တရုတ် ကျူးကျော်မှုကို ကျွန်ုပ်တို့ ဘိုးဘွားများ တွန်းလှန် တိုက်ဖျက်ခဲ့ခြင်း - အပိုင်း (၁၂)

(စည်းလုံးခြင်းရဲ့အင်အား)

တရုတ်ဧကရာဇ် ချန်လုံတပ်မှ မြင်းစစ်သည်တော်ကို ပြန်လည် ပုံဖေါ်ထားခြင်း
အယ်ဒီတာအဖွဲ့၏ တင်ပြချက် (၄)။ ။၁၉၆၇ ခုနှစ် တရုတ် မြန်မာ အရေးအခင်း ပြီးခဲ့သည့်နောက် တရုတ် ကွန်မြူနစ် များသည် ပေါ်ပေါ်ထင်ထင် ဗကပများကို လူအင်အား၊ လက်နက်ခဲယမ်း အင်အားနှင့် ငွေကြေးအင်အား မြောက်မြားစွာကို ထောက်ပံ့ခဲ့ပြီး ဗကပ အသံလွှင့်ရုံကိုပင် ထူထောင် ပေးခဲ့ပါသည်။ ဗကပတို့သည် ပဲခူးရိုးမနှင့် မြန်မာနိုင်ငံ အလယ်ပိုင်း မိုးမိတ်၊ မိုးကုတ်၊ မိုးကောင်း ရှမ်းပြည်နယ် မိုင်းယန်း၊ မိုင်းယောင်း၊ ပန်းဆိုင်း၊ ကျူကုတ်၊ ကွမ်းလုံ စတဲ့ မြို့နယ် ဒေသ ဧရိယာတွေကို ခရီးရှည် ထိုးဖောက်တိုက်ပွဲကြီးများ ပြုလုပ်ခဲ့ရာ တရုတ်တို့၏ ပရောဂ မကင်းကြောင်း သိရှိခဲ့ရပါသည်။ 


ဗကပတို့၏ ဖြုတ်ထုတ်သတ် လမ်းစဉ်ကြောင့် ပြည်သူလူထုနှင့် တပ်မတော်သားများ သွေးမြေကျခဲ့ရပါသည်။ ယခင် တပ်အခေါ် ချင်း (၃)၊ မိုင်းယောင်းမြို့ကို ဗကပတပ်များ ဝင်ရောက် တိုက်ခိုက်ခဲ့ရာမှ ချင်း (၃) အိမ်ထောင်သည်လိုင်းထဲသို့ ဝင်ရောက်ပြီး ရဲမေများအပေါ် နိုင်ထက်စီးနင်းပြုမှု၊ မုဒိန်းကျင့်မှု ပြုလုပ်ခဲ့ပါသည်။ လူလှိုင်းလုံး စစ်နည်းဗျူဟာဖြင့် မြန်မာ့တပ်မတော် စခန်းများကို တိုက်ရာတွင် မသိနားမလည်သော တိုင်းရင်းသား လူမျိုးစုများအပေါ် တရုတ်တို့ရဲ့ ဝါဒမှိုင်း ရိုက်သွင်းကာ အတင်းအဓမ္မ တက်ခိုင်းမှုကြောင့် အတုံးအရုန်း ကျဆုံးခဲ့ရတဲ့ ဖြစ်စဉ်များလည်း ရှိပါသည်။ တရုတ်ကွန်မြူနစ်တပည့် ဗကပများဟာ ဝါဒမှိုင်းကြောင့် ဗုဒ္ဓဘာသာအယူအဆကို ဆန့်ကျင့်ကာ သူတို့ရဲ့ မိဘကိုတောင် ပြန်သတ်ရဲသည်အထိ ရက်စက်မှု ကန်းကုန်ခဲ့ပါသည်။

