Tuesday, November 12, 2013

တရုတ် ကျူးကျော်မှုကို ကျွန်ုပ်တို့ ဘိုးဘွားများ တွန်းလှန် တိုက်ဖျက်ခဲ့ခြင်း - အပိုင်း (၁၄) နိဂုံးချုပ်

(စည်းလုံးခြင်းရဲ့အင်အား)
ကုန်းဘောင် အင်ပါယာ
အယ်ဒီတာအဖွဲ့၏ တင်ပြချက် (၆)။ ။ ယနေ့ခေတ်ကာလတွင် ဦးအောင်မင်း၏ တရုတ်တို့အား ကြောက်နေရပါသည် ကျေးဇူး ရှိပါသည်ဆိုသော စကားလုံး အသုံးအနှုန်းများသည် ပြည်သူလူထုအဖို့ နားကန့်လန့်ဝင်စရာ စကားလုံးများပင် ဖြစ်ပါသည်။ 


တရုတ်တို့၏ စေတနာသည် အကျိုးမရှိဘဲနှင့် စေတနာကောင်းလှမည် မဟုတ်ဘဲ အကျိုးလို၍ ညောင်ရေလောင်းခြင်းသာ ဖြစ်ပေသည်။ မြစ်ဆုံ စီမံကိန်းနှင့် လက်ပန်းတောင်း စီမံကိန်းများမှာ ပွင့်လင်းမြင်သာမှု မရှိသဖြင့် တိုင်းပြည်နစ်နာခဲ့ရာ ဒီမိုကရေစီအသွင် ကူးပြောင်းရေး ကာလရောက်မှ ယာယီရပ်ဆိုင်း ပြန်လည် ဖာထေး ပြုပြင်ခဲ့ရသည့် ရင်နာစရာ အဖြစ်ဆိုးများပင် ဖြစ်ပါသည်။ ယခု ရခိုင်ပြည်နယ် ရွှေ့သဘာဝ ဓါတ်ငွေ့ ပိုက်လိုင်း စီမံကိန်းတွင် တရုတ် အလုပ်သမားများကို မြန်မာနိုင်ငံ အတွင်း ခေါ်ယူ လုပ်ကိုင်ခွင့်အား သမ္မတ ဦးသိန်းစိန်က ချစ်ကြည်ရေး ခရီးစဉ်မှာ ငြင်းပယ်လိုက်သဖြင့် အသက် ရှုခွင့်ရသလို ခံစားရပါသည်။ ဓါတ်ငွေ့ပိုက်လိုင်းများကို သတ်မှတ် အရည်အသွေး စံချိန်စံနှုန်းများနှင့် တည်ဆောက်ထားခြင်း ရှိ မရှိ စစ်ဆေးဖို့ လိုပြီး ဓာတ်ငွေ့ ယိုစိမ့်မှု ပေါက်ကွဲမှုရှိခဲ့လျှင် ပတ်ဝန်းကျင် ထိခိုက်ပျက်ဆီးမှု အချိန်မရွေး ခြိမ်းခြောက်လျှက် ရှိနေပါသည်။ 

မွန်ပြည်နယ် ရတနာ ဓါတ်ငွေ့ပိုက်လိုင်း ပေါက်ကွဲမှုကြောင့် ပျက်ဆီးမှု ကြီးမားခဲ့သည့် သင်ခန်းစာများအပေါ် သတိပြုရပါမည်။ ပိုက်လိုင်းများအပေါ် ဖို့ထားသော မြေစာမှုန့်များကိုလည်း သတ်မှတ်ထု ပမာဏ ရှိ မရှိ စစ်ဆေးရန် လိုပြီး ပိုက်လိုင်း ထားရှိရာ ဧရိယာ တလျှောက်လုံးကို ကန့်သတ် ဧရိယာအဖြစ် သံဆူးကြိုးကဲ့သို့ အတားအဆီးများ ချထားသင့်ပါသည်။ တရုတ်လူမျိုးများ ထောင်နှင့်ချီကာ မန္တလေးသို့ စိမ့်ဝင်နေပြီး လူမျိုးဝါးမျိုးမှု၊ စီးပွားရေး ချုပ်ကိုင်မှု ရှိနေသဖြင့် တမျိုးသားလုံး၏ အန္တရယ် အဖြစ် ရိုဟင်ဂျာ တခုတည်း ပစ်မှတ်မထားသင့်ဘဲ သတိပြုရန် နှိုးဆော်တိုက်တွန်း လိုက်ရပါသည်။

