မြန်မာ့နိုင်ငံရေး ၊ ဒေါ်အောင်ဆန်းစုကြည် နှင့် လက်ရှိ အာဏာရခေါင်းဆောင်များ (၂၀၁၂ ခုနှစ် မတ် လ (၂၀)ရက် )

ဆောင်းပါးရှင်။ အောင်လင်းထွဋ်

 

မြန်မာ့နိုင်ငံရေးတွင် ၁၉၆၂ ခုနှစ်စစ်တပ်အာဏာသိမ်းယူခဲ့ပြီးနောက်ပိုင်းမှစ၍ လက်ရှိစစ်ဝတ်ချွတ်ထားသော အာဏာရခေါင်းဆောင်များအထိ ပြည်သူများအရေးထက်မိမိတို့၏ အာဏာမပျောက်ဘဲဆက်လက်ရပ်တည် နိုင်ရေး နည်းမျိုးစုံဖြင့် ဆောင်ရွက်နေသည် ကိုမြင်တွေ့နေရမှာ ဖြစ်ပါသည်။ စာရေးသူ မမှီလိုက်သောလည်း ကြားသိရသလောက်ကတော့ ၁၉၆၂ ခုနှစ် စစ်တပ်အာဏာသိမ်းပြီးဖွဲ့စည်းပြီးနောက် တော်လှန်ရေးကောင်စီ အဖွဲ့ဝင်များအတွင်းသဘောထားကွဲပြားသူများ၊အမိန့်မနာခံသူများကို အဖွဲ့အတွင်းအန္တရယ်ရှိသူများဟုသတ်မှတ် ကာဖယ်ရှားခဲ့သည့်ဖြစ်စဉ်များရှိခဲ့ပါသည်။ အလားတူ ၁၉၇၀ ခုနှစ်ဝန်းကျင် မြန်မာ့ဆိုရှယ်လစ်ပါတီညီလာခံတွင် ဥက္ကဌကြီး ဦးနေဝင်း ကိုယ်တိုင် မဲမရသောကြောင့် ပါတီအတွင်းဖယ်ရှားခဲ့မှုများရှိခဲ့ပါသည်။ နောက်ဆုံး ၁၉၈၈ ခုနှစ် အရေးအခင်းမတိုင်ခင်   ဦးနေဝင်း၊ ကိုယ်တိုင်အစိုးရ နောက်ကွယ်သို့ပြောင်းရွှေ့နေရာယူခဲ့ပါသည်။ ၁၉၈၈ ခုနှစ်အရေးခင်းတွင် မအောင်မြင်သော လက်ရင်းတစ်ပည့် ဗိုလ်ချုပ်ဟောင်းများ ကို ဘေးဖယ်ခိုင်းပြီး တစ်ပည့် လက်သစ် ဗိုလ်ချုပ်ကြီးစောမောင် နှင့် ဗိုလ်ချုပ်ခင်ညွန့် တို့ကိုမြန်မာ့နိုင်ငံရေးတွင်ဆက်လက်ဦးဆောင်ရန် စစ်တပ်အုပ်ချုပ်သောနိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့(နဝတ) ကိုမွေးဖွားပေးခဲ့ပြီး နှစ်အတန်ကြာ နဝတ ၏ နောက်ကွယ်မှထိမ်းကြောင်းအကြံပေးခဲ့ပါသည်။

 