မြန်မာတို့လိုက်စစ်။ ရန်သူတို့ စတင်ဆုတ်သည်နှင့် မြန်မာတပ်များ ထက်ကြပ်လိုက် စစ်ဆင်ကြသည်။ လက်ဝဲကြောင်း၊ လက်ယာကြောင်းများမှာ ဘေးကာတပ်များ (FLANK GUARDS) ဖြစ်လိမ့်မည်။
ဝန်ကြီး မဟာစည်သူသည် သေနတ်ကိုင်လူ - ၄၀၀၀ကို ညအချိန် ရန်သူတို့အား ရှောင်ကွင်းပတ်ဝိုက် ကျော်တက်စေပြီး အချက်အခြာကျသော နေရာမှ မိုးလင်းသည်နှင့် တပြိုင်နက် ပိတ်ဆို့ချောင်းမြောင်း တိုက်ခိုက်စေသည်။ ပင်မတပ်ကလည်း အသင့်ပြင့်ထားသည်။ တိုက်ပွဲဖြစ်သံ ကြားသည်နှင့် တပြိုင်နက် အပြင်းချီလာပြီး နောက်ဖက်လှည့်နေသော ရန်သူတပ်များကို နောက်မှတိုက်သဖြင့် ရန်သူများ ထောင်သောင်းမက ကျဆုံးသည်ဟု ဆိုသည်။

ရှေးခေတ် မြန်မာ့ ရေတပ်

တရုတ်တို့ကလည်း နောက်မှလိုက်လာသော မြန်မာ ၄၀၀၀ လုံး ကို သတ်ရသည်ဟု ဆိုသည်။ (မိမိတို့ အရှင်သခင်များ ကျေနပ်နှစ်သိမ့်စေရန် သူနာလျှင် သာသာထိုးထိုး သူသာလျှင် လျှော့လျှော့ပေါ့ပေါ့။ ကိုယ်နာလျှင် လျှော့လျှော့ပေါ့ပေါ့ ကိုယ်သာလျှင် သာသာထိုးထိုး ရေးကြသည်ဖြစ်၍ ချင့်ချိန် ယူဆကြရန်သာ ရှိပါသည်)
ထိုနောက် မင်ဂျွီသည် မူလရည်မှန်းထားသော သီန္နီသို့ ဆက်လက်မသွားတော့။ မုံးယုလေးဘက်သို့သာ ချီတက်ကြောင်း တွေ့ရသည်။ သိန္နီသို့ သွားရောက်တိုက်ခိုက်ရန် အားနည်း၍သာ ဖြစ်ပေမည်။ မိမိတပ်ကပင် အားနည်းသွား၍ သော်လည်းကောင်း၊ သို့မဟုတ် သိန္နီကျသွားသဖြင့် မျှော်လင့်ဖွယ် မရှိတော့ကြောင်း နားလည်သဖြင့် သော်လည်းကောင်း ဖြစ်နိုင်ပေသည်။

ဝန်ကြီး မဟာသီဟသူရစစ်ကြောင်း
ဝန်ကြီး မဟာစည်သူတပ်များ သီပေါအနီး၊ ဂုတ်တွင်းအနီး တိုက်ခိုက်နေကြသော်လည်း မူလရည်မှန်းချက်ဖြစ်သော ဘော်ကြိုအနီးသို့အရောက် ချီတက်သွားသည်။ သိန္နီမြို့ကို ၀ိုင်းထားကြစဉ် လက်ဝဲ၀င်းမှူးသည် မဟာစည်သူစစ်ကြောင်း အခြေအနေကို တင်ပြပြီး တပ်များ သိမ်း၍ မင်ဂျွီအား နောက်မှလိုက်တိုက်ရန် တင်ပြသည်။ ၀န်ကြီး မဟာသီဟသူရက စစ်သဘောကို ရှင်းပြပြီး သိန္နီကိုပင် ဆက်လက် ၀ိုင်းဝန်းတိုက်ခိုက်သည်။
ရှင်းလင်း ပြတ်သားတိကျသော ရည်မှန်းချက်ရှိသည်။ ထိုရည်မှန်းချက်ကို မျက်ခြေမပြတ် အစဉ်တစိုက် ထိန်းသိမ်းသည်ကိုလည်း တွေ့ရပေသည်။ နောက်ပိုင်းလုံခြုံမှုကို တာဝန်ယူသော ဘုရင်အား စိတ်ချ ယုံကြည်ကြောင်းကိုလည်း တွေ့မြင်ရသည်။