ထို့နောက် ရွှေညောင်ပင်တွင် တိုက်ပွဲဖြစ်၍ ရွှေညောင်ပင်ခံတပ်ကို မြန်မာတို့ သိမ်းရသောအခါ တရုတ်တို့သည် ကောင်းတုံကို ဝန်းရံနေသောတပ်နှင့် သွားရောက် ပူးပေါင်းကြသည်။ တစ်လလုံးလုံး အပြင်းအထန်တိုက်သော်လည်း မြန်မာတို့၏ ခံတပ်အခြေ၌ တရုတ်တို့သည် အတုံးအရုံး စုပုံ ကျဆုံး ကြရလေတော့သည်။ တရုတ်တို့၏ ထွက်ပေါက် အားလုံးကိုလည်း မြန်မာများက ပိတ်ဆို့ပြီးဖြစ်၍ တရုတ်တပ်များသည် ရွှေညောင်ပင်နှင့် ကောင်းတုံအကြား သတ်ကွင်းထဲ ပိတ်မိနေပြီဖြစ်သည်။ ယခုအထိ တရုတ်တပ် ၂၀၀၀၀ ကျော် သေကြေပျက်စီးပြီး ဖြစ်သည်။

ထုံးစံအတိုင်းပင် တရုတ်စစ်သည်များနှင့် ရေတပ်သားများမှာ ရောဂါဘယများ စွဲကပ်ပြီး အမြောက်အမြား သေကြေ ပျက်စီးကြသည်။ ဖူဟင်းကိုယ်တိုင် ဖျားနာပြီး အိပ်ရာမှမထနိုင် ဖြစ်ခဲ့ရသည်။ ရိက္ခာထောက်လမ်းကြောင်း ဖြတ်တောက်ရန် စေလွှတ်ထားသည့် မြန်မာတပ်တို့ကလည်း တရုတ်ရိက္ခာ လုံခြုံရေးများကို ဖောက်ထွင်း နှောင့်ယှက်နိုင်ခဲ့သည်။

ဤအချိန်တွင် တရုတ်ဧကရာဇ် ချင်းလုံသည် မြန်မာနိုင်ငံတွင်းမှ တရုတ်တပ်ကြီး ပြန်လည်ဆုတ်ခွာရန် အမိန့်ချလိုက်ပြီ ဖြစ်၍ အမိန့်တော်ပြန်တမ်း သဝဏ်လွှာတွင် မြန်မာတို့သည် အပြီးတိုင် ချေမှုန်းဖျက်ဆီးခြင်း ခံရလောက်အောင် အပြစ်ကြီးမားသော်လည်း ဧကရာဇ်သည် ကရုဏာသက်စွာဖြင့် ဆက်လက် တိုက်ခိုက်ခြင်းကို ရပ်စဲရန် ဆုံးဖြတ်လိုက်ကြောင်း အကြောင်းကြားစေသည်။ 
တရုတ်သမိုင်းများတွင် မြန်မာတို့က စစ်ပြေငြိမ်းရန် တောင်းပန်၍ တရုတ်တို့၏ သြဇာခံနိုင်ငံအဖြစ် နေထိုင်မည့်အကြောင်း ရိုကျိုးစွာ ကတိပြုသည်ဟု ရေးသားထားသည်။ မြန်မာတို့ကမူ တရုတ်တပ်ကြီး သတ်ကွင်းအတွင်း ပိတ်မိနေချိန်၌ တရုတ်စစ်မှူး စစ်ကဲတို့က စတင်၍ စစ်ပြေငြိမ်းရန် စကားဆိုလာသည်ဟု မှတ်တမ်းတင်ထားသည်။ တရုတ်စစ်တပ်ကြီးကို မြန်မာနိုင်ငံမှ ပြန်လည် ဆုတ်ခွာစေပြီးလျှင် တရုတ် မြန်မာ စစ်မဖြစ်မီ အချိန်ကကဲ့သို့ ချစ်ကြည်ရင်းနှီးစွာ ဆက်ဆံမည်ဟု တရုတ်တို့က ကတိပေးကြောင်း ရေးသား ထားလေသည်။ တရုတ်တို့ မြန်မာနိုင်ငံကို စစ်ပြုသည့် အကြောင်းရင်းမှာ ရှမ်းစော်ဘွားအချို့၏ ကုန်းချော တိုက်တွန်းမှုကြောင့် ဖြစ်သည်ဟု တရုတ်တို့ကပြောကြောင်း အဆိုရှိလေသည်။