ဗိုလ်ချုပ်ကြီးစောမောင် အာဏာစတင်ရယူစဉ်ကာလသည် ပြည်တွင်းပြည်ပဖိအားအများဆုံးအချိန်ဖြစ်ခဲ့သည့် အတွက်ကြောင့်လည်း အဖွဲ့အတွင်းအာဏာတည်ဆောက်မှုကိုမဆောင်ရွက်နိုင်ခဲ့ပါ။ ထိုစဉ်က နဝတ အဖွဲ့ဝင် ဗိုလ်ချုပ်အများစုသည် ဗိုလ်ချုပ်ကြီးစောမောင် ထက် ဒုစစ်ဦးစီးချုပ် ဒုေိုလ်ချုပ်ကြီးသန်းရွှေ နှင့် ပိုမိုအနေနီးစပ်ခဲ့ သူများဖြစ်ကြပါသည်။ ထို့အတွက်ကြောင့်လည်း ဗိုလ်ချုပ်ကြီးစောမောင် သည် ဒုေိုလ်ချုပ်ကြီးသန်းရွှေ ကို နိုင်ငံရေးအရ အရေးပါသော နဝတ ဒုတိယဥက္ကဌ ရာထူးကိုပေးရန် အချိန်အတော် ကြာစဉ်းစားခဲ့ပြီး မှ ခန့်အပ်ခဲ့ပါသည်။ ဗိုလ်ချုပ်မှူးကြီးစောမောင် စိတ်ကျန်းမာရေး ဖြစ်လာသည့်အချိန်အခါမှာတော့ အလွယ်တစ်ကူ ပင် ဗိုလ်ချုပ်ခင်ညွန့် ၏ကူညီပံ့ပိုးမှုဖြင့် ဒုတိယဗိုလ်ချုပ်မှူးကြီးသန်းရွှေ သည် နိုင်ငံတော်အာဏာကို သွေးထွက် သံယိုမရှိဘဲရယူနိုင်ခဲ့ပါသည်။အာဏာရပြီးရက်ပိုင်းအတွင်းမှာပင်ဦးနေဝင်း၏တစ်ပည့်လက်ရင်း ဗိုလ်ချုပ်ခင်ညွန့် ကိုထိန်းကျောင်းသည့်အနေဖြင့် ဗိုလ်ချုပ်မှူးကြီးသန်းရွှေ သည် သားတစ်ပည့် ဗိုလ်ချုပ်ကျော်ဝင်း ကို ဒုတိယ ထောက်လှမ်းရေးအကြီးအကဲအဖြစ်ခန့်အပ်ခဲ့ပါသည်။ ထိုစဉ်က “ဗိုလ်ချုပ်မှူးကြီးသန်းရွှေ ကိုခင်ဗျားတို့ လျော့မတွက် နဲ့ဟူသော” ၁၉၉၃ ခုနှစ်ပတ်ဝန်းကျင်က ဗိုလ်ချုပ်ကျော်ဝင်း ပြောခဲ့ပါသည်။ ယနေ့အချိန် တွင်လည်း မြန်မာ့နိုင်ငံရေး ၌  ထိပ်ပိုင်းခေါင်းဆောင် စစ်ဝတ်ချွတ် ဗိုလ်ချုပ်ကြီးဟောင်းများ၊ စစ်ဝတ်ဝတ်ထားဆဲ ဗိုလ်ချုပ်ကြီးများကိုမည်ကဲ့သို့ဗိုလ်ချုပ်မှူးကြီးသန်းရွှေနေရာချသွားသည်ကို လေ့လာမှတ်သားရရှိသောသတင်း များကိုအခြေခံ၍တင်ပြသွား မည်ဖြစ်ပါသည်။

 

