စစ်တပ်ပြုပြင် ပြောင်းလဲရေး - အပိုင်း (၁)

(စည်းလုံးခြင်းရဲ့အင်အား) (www.photayokeking.org)

အယ်ဒီတာအဖွဲ့၏တင်ပြချက်။ ။ အာရှနိုင်ငံအများစုက အနောက်တိုင်း ဒီမိုကရေစီပုံစံကို တိုက်ရိုက်သွတ်သွင်းမပြုလုပ်ချင်ကြတာကို သူတို့ရဲ့ ယဉ်ကျေးမှုနဲ့ ဓလေ့ထုံးစံအား လက်ညွန်း ထိုးပြီး ငြင်းဆန်နေကြပါ တယ်။ မြန်မာအစိုးရက ဥရောပရှိ နိုင်ငံများ ပြိုကွဲတာကိုထောက်ပြပြီး တပ်မတော်က (၂၅)ရာခိုင်နူန်း အမျိုးသားနိုင်ငံရေး ဦးဆောင်မှု ကဏ္ဍ မှာ အမြဲတမ်း ပါဝင်ရမယ်လို့ ဆိုနေပါတယ်။ ဒါပေမယ့် အာဏာရှင် များကို ပြန်လည် အသက်သွင်းမည့် သို့မဟုတ် အကာအကွယ်ပေး မည်ဆိုတာကို ပြည်သူလူထုက စိုးရိမ်ပူပန်နေပါတယ်။  အဆိုပါဆောင်း ပါးကို တင်ပြနေရတဲ့ ရည်ရွယ်ချက်ဟာ လက်ရှိမြန်မာအစိုးရရဲ့လိုလား ချက်အတိုင်း ဖေါ်ပြ နေတာမဟုတ်သလို တချို့အတိုက်ခံအဖွဲ့အစည်း ရဲ့ ဆန္ဒသဘောထားကို မျက်ကွယ်ပြုတာမဟုတ်ကြောင်း သတိပြုစေ လိုပါတယ်။

AAPP နိုင်ငံရေးအကျဉ်းသားများ ကူညီစောင့်ရှောက်ရေးအသင်းက ထုတ်ဝေတဲ့ အဆိုပါ အသွင်ကူး ပြောင်းရေး စာအုပ်မှ အချက်အလက် များဟာ ချက်သမ္မတနိုင်ငံရှိ အထင်ကရ တာဝန်ထမ်းဆောင်းခဲ့တဲ့ ပုဂ္ဂိုလ် များရဲ့အတွေ့အကြုံများကို နိုင်ငံအကျိုးအတွက် လေ့လာ မှတ် သားနိုင်ရန်သာဖြစ်ပြီး စည်းလုံးခြင်းရဲ့ အင်အား ၀က်ဆိုဒ်ရဲ့ အာဘော် မဟုတ်ပါကြောင်း တင်ပြလိုက်ရပါတယ်။