အခြားစစ်ကြောင်းများ
စစ်ကြောင်းအားလုံးကို ဘုရင်ဆင်ဖြူရှင်သည် တစုတစည်းတည်း ကွပ်ကဲလျက်ရှိသည်။ ဗလမင်းထင်သည်လည်း ဗလမင်းထင်အလျောက်၊ သူ့တာဝန်ကို ကျေပြွန်စွာ ထမ်းဆောင်သည်။ နေမျိုးစည်သူသည် ၀န်ကြီး မဟာသီဟသူရစစ်ကြောင်းနှင့် လက်ဆက်မိသောအခါ ပြေပြေလည်လည် ညှိနှိုင်း ဆောင်ရွက်ကြသည်။ ၀န်ကြီး မဟာသီဟသူရသည် မူလတာဝန် ပြီးဆုံးသောအခါ ၀န်ကြီးမဟာစည်သူအား ကူညီရန် ဆင်းလာသည်။ ထိုအချိန်မတိုင်မီ မဟာစည်သူသည် အစွမ်းကုန် ကြိုးစားထမ်းဆောင်သည်ကို တွေ့မြင်ရပေသည်။

သွေးသောက်တို့သည် တစ်ဦး၏ စွမ်းဆောင်နိုင်မှုကို တစ်ယောက်က ယုံကြည်သည်။ တစ်ဦးစီ တစ်ဦးစီ ကိုယ်စီ တာဝန်ကျေပြွန်စွာ ဆောင်ရွက်ကြခြင်းသည်လည်း (CO-ORDINATION) ညှိနှိုင်း ဆောင်ရွက်ရာ မည်ပေသည်။ တစ်ဦးနှင့်တစ်ဦး တွေ့ဆုံသောအခါဖြစ်စေ၊ အခက်အခဲ ရှိသောအခါဖြစ်စေ တစ်ခုတည်းသော ရည်မှန်းချက်အတွက် ပူးပေါင်း လုပ်ကိုင်သည်ကိုလည်း (COOPERATION) တွေ့ရပေသည်။

ကြီးကြပ်ကွပ်ကဲ ခေါင်းဆောင်မှု
ဆင်ဖြူရှင်ရွေးချယ်၍ အချုပ်ခန့်အပ်ခြင်း ခံရသူများသည် အညီအညွတ် တပေါင်းတစည်းတည်း ကြပ်မတ် ကွပ်ကဲ၍ အရေးတော်ပြီးကုန်အောင် လက်အောက်တပ်များကို ဆောင်ရွက်နိုင်ကြသည်၊ စစ်အမြော်အမြင် ရှိကြသည်၊ စစ်ရည်ဝကြသည်ကိုလည်း တွေ့ရှိရပေသည်။

တရုတ်ဧကရာဇ် ချန်လုံတပ်မှ ရေတပ်ဖွဲ့ကို ပြန်လည် ပုံဖေါ်ထားခြင်း

ရန်သူ စစ်သူကြီးမင်ဂျွီကိုလည်း ချီးကျူးအပ်ပေသည်။ အကယ်၍ မဟာသီဟသူရ စစ်ကြောင်း၏ ဖြတ်တောက် တိုက်ခိုက်ခြင်း မခံရလျှင် အင်းဝသို့ ပေါက်ပေါက်ရောက်ရောက် ချီတက် လာနိုင်ကောင်း လာနိုင်ပေလိမ့်မည်။ မြက်ခင်းလွင်ပြင်များတွင် မြင်းတပ်နှင့် စစ်ဆင်ဖူးသော အတွေ့အကြုံသာရှိလျက် တောတောင်ထူထပ်သော ဒေသတွင် တပ်များကို ကျွမ်းကျွမ်းကျင်ကျင် ဦးဆောင်နိုင်သည်မှာ အံ့သြဖွယ်ဖြစ်သည်။ အထူးသဖြင့် ဆုတ်စစ်တွင် ရနိုင်သမျှ တပ်သား၊ အကြပ်၊ အရာရှိတို့ကို စုစည်းမယူ၍ နောက်ရံတပ်ကို ကိုယ်တိုင် ကွပ်ကဲသည်မှာ ထူးခြားသော ခေါင်းဆောင်မှု ပေးနိုင်စွမ်းရှိသူ ဖြစ်ပေသည်။ ထိုကြောင့်လည်း သူနှင့်အတူ အမှုထမ်းဖူးသူ အားလုံး၏ ကြည်ညိုလေးစားခြင်း ခံရသူ ဖြစ်ပေသည်။