ဗိုလ်ချုပ်မှူးကြီးသန်းရွှေ သည် ၂၀၀၃ ခုနှစ် ဒီပဲရင်းအရေးခင်းတွင် နိုင်ငံရေးအရ ကြီးမားသော အမှားကြီးတစ်ခု ကို ဦးဆောင်ကျူးလွန်ခဲ့ပြီးနောက် ၁၉၉၆ ခုနှစ်ကရပ်စဲခဲ့သော အမျိုးသားညီလာခံကို ၂၀၀၄ ခုနှစ်တွင်မဖြစ်မနေ ပြန်လည်ကျင်းပခဲ့ရပါသည်။ အမျိုးသားညီလာခံကျင်းပရေးကော်မတီ ဥက္ကဌ အဖြစ် လက်ရှိသမ္မတ ဦးသိန်းစိန် ကိုခန့်အပ်တာဝန်ပေးခဲ့ပါသည်။ ထိုစဉ်က သမ္မတကြီးဦးသိန်းစိန် သည် နအဖ အတွင်းရေးမှူး(၂) နှင့် စစ်ရေးချုပ် တာဝန်ကိုယူနေရသူဖြစ်ပါသည်။ အလားတူ ၂၀၀၄ ခုနှစ် အမျိုးသားညီလာခံတွင် NLD အမျိုးသားညီလာခံပြန် လည်ဝင်ရောက်ရေး ဒေါ်အောင်ဆန်းစုကြည် နှင့် တာဝန်ယူစေ့စပ်ဆွေးနွေးခဲ့ရသူ ဗိုလ်ချုပ်ကြီးခင်ညွန့် ကို ထောင်ချပြီး ဒီပဲရင်းအရေးခင်းကို ဦးဆောင်ခဲ့သူ ကြံ့ဖွတ်၏ ဒုဥက္ကဌ ၊ နအဖ အတွင်းရေးမှူး(၁) ၊ လေကြောင်းရန်ကာကွယ်ရေးချုပ် ဒုတိယဗိုလ်ချုပ်ကြီးစိုးဝင်း(ကွယ်လွန်) ကို ဝန်ကြီးချုပ် တာဝန်ပေးခဲ့ပါသည်။ ထိုစဉ်က နအဖ ဒုဥက္ကဌ နှင့် ဒုတိယတပ်မတော်ကာကွယ်ရေးဦးစီးချုပ် ဒုတိယဗိုလ်ချုပ်ကြီးမောင်အေး အား ဗိုလ်ချုပ်ကြီးခင်ညွန့် ကိစ္စတွင်ခေါ်ယူ၍ ဗိုလ်ချုပ်မှူးကြီးသန်းရွှေ မှသတိပေးခဲ့ပြီးနောက် စစ်တပ်၏ကွပ်ကဲမှုကို ညှိနှိုင်းကွပ်ကဲရေးမှူး လက်ရှိပြည်သူ့လွှတ်တော် ဥက္ကဌ ဗိုလ်ချုပ်ကြီးသူရရွှေမန်း မှတာဝန်ယူပြီး ဗိုလ်ချုပ်မှူးကြီး သန်းရွှေ သို့တိုက်ရိုက်တင်ပြခြင်းဖြင့် နိုင်ငံတော်အာဏာကိုထိမ်းကြောင်းသွားခဲ့ပါသည်။

 

၂၀၀၇ ခုနှစ် သံဃာအရေးအခင်း ၊ ၂၀၀၈ ခုနှစ် နားဂစ် လေမုန်းတိုင်းပြဿနာ များပြီးနောက် ဗိုလ်ချုပ်ကြီးသူရရွှေမန်း၊ ဗိုလ်ချုပ်ကြီးစိုးဝင်း၊ ဗိုလ်ချုပ်ကြီးသိန်းစိန်၊ တို့၏ နိုင်ငံအပေါ်ရှုမြင်ပုံအမြင်များနှင့်ပတ် သက်၍ တိုးတိုးတိတ်တိတ် သတင်းများဖြစ်ပေါ်ခဲ့ပါသည်။ 

 

သံဃာအရေးအခင်း နာဂစ်လေမုန်တိုင်း ကိစ္စ ဆောင် ရွက်မှုအပေါ်ဗိုလ်ချုပ်မှူးကြီးသန်းရွှေ တည့်တည့်ကိုမဝေဖန်ဝံ့သောလည်း ဒီကိစ္စသည်လက်ရှိ ငြိမ်းချမ်းရေး ခေါင်းဆောင် ပုဏ္ဏား ကုန်အောင်တောင်း (ဦးအောင်သောင်း) ကြောင့်လို့အားလုံးက မှတ်ချက်ပြုခဲ့ကြပါသည်။ သို့သော် အဆိုပါဖြစ်စဉ်များအပြီး စစ်ခေါင်းဆောင်ကြီးငယ်များနှင့်စီးပွါးရေးလုပ်ငန်းရှင်ကြီးများ၏လောကတွင်  အကယ်၍ ဗိုလ်ချုပ်ကြီးသူရရွှေမန်း၊ သာနိုင်ငံကိုဦးဆောင်ရင် တိုင်းပြည်အတွက်ကောင်းမည် ဗိုလ်ချုပ်ကြီး သူရရွှေမန်း က အခြေအနေမှန် ကို တင်ပြရင် လက်ခံနားထောင်ပြီး စဉ်းစားပေးတတ်သည့် သူ ဖြစ်တယ်လို့ နေပြည်တော်တွင် သတင်းများ ထိုအချိန်ကဖြစ်ခဲ့ပါသည်။ 