ဆောင်းပါးရှင် - ယန်းအစ်ခ်ျလာ

ယန်းအစ်ခ်ျလား။ ။ဘရက်တစ္စလာဗာ စစ်တက္ကသိုလ်မှ ဘွဲ့ရလာသူ တစ်ဦး ဖြစ်ပြီး လက်ရှိတွင် ပရတ် (ဂ်) မြို့မှ နိုင်ငံတကာ ဆက်ဆံရေး သိပ္ပံတွင် အရာရှိတစ်ဦးအဖြစ် တာဝန်ထမ်းဆောင်လျက် ရှိပါသည်။ ကွန်မြူနစ်အစိုးရ ပြိုကွဲသွားပြီးတဲ့နောက် ချက်ကိုစလိုဗက်တပ်မတော် ရဲ့အင်အားက တပ်ဖွဲ့ဝင် (၁၆၀၀၀၀) ရှိပါတယ်။ အဲဒီတပ်မတော်ကို ပြည်ထောင်စုသမ္မတ ဂျာမနီနိုင်ငံ (အနောက်ဂျာမနီ) တပ်မတော်ရဲ့ တပ်မ (၂)၊ (၅) တို့နဲ့ ပြင်သစ်တပ်မတော်ရဲ့ ကြည်းတပ်တို့ကို ရင်ဆိုင်ဖို့ ပထမဆုံး မြှားဦးအဖြစ် တိုက်ခိုက်လိမ့်မယ်လို့ ယူဆရပါတယ်။ ဝါဆော စာချုပ်ဝင်နိုင်ငံတွေ အားလုံးအနက် အနောက်ဘက် အကျဆုံး နိုင်ငံ အဖြစ် ချက်ကိုစလိုဗက်ကီးယားနိုင်ငံရဲ့ တပ်မတော်ကို စစ်အေးခေတ် အကုန်မှာ တပ်ရင်း (၄) ရင်းစီပါတဲ့ ကြည်းတပ် (၂) ခု၊ စလိုဗက်ကီးယား မှာ အခြေစိုက်ထားတဲ့ တပ်ရင်း (၂) ခု (အဲဒီတပ်ရင်းတွေက လေ့ကျင့် ရေး တပ်ရင်းတွေ ဖြစ်ပါတယ်။ သူတို့ရဲ့အဓိက တာဝန်က ချက်သမ္မတ နိုင်ငံက တိုက်ခိုင်ရေးတပ်ရင်း တပ်မတွေအတွက် ပြန်တမ်းဝင်မဟုတ်တဲ့ အရာရှိတွေကို လေ့ကျင့်သင်တန်းပေးဖို့ ဖြစ်ပါတယ်။) လွတ်လပ် အမှီ အခိုကင်းစွာ ရပ်တည်နေတဲ့ ဒုံးကျည်တပ်ဖွဲ့ (၂) ခုနဲ့ ဆက်သွယ်ရေးနဲ့ ဓာတုဗေဒ ဆိုင်ရာ အခြား လွတ်လပ် အမှီအခိုကင်းစွာ ရပ်တည်နေတဲ့ တပ်ရင်းတပ်ဖွဲ့တွေနဲ့ ဖွဲ့စည်းထားပါတယ်။

ကွန်မြူနစ်အစိုးရ ပြုတ်ကျသွားပြီးတဲ့နောက် ပထမ (၁၀) လအတွင်းမှာ ကာကွယ်ရေးဝန်ကြီးဟာ ကြည်းတပ်ဗိုလ်ချုပ်ကြီးအဆင့်ရှိတဲ့ အရာရှိ တစ်ဦးဖြစ်ပြီး သူ့လက်အောက်တွေက ဗိုလ်ချုပ်ကြီးတွေ ဖြစ်တယ်ဆိုတဲ့ အစဉ်အဆက်ကတည်းက တည်ရှိလာခဲ့တဲ့ လုပ်နည်းလုပ်ဟန်တွေ ဆက်ရှိနေ ခဲ့ပါ တယ်။ ၁၉၉၀ ခုနှစ် ဆောင်းဦးရာသီလောက်ကျမှပဲ အရပ်သားတစ်ဦး (အတိုက်အခံ ခေါင်းဆောင် ဟောင်း လူဘိုစ်ဒိုဘ ရောဗ် စကီး) က ကာကွယ်ရေးဝန်ကြီး ဖြစ်လာခဲ့ပါတယ်။ သူက ဗိုလ်ချုပ်ကြီး တွေကို သူ့ဝန်ကြီးဌာနက ဖယ်ရှားပြီး အရပ်သားတွေကို သူ့လက်ထောက်အဖြစ် ခန့်အပ်ခဲ့ပါတယ်။ ဒီလိုနဲ့ စစ်တပ်ကို အရပ် ဘက်က ပိုင်ပိုင်နိုင်နိုင် ထိန်းချုပ်မှုဟာ ၁၉၉၁ ခုနှစ် နွေရာသီမှာ စတင်ခဲ့ပါ တယ်။ လက်နက်ကိုင်တပ်ပေါင်းစုဟာ သူ့ရဲ့အဓိကတာဝန်က ချက်ကိုစလိုဗက် ပြည်ထောင်စု နှစ်ပိုင်း ကွဲသွားမှုနဲ့ လိုက်လျောညီထွေ ရှိတဲ့ တာဝန်ခွဲဝေမှုတွေ ပြုလုပ်ခဲ့တဲ့ ၁၉၉၀ ခုနှစ် နွေရာသီမတိုင်မှီအထိ ရှိသင့်ရှိထိုက်တဲ့ ဖွဲ့စည်းတည်ဆောက်မှုနဲ့ ရည်မှန်းချက် ပန်းတိုင်တစ်ခု ကို ဆက်လက်ရှာဖွေ ဖော်ထုတ်ခဲ့ပါတယ်။

