစ်တပ်တွင်
ဗိုလ်ချုပ်မှူးကြီး ၁ ဦး၊ ဒုတိယဗိုလ်ချုပ်မှူးကြီး ၁ ဦး၊ ဗိုလ်ချုပ်ကြီး ၂
ဦးနှင့် ဒုတိယ ဗိုလ်ချုပ်ကြီး ၁၄ ဦးခန့်ရှိပါသည်။ စစ်ဗိုလ်တိုင်း
ကာချုပ်ဖြစ်နိုင်သည်မဟုတ်။ စစ်အုပ်စုအတွင်းစည်းက ရွေးချယ်သူသာ ကာချုပ်ဖြစ်နိုင်ပါ
သည်။
ကာချုပ်ကိုမည်သို့ရွေးမလဲ။
ကာချုပ်သက်တမ်း မည်မျှရှိသလဲ။ သမ္မတသက်တမ်းနှင့် တန်းတူဖြစ်မည်လော။
ကာချုပ် (ကြည်း/ရေ/လေ)မှ
အနားယူသွားသူများကို ဒုတိယသမ္မတလောင်းတစ်ဦး အဖြစ် အမြဲခန့်အပ်နိုင်ရေး စစ်အုပ်စုက
သတ်မှတ်ထားသလော။
“၂၀၀၈အခြေခံဥပဒေ” ပုဒ်မ ၃၄၂ အရ
(ကာလုံ)၏ အဆိုပြုထောက်ခံချက်ဖြင့် သမ္မတက ခန့်အပ်ရမည်ဟုဆိုသည်။ ဆိုလိုရင်း မှာ
(ကာလုံ) ရွေးချယ်သည့်သူကို သမ္မတက ကာချုပ်အဖြစ် လက်ခံအတည်ပြုရမည်ဟူ၍ဖြစ်သည်။
ထို့သို့ ပုဒ်မ ၃၄၂ အရ (ကာလုံ) ၏ အဆိုပြုထောက်ခံချက်ဖြင့် ကာချုပ်ခန့်အပ်ရမည်ဟု
ဆိုပင်ဆိုထားသော်ငြားလည်း ပုဒ်မ ၃၄၂ ကို လွှမ်းမိုးနေသည့် ပုဒ်မတစ်ခုရှိပါသေးသည်။
ယင်းမှာ ပုဒ်မ ၂၀ (ခ) ပင်ဖြစ်ပါသည်။ “တပ်ပိုင်းဆိုင်ရာကိစ္စအားလုံးကို လွတ်လပ်
စွာစီမံခန့်ခွဲစီရင်ဆောင်ရွက်ပိုင်ခွင့်ရှိသည်” ဟူ၍ပြဋ္ဌာန်းထားပါသည်။
ကာချုပ်ခန့်အပ်ရေးသည် တပ်ပိုင်းဆိုင်ရာကိစ္စပင် မဟုတ်သလော။ ပုဒ်မ ၂၀(ခ)သည်
စစ်တပ်ကို စိတ်ကြိုက်လုပ်ချင်ရာလုပ်ခွင့် ပေးအပ်ထားခြင်းပင်ဖြစ်သည်။
ဆိုလိုသည်မှာစစ်တပ်ကိစ္စတွင် မည်သူမျှ/မည် သို့မျှဝင်ရောက်စွက်ဖက်ခွင့်မရှိဟူ၍
စည်းခြားထားခြင်းဖြစ်သည်။
ပုံမှန်အားဖြင့်
ကာချုပ်နှင့်စစ်တပ်ဆိုသည်မှာ အစိုးရအဖွဲ့လက်အောက်တွင်ရှိသော ဝန်ကြီးဌာနများ အနက်
တစ်ခုအပါအဝင်ဖြစ် သော ကာကွယ်ရေးဝန်ကြီးဌာနလက်အောက်တွင်သာရှိရမည်ဖြစ်သည်။ ထို့အပြင်
လွှတ်တော်နှင့်အစိုးရအဖွဲ့ကို ဖွဲ့စည်းရာတွင်လည်း သက်ဆိုင်ရာမဲဆန္ဒနယ်များမှ
ပြည်သူများ၏ မဲဆန္ဒဖြင့်ရွေးချယ်ထားသူများဖြင့်သာဖွဲ့စည်းရပေမည်။
မိမိတို့ရွေးချယ်ထားသည့် လွှတ်တော် ကိုယ်စားလှယ်များကို
လွတ်လပ်စွာရုပ်သိမ်းပိုင်ခွင့်လည်းရှိရမည်။
“၂၀၀၈ အခြေခံဥပဒေ” အရ ကာချုပ်သည် စစ်သားအမတ် ၁၆၆ ဦး၊ ကာကွယ်ရေး၊ ပြည်ထဲရေး၊
နယ်စပ်ရေးဝန်ကြီးဌာန ဝန်ကြီးများကို စိတ်ကြိုက်ခန့်အပ်နိုင်သည်၊
ရုပ်သိမ်းနိုင်သည်၊ အချိန်မရွေးအလဲ အလှယ်ပြုလုပ်နိုင်သည်။ ပုဒ်မ ၄၀ (ခ) အရ အာဏာ
သိမ်းနိုင်သည်။ ဤအချက်များသည် “၂၀၀၈အခြေခံဥပဒေ” ၌ ဒီမိုကရေစီကင်းမဲ့မှုကို
ဗြောင်အကျဆုံး၊ အရုပ်အဆိုးဆုံးဖော်ပြနေသည့် အချက်များလည်းဖြစ်သည်။