အခြားစစ်ဗိုလ်များက သဘောမတူသော်လည်း ဗိုလ်ချုပ်မဟာသီဟသူရသည် ရှေ့ရေးကို မျှော်တွေးလျက် သတ်ကွင်း အတွင်းမှ တရုတ်များကို မေမြို့တိုက်ပွဲမှာကဲ့သို့ တစ်ယောက်မကျန် သုတ်သင်ချေမှုန်းနိုင်ဖို့ သေချာနေသော်လည်း ဘုရင့်အမိန့်ကိုပင် မခံယူတော့ဘဲ စစ်ပြေငြိမ်းရေးကို လက်ခံလိုက်လေသည်။

ရှေးယခင်ကအတိုင်း နှစ်ပြည်ထောင် ပြန်လည် ဆက်ဆံမည်ဟူသော အချက်တွင် ရှုပ်ထွေးချက်တစ်ရပ် ပေါ်ပေါက်ခဲ့သည်။ ၎င်းမှာ တရုတ်ယူဆပုံနှင့် မြန်မာယူဆပုံတို့ ကွဲလွဲခြင်းကြောင့် ဖြစ်လေသည်။ ထိုခေတ်က ဥရောပတိုက်သားများ ကဲ့သို့ မြန်မာတို့သည်လည်း သတိမမူခဲ့သော အချက်တစ်ခု ရှိလေသည်။ ထိုအချက်မှာ တရုတ်များကသာလျှင် တရားဖြောင့်မှန်၍ တရုတ်နိုင်ငံသည်သာလျှင် ကမ္ဘာတွင် အယဉ်ကျေးဆုံးသော တိုင်းနိုင်ငံ ဖြစ်သောကြောင့် အခြားသော တိုင်းနိုင်ငံ မှန်သမျှကို မိမိတို့ နိုင်ငံထက် အဆင့်အတန်း နိမ့်စွာထား၍ ဆက်ဆံရမည်ဟူသော တရုတ်တို့၏ သဘောထားကို သတိမူခြင်း မရှိခဲ့သောအချက် ဖြစ်လေသည်။ တရုတ်တို့၏ ယူဆပုံမှာ မြန်မာတို့က ရှေးယခင်အတိုင်း နှစ်ပြည်ထောင် ပြန်လည် ဆက်ဆံမည် ဆိုခြင်းသည် တရုတ်တို့ သြဇာခံ နိုင်ငံအဖြစ်နေရန် လက်ခံခြင်း ဖြစ်သည်ဟူ၏။ မြန်မာ စစ်မှူး စစ်ကဲတို့သည် မိမိတို့အား လှည့်ဖျားခြင်းကို ရိပ်စားမိခြင်း မရှိကြချေ။ တရုတ်များနှင့် နောင်ရင်း ညီဘွားကဲ့သို့ ဆက်ဆံကြသည်။ မိမိတို့ဘက်မှ စစ်အောင်မြင်သော စစ်မှူး စစ်ကဲများ၏ ဂုဏ်ရှိန်တက်လျက် ရှိကြသည်။