ချက်ကိုစလိုဗက်ကီးယားနိုင်ငံ ပြိုကွဲသွားခဲ့ပြီးနောက် ချက်တပ်မတော်ရဲ့ အင်အားက တပ်ဖွဲ့ဝင် (၁၀၅၀၀၀) ရှိပါတယ်။ အဲဒီတပ်မတော်ဟာ ဝါဆောစာချုပ်အဖွဲ့ အမွေခံ အဖွဲ့ဝင်အဖြစ် အမှတ်အသား ပြုထားတဲ့ လိုအပ်တာထက် အရွယ်အစားပိုကြီးတဲ့ တပ်မတော်တစ်ခု ဖြစ်နေ ဆဲပါပဲ။ အဲဒီ တပ်မတော် မှာ တပ်ဖွဲ့ဝင်အင်အား (၄၅၀၀၀) ရှိတဲ့ကြည်း တပ်က အဓိကအင်အားစု ဖြစ်ပါတယ်။ အဲဒီအချိန်တုန်း က တပ်ဖွဲ့ဝင် (၆၀၀၀) ပါရှိတဲ့ မီးရထားလမ်း အခြေစိုက်တပ်ဖွဲ့ ထားရှိတာမျိုးလို အချို့ သော ခေတ် နောက်ပြန်ဆွဲမှုတွေ ဆက်ရှိနေဆဲ ဖြစ်ပါတယ်။ နောက် ထပ်ခေတ် နောက်ပြန်ဆွဲမှု တစ်ခုကတော့ ကာကွယ်ရေးဝန်ကြီးဌာနနဲ့ စစ်ဦးစီး အရာရှိရုံးမှာပဲ အခြေစိုက်ထားကြတဲ့ အဆင့်မြင့်တဲ့အရာရှိကြီး တွေရဲ့အရေအတွက် လွန်လွန်ကဲကဲ များပြားနေခြင်း ဖြစ်ပါတယ်။ နိုင်ငံရဲ့နယ်မြေ ပိုက်နက်ကို ကာကွယ်စောင့်ရှောက်ဖို့ကိစ္စဟာ စစ်ရေး သင်တန်းတွေရဲ့ အဓိကဦးစားပေးမှုတစ်ခု အဖြစ် ဆက်ရှိနေ ဆဲပါပဲ။ အခြားတစ်ဖက်မှာတော့ ပထမဆုံးသော အတော်အတန်များပြားတဲ့ အပြောင်းအလဲတွေ အကောင်အထည်ပေါ် လာခဲ့ပါတယ်။ တော်လှန် ရေးမတိုင်မီက ဗိုလ်ချုပ်ကြီးတွေဟာ တော်လှန်ရေး ပြီးသွားတဲ့အခါ တပ်ထဲမှာ ဆက်လက်တာဝန်ထမ်းဆောင်နေခြင်း မရှိကြတော့ ဘဲ (၁၉၈၉) နိုဝင်ဘာ မှာ တပ်မမှူးအဆင့်ထက် ပိုမြင့်တဲ့ရာထူးတစ်ခုကို ရယူထားခဲ့ကြတဲ့အဆင့် ပိုမြင့်တဲ့အရာရှိကြီးတွေ ဟာ ရာထူးကထုတ် ပယ်ခြင်း ခံခဲ့ကြရပါတယ်။ အလယ် အလတ်အဆင့် တပ်မတော်အရာရှိ ရာထူးတွေကို အနောက်တိုင်း စစ်တက္ကသိုလ်တွေက ပထမဆုံးဘွဲ့ရ လာခဲ့ သူတွေက ရယူခဲ့ကြပါတယ်။ ဖြစ်ထွန်းမှုအသစ်တွေထဲမှာ ပိုနေ တဲ့လက်နက်တွေ (အတိအကျ ဖေါ်ပြရရင် တင့်ကားတွေ၊ သံချပ်ကာ တိုက်ခိုက်ရေး မော်တော်ယာဉ်တွေ၊ အမြောက်ကြီးတွေနဲ့ တိုက်ခိုက်ရေး လေယာဉ်တွေ) ကို စွန့်ပစ်လိုက်မှုလည်း ပါဝင်ပါတယ်။ 