“၂၀၀၈ အခြေခံဥပဒေ” ၏ အနှစ်သာရမှာ ကာချုပ်နှင့်ကာလုံတို့က စိတ်ကြိုက် လုပ်ပိုင်ခွင့်ရှိခြင်းပင်ဖြစ်သည်။
ဤသို့လုပ်ပိုင်ခွင့် ရှိနေခြင်းသည် စစ်အာဏာရှင်စနစ် တည်ရှိနေမှုကို
အတိအလင်းဖော်ပြနေသည့်အချက်လည်းဖြစ်သည်။ ဤသို့လုပ် ပိုင်ခွင့်တွေ ရှိနေသမျှ
ကာလပတ်လုံး စစ်အာဏာရှင်စနစ်တည်ရှိနေမည်ဖြစ်သည်။
ယနေ့တည်ရှိနေသော စစ်အာဏာရှင်စနစ်သည် တစ်ဖက်က“အခြေခံဥပဒေ”ကို ပိုင်ပိုင်နိုင်နိုင်
ဆုတ်ကိုင်ထားပြီးအခြားတစ်ဖက် တွင် အာဏာ၏ အဓိကမဏ္ဍိုင်ဖြစ်သော “စစ်တပ်” ကို
ချုပ်ကိုင်ထားခြင်းပင်ဖြစ်သည်။
ဗိုလ်သန်းရွှေသည် စစ်အုပ်စု၏ မိဆိုင်ဖဆိုင်ဖြစ်သော ဗိုလ်နေဝင်းဂိုဏ်းကို
ဖြိုနင်းပြီး ဗိုလ်လုပ်ခဲ့သူဖြစ်သည်။ ထို့အပြင် ယခု အခါ စစ်အုပ်စု၏ အာဏာနျူကလိယကို
ဗိုလ်သန်းရွှေ၏ ကိုယ်ပိုင်ဆဲလ်များဖြင့် ဖွဲ့စည်းထားပြီးလည်းဖြစ်သည်။ သို့ပါ၍
အပေါ်ယံ အပြ ပုံစံမှာ “၂၀၀၈အခြေခံဥပဒေ”အရ အာဏာကို ဥပဒေပြုရေး (ဗိုလ်ရွှေမန်း) ၊
အုပ်ချုပ်ရေး (ဗိုလ်သိန်းစိန်) တို့ဖြင့် ခွဲ့ဖြန့် သယောင်ပြထား ပြီး။ ကာလုံ နှင့်
ကာချုပ် မှတဆင့်ချုပ်ကိုင်ထားခြင်းဖြစ်သည်။
စစ်အုပ်စုအာဏာ၏ အဓိကမဏ္ဍိုင်ဖြစ်သော “စစ်တပ်” တစ်ခုလုံးကို
ချုပ်ကိုင်ထားရန်အတွက်ဆိုလျှင် ကာချုပ်ကို ချုပ်ကိုင် အမိန့်ပေးနိုင်ဖို့လိုသည်။
ကာလုံနှင့် ကာချုပ်ကို လုံးဝမီးသေသူသည် ပင်ရင်းအာဏာပိုင်ပင်ဖြစ်သည်။
ဗိုလ်သန်းရွှေသည် ကာလုံနှင့်ကာချုပ်ကို
မီးသေသူဖြစ်သည်။ သို့အတွက်သူသည် ဤသို့စိတ်ချလက်ချ အာဏာလွှဲခဲ့ခြင်းဖြစ် သည်။
“ကာလုံ၊ ကာချုပ်နဲ့ ၂၀၀၈ အခြေခံဥပဒေ” တို့ဆိုသည်မှာ စစ်အုပ်စုနှင့်
စစ်အာဏာရှင်စနစ်တို့၏ ဒို့တာဝန်အရေးသုံးပါးနှင့် အချုပ် အခြာအာဏာ တည်ရာမှီရာ
အဆောက်အအုံများပင်ဖြစ်ပါသည်။
“၂၀၀၈အခြေခံဥပဒေ” ကို ပြုပြင်ပြောင်းလဲမည့်သူများသည် ဤသို့အာဏာတည်ရာမှီရာများကို
ပီပီပြင်ပြင် ပြောင်းလဲပစ်နိုင် ဖို့လိုပါလိမ့်မည်။ ဤအရာများကို
ပြောင်းလဲနိုင်စွမ်းမရှိသောပြုပြင်ရေးသည် အပေါ်ယံအပြောင်းအလဲ၊ အမည်ခံအပြောင်းအလဲ၊
အတုအယောင် အပြောင်းအလဲသာလျှင်ဖြစ်ပေလိမ့်မည်။ လွှတ်တော်တွင်းအရေးဆိုသည့်
နည်းလမ်းတစ်ခုတည်းဖြင့် ပြုပြင်ပြောင်းလဲနိုင်လိမ့် မည် လည်းမဟုတ်ချေ။
လူမျိုးစုံပြည်သူများရဲ့တခဲနက်စွမ်းပကားနှင့်
တိုင်းရင်းသားလက်နက်ကိုင်အဖွဲ့အစည်းများ၏ ထောက်ခံပါဝင်လာ
မည်ဆိုလျှင်အပြောင်းအလဲသည် ဖြစ်မြောက်၊ ခရီးပေါက်ရောက်နိုင်စရာရှိပါသည်။
No comments:
Post a Comment
Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။