အမည်မသိ ကုန်းဘောင်ခေတ် စစ်သား
နှစ်ဖက်သော စစ်မှူးများသည် လက်ဆောင်ပဏ္ဏာ အပြန်အလှန် လဲလှယ်ပြီးသောအခါ ပိတ်မိနေသည့် တရုတ် စစ်တပ်ကြီးကို ၁၇၆၉ ခုနှစ်၊ ဒီဇင်ဘာလ ၁၅ ရက်နေ့တွင် မြန်မာနိုင်ငံမှ ပြန်လည် ဆုတ်ခွာစေလေသည်။ ထိုသတင်းကိုကြားလျှင် ဆင်ဖြူရှင်မင်းသည် အမျက်တော်ရှကာ ရရှိခဲ့သော လက်ဆောင်ပဏ္ဏာတို့ကို ဗိုလ်မှူးတပ်မှူးတို့၏ ဇနီးများအား ရွက်စေလျက် ၃ ရက်တိုင်တိုင် နေလှန်းသည်ဟု ဆိုလေသည်။ ဆင်ဖြူရှင်မင်းဘေးမှ မင်းမြှောင်များကလည်း ပီကင်းမြို့တော်အထိ သိမ်းသင့်ကြောင်း အားပေးအားမြှောက် ပြုကြသည်။ ထိုကြောင့်လည်း မြန်မာစစ်သည်တော်တို့သည် နေပြည်တော်သို့ မပြန်ဝံ့ကြဘဲ မဏိပူရ ကသည်းပြည်တွင် ပုန်ကန်ခြားနားသည်ကို သွားရောက်နှိမ်နင်း၍ လက်ဆောင်ပဏ္ဏာများကို ဆောင်ကြဉ်းပြီးမှ ပြန်ခဲ့ကြလေသည်။

ဆင်ဖြူရှင်နှင့် နောက်ထီးနန်းဆက်ခံသူ စဥ့်ကူးမင်းတို့သည် တရုတ်ဧကရာဇ်ထံမှ စော်ကားစွာ ရေးသားထားသော သဝဏ်လွှာများကို ရကြသည်။ သို့သော် တရုတ်ဧကရာဇ်သည် မိမိဂုဏ်သိက္ခာကို မထိခိုက်စေရန် ယူနန်ဘုရင်ခံ၏ အမည်ဖြင့် သဝဏ်လွှာများကို ပေးပို့လေ့ရှိသည်။ စစ်ပွဲပြီး၍ အနှစ် ၂၀ ကြာ ၁၇၉၀ ခုနှစ်တွင်မှ မြန်မာနှင့်တရုတ်တို့ သံတမန်ဆက်ဆံရေး ပြန်ထူထောင်ခဲ့ကြသည်။ သို့သော် ဤသို့ သံတမန်ဆက်ဆံမှုကိုပင် တရုတ်တို့က မြန်မာနိုင်ငံဘက်က အလျှော့ပေး အညံ့ခံခြင်းအဖြစ် တဖက်သတ်ယူဆပြီး မြန်မာနိုင်ငံအပေါ် အောင်ပွဲအဖြစ် သတ်မှတ်ကြေညာခဲ့သည်။ ၁၇၆၅ - ၁၇၆၉ ခု လေးနှစ်ကြာ တရုတ်-မြန်မာစစ်ပွဲကို တရုတ်နိုင်ငံ မန်ချူးဧကရာဇ် ချင်းလုံ၏ နန်းစဉ်မှတ်တမ်းလာ အောင်ပွဲရ မဟာစစ်ဆင်ရေးကြီး ၁၀ ရပ်တွင် တစ်ခုအဖြစ် စာရင်းသွင်းခဲ့သည်။ မြန်မာတပ်များ တရုတ် - မြန်မာစစ်ပွဲဖြင့် အလုပ်ရှုပ်နေရသောကြောင့် ယိုးဒယားသည် အယုဒ္ဓယမြို့တော် ကျဆုံးပြီးနောက် ထိုင်း - တရုတ်ကပြား ဗိုလ်ချုပ်တက်ဆင် ဦးစီး၍ ၃ နှစ်အတွင်း မြန်မာ့လက်အောက်မှ ပြန်လည်လွတ်မြောက်အောင် တော်လှန်နိုင်ခဲ့လေသည်။

ကျေးဇူးတင်ရှိကြောင်း ဖော်ပြချက်
ဤစာတမ်း ဖြစ်မြောက်ရေးအတွက် လိုအပ်သည်တို့ကို မမောနိုင် မပန်းနိုင် ၀ိုင်းဝန်း ကူညီကြသော မြန်မာနိုင်ငံ သမိုင်းကော်မရှင်၊ စစ်မြေပြင်နေရာများ ရှာဖွေတွေ့ရှိရေး အကူအညီပေးခြင်းနှင့် ဖြစ်နိုင်ဖွယ် အလားအလာများကို ကူညီဆွေးနွေးကြသော စစ်တက္ကသိုလ်မှ ကျောင်းအုပ်ကြီးနှင့်တကွ နည်းပြမှူးချုပ်၊ သမိုင်းဌာန၊ မြန်မာစာဌာန၊ မြေပုံများ ရေးဆွဲပေးသော မေမြို့မြေတိုင်းကျောင်းတို့အား အထူး ကျေးဇူးတင်ရှိကြောင်း ဖော်ပြအပ်ပါသည်။