တပ်မတော်သားတွေဟာ အရင်ကထက်ပိုပြီး မကြာခဏဆိုသလို ကုလ သမဂ္ဂ မစ်ရှင်တွေမှာ စတင် ပါဝင် ဆောင်ရွက်လာခဲ့ကြပါတယ်။ 

ဝန်ကြီးချုပ် ဗက်ကလပ်က လော့စ် ဦးဆောင်တဲ့ ညွှန့်ပေါင်း အစိုးရဟာ (၁၉၉၂) ခုနှစ်က ထုတ်ပြန်ခဲ့တဲ့ ၄င်းရဲ့ မူဝါဒ ကြေညာချက်ထဲမှာ စစ်တပ် နဲ့ စစ်တပ် ပြုပြင် ပြောင်းလဲရေးတွေနဲ့ ပတ်သက်တဲ့ ကိစ္စကို လုံးဝ ထိတွေ့ ကိုင်တွယ်ထားခြင်း မရှိခဲ့ပါဘူး။ ချက်လူ့ အဖွဲ့အစည်းက ကာကွယ်ရေး၊ လုံခြုံရေး ကိစ္စတွေနဲ့ ပတ်သက်ပြီး စိတ်ဝင်စားမှု မဆိုစ လောက်ပဲ ရှိပါတယ်။ သူတို့ စိတ်အဝင်စားဆုံးကိစ္စက နိုင်ငံ ပြန်လည် တည်ဆောက်ရေးနဲ့ စီးပွားရေး အသွင် ကူးပြောင်းမှု လုပ်ငန်း အပြီး သတ်ဖို့ပါပဲ။ (၁၉၉၆) ခုနှစ် အစိုးရရဲ့ မူဝါဒကြေညာချက် ထွက်ပေါ် မလာ ခင်အထိ ထူးခြားအရေးပါတဲ့ အပြောင်းအလဲဆိုလို့ ဘာတခုမှ မရှိခဲ့ပါဘူး။ အဲဒီ မူဝါဒရဲ့ ဦးစားပေး လုပ်ငန်းတွေအနက် တစ်ခုက ပြင်ပအန္တရာယ်တွေအပေါ် ဗဟိုပြုတဲ့ အမျိုးသား လုံခြုံရေးနဲ့ ကာကွယ် ရေးအတွက် လုံလောက်တဲ့ ရံပုံငွေ လျာထားသတ်မှတ်ရေးပဲ ဖြစ်ပါ တယ်။ ၄င်းရဲ့ နောက်ထပ် ပန်းတိုင် တစ်ခုကတော့ စစ်တပ်ကို စွမ်းရည် ထက်မြက်တဲ့ အဖွဲ့အစည်း တစ်ခု ဖြစ်လာရေး ဖြစ်ပါတယ်။ ရည်ရွယ် ချက်ကတော့ သက်ဆိုင်ရာ လုပ်ငန်းတာဝန်ကို ကျွမ်းကျင်ပိုင်နိုင်မှု ရှိရေးကို စွဲစွဲမြဲမြဲ ကျင့်သုံးတဲ့ တပ်မတော်တစ်ခု ပေါ်ထွန်းရေးပါပဲ။ ဒါပေမဲ့ ဥပဒေအရ စစ်မှုထမ်းခြင်းကို တစ်စုံတစ်ခုသော အဆင့်အထိ ဆက်လက် တည်ရှိနေဖို့ကိုလည်း အဲဒီမူဝါဒထဲမှာ ထည့်သွင်း ဖော်ပြ ထားပါတယ်။