ဧကရာဇ် ဘုရင်ချန်လုံ (CHIEN-LUNG) သည် တာဝန်မကျေသော အာတင်အော (E-ERH-TENG-O) ကို ကြမ်းတမ်းရက်စက်သော သေဒဏ် အပြစ်ပေးရုံသာမက သူ၏ ဦးလေး၊ ဦးကြီးများနှင့်တကွ သားသမီးများကိုပါ အပြစ်ဒဏ်ခတ်သေးသည်။ ဘုရင် ဤမျှ အမျက်ထွက် သည်ကိုကြည့်၍ စစ်ပွဲတွင် မည်မျှဆုံးရှုံးနစ်နာခဲ့ကြောင်း ခန့်မှန်းနိုင်ပေသည်။

မင်ဂျွီသည် ယူနန်မှ စစ်သည်အင်အား - ၁၂၀၀၀ ကျော်နှင့် မန်ချူးစစ်သည်အင်အား ၃၀၀၀ - ကျော်ကို ဦးစီးလာသည်ဟု ဆိုသည်။ မြန်မာတို့တွင် စစ်ကြောင်း ၃ - ခုပေါင်းသော် တပ်ပေါင်း ၆၀ - ဖြစ်သည်။ ဖွဲ့စည်းပုံအရ ၂ - သွေးသောက်လျှင် တစ်ဗိုလ် အုပ်ချုပ်သည်ဖြစ်၍ တပ်တစ်တပ်လျှင် အင်အား - ၁၀၀ ခန့် ပါသည်။ ၀န်ကြီးများ၏တပ်၊ လက်ဝဲ၀င်းမှုး၊ လက်ယာဝင်းမှူးတို့၏တပ်မှာ အင်အား - ၅၀၀ မျှ ရှိကောင်းရှိပေလိမ့်မည်။ သို့ဖြစ်၍ မြန်မာတို့ အင်အားသည် စုစုပေါင်း (၆၀×၁၀၀=၆၀၀၀) ကျော် တစ်သောင်းနီးပါးမျှသာ ဖြစ်လိမ့်မည်။ ထိုအချိန်တွင် အောက်ဗမာပြည် အချို့နေရာများ၌ တပ်စခန်းများ မုချ တပ်စွဲထားရဦးမည်။ ထိုတပ်များသည် တရုတ်တို့နှင့် တိုက်ပွဲတွင် ပါဝင်ဟန်မတူပေ။ မြန်မာနိုင်ငံအလယ်ပိုင်းနှင့် အထက်ပိုင်းရှိ တပ်များသာ ပါဝင်ဖွယ် ရှိပေသည်။ 
ထိုအချိန်က မြန်မာပြည်ရှိ လူဦးရေနှင့် ချိန်ထိုးလျင် ယခုအင်အားထက် များဖွယ်ရာ မရှိပေ။ သို့ဖြစ်ခြင်းကြောင့် တရုတ်တို့အင်အားသည် မြန်မာတို့အင်အားထက် များသည်မှာ အမှန်ဖြစ်လိမ့်မည်။

စစ်ပွဲတွင် အင်အားနည်းသည် များသည်မှာ ပဓာနမဟုတ်ကြောင်း တွေ့ရှိရပေသည်။ အချိန်အခါလျောက် မှန်ကန်သော စစ်မဟာဗျူဟာ ချမှတ်ခြင်း၊ စစ်သူကြီးတို့က စစ်မြေပြင်တွင် လျော်ကန်သင့်မြတ်သော စစ်နည်းဗျူဟာများ ဆုံးဖြတ် ကျင့်သုံးကြခြင်းနှင့် တပ်တော်များကလည်း ထိရောက်ကုံလုံသော လေ့ကျင့်မှုရှိပြီး စွမ်းစွမ်းတမံ ဆောင်ရွက်နိုင်ကြခြင်း တို့သာလျှင် အဓိကဖြစ်ကြောင်း ဤတိုက်ပွဲများမှ လေ့လာ၍ ရပေသတည်း။