လေ့ကျင့်ရေးနှင့်စီမံရေး ညွှန်ကြားရေးမှူးရုံး၊
ကာကွယ်ရေးဝန်ကြီးဌာန
(စစ်ပညာဂျာနယ်၊ အတွဲ-၁၂၊ အမှတ်-၄၊ ၁၉၆၉ ခု ဒီဇင်ဘာလ)

1 comment:

  1. အားမာန်သစ်November 15, 2013 at 5:16 PM

    မြန်မာနဲ့တရုတ်ကြားမှာဘာကျေးဇူးမှမရှိပါဘူး
    ရှိတယ်ဆိုရင်လဲအပြန်အလှန်သဘောပါပဲ
    အခုငါတို့မြန်မာတွေဟာတရုတ်ကျွန်ဖြစ်မှန်းမသိ
    ဖြစ်နေရပြီဆိုတာငါ့ဘဝနဲ့ရင်းပြီးငါသိခဲ့ရပါပြီ
    အခုငါ့ရဲ့စမ်းသပ်မှု့ပြီးဆုံးသွားပါပြီကိုယ့်ကိုယ်ကို
    အထင်ကြီးတဲ့တရုတ်တွေကတော့ရယ်နေပါလိမ့်
    ဦးမယ်ဒါပေမဲ့ဒါကအစပဲရှိပါသေးတယ်ဇတ်သိမ်း
    ခန်းကဘယ်လိုဖြစ်မလဲဆိုတာတော့ငွေရောင်ပိတ်
    ကားပေါ်မှာစောင့်ကြည့်လိုက်ပါဦး
    မောက်မာခဲ့သမျှဘိုင်းဘိုင်းကျစေရမယ်
    ဒါမြန်မာပြည်ဆိုတာသိသွားစေရမယ်
    အမြဲတမ်းရန်သူဆိုတာမရှိသလိုအမြဲတမ်း
    မိတ်ဆွေဆိုတာလဲမရှိပါဘူး
    ငါ့မြန်မာတွေကိုကူညီဖို့ငါကြိုးစားပြမယ်
    ငါ့မြန်မာနိူင်ငံတရုတ်လောင်းရိပ်အောက်က
    လွတ်ကိုလွတ်မြောက်ရမယ်
    ငါ့လူမျိုးတွေရဲ့ယုံကြည်မှု့ကိုပြန်ရအောင်တော့
    အတော်ကြိုးစားရပါလိမ့်မယ်
    ငါမှားခဲ့တယ် ငါရိုင်းခဲ့တယ်
    စစ်ဝါဒီတစ်ယောက်ဖြစ်ခဲ့တယ်
    သမိုင်းတွေကိုအရမ်းခံစားပြီးပကတိအခြေအနေ
    တွေကိုသွေဖယ်ခဲ့တယ် ခွင့်မလွှတ်နိူင်
    တဲ့အထိကိုယ်ထိလက်ရောက်လုပ်ခဲ့တာမရှိခဲ့ပါ
    ဘူးအာချောင်ယုံသက်သက်ပါ ဒါကြောင့်
    မြန်မာတွေအားလုံးကိုဒီနေရာကနေတလေးတစား
    တောင်ပန်ပါတယ် ခွတ်လွှတ်ပါလို့
    တော့မပြောချင်တော့ပါ ကျုပ်က
    မြန်မာဖြစ်ပြီးမြန်မာတွေနဲ့အမုန်းပွာနေရတာကို
    ရပ်ချင်နေတာကြာပါပြီ အခုကျုပ်ဘက်
    ကတစ်ဘက်သတ်ရပ်လိုက်ပါပြီ
    မြန်မာအားလုံးစိတ်ချမ်းသာကိုယ်ကျန်းမာရှိကြ
    ပါစေ
    အမှန်တရားသည်ငါ့ရင်ဘတ်ထဲကိုအရောက်
    နောက်မကျသေးဘူးလို့မျှော်လင့်မိပါသည်

    ReplyDelete

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။