 

ထိုသို့တိုးတိုးတိတ်တိတ်သတင်းများ စိမ့်ထွက်လာပြီး နောက်ကြားသိရသောသတင်းများအရ ဗိုလ်ချုပ်မှူးကြီးသန်းရွှေ ၏ဇနီး မှ ဗိုလ်ချုပ်ကြီးသူရရွှေမန်း ၏ဇနီးကို ခေါ် ယူ၍သတိပေးခဲ့ကြောင်းသိခဲ့ရပါသည်။ ၄င်းနောက် ဗိုလ်ချုပ်ကြီးသူရရွှေမန်း သည် အနာဂါတ်မှာ နံပတ် (၁) မဖြစ်နိုင်ကြောင်း သုံးသပ်မှုများ အတွင်းပိုင်းမှသတင်းများ တီးတိုးထွက်ရှိလာကြပါသည်။ မြန်မာနိုင်ငံ၏ အနာဂါတ်နံပတ် (၂) ဟုမှန်းဆထားခြင်းခံရသူ ဗိုလ်ချုပ်ကြီးစိုးဝင်း မှာမူသေမင်းမှ စောစောခေါ်ယူသွားသည့် အတွက်မြန်မာ့နိုင်ငံရေးမှစွန့်ခွာသွားရပါသည်။ မသေခင် နဝတ ၊ နအဖ လက်ထက်ပြုလုပ်ခဲ့ရသော မကောင်းမှု အကုသိုလ်များကို သေခါနီးမှသံဝေဂတရားရပြီး စင်္ကာပူတွင်ဆေးကုသနေစဉ် တိတ်ခွေအတွင်းအသံသွင်းထား ခဲ့ကြောင်းသိရပါသည်။သတင်းများအရကတော့၊၈၈၈၈အရေးအခင်း၊ ဒီပဲရင်းအရေးအခင်း ၊ သံဃာအရေးအခင်း များတွင် ပါဝင်ပတ်သက်မှုများကိုဝန်ခံထားသည်ဟုသိရပါသည်။

 

ဗိုလ်ချုပ်မှူးကြီးသန်းရွှေသည် မူလက အသက်ငယ်ရွယ်သူ၊ကျန်းမာရေးကောင်းမွန်သူ ကိုအနာဂါတ်ခေါင်းဆောင် အဖြစ်ရည်ရွယ်ခဲ့သောလည်းအခြေအနေအရ ၄င်း၏စိတ်ကြိုက်မဖြစ်ခဲ့ပါ။ နောက်ဆုံး ကျန်းမာရေးသိပ်မကောင်း နှလုံးရောဂါရှိသူ ဗိုလ်ချုပ်ကြီးသိန်းစိန် ကိုရွေးချယ်ခဲ့ရပါသည်။ စစ်တပ်အတွင်း ဗိုလ်ချုပ်ကြီးသိန်းစိန် သည် နာမည်ကောင်းရှိသူတစ်ဦးဖြစ်ပါသည်။

 

 အလုပ်နှင့်ပတ်သက်၍ အထက်လူကြီးများ၊ ဘေးဘယ်ညာလုပ်ဖေါ်ကိုင် ဘက်များ၊ လက်အောက်ငယ်သားများ ၏ လေးစားချစ်ခင်မှုကိုရသောသူတစ်ဦးဖြစ်ပါသည်။ စာရေးသူစစ်ရုံး တွင်တာဝန်ထမ်းဆောင်စဉ်စစ်ဦးစီးဗိုလ်မှူးကြီးဗိုလ်မှူးကြီးသိန်းစိန်သည် ဗိုလ်ချုပ်မှူးကြီးသန်းရွှေ ရုံးတွင်ရှိနေသ၍ နေ့ရောညပါ အနားတွင်ရှိနေသူဖြစ်ပါသည်။ နှစ်ပေါင်းများစွာစစ်ရုံးချုပ်တွင် ဦးစီးအရာရှိ(Staff) တာဝန် ထမ်းဆောင်ခဲ့သော ဗိုလ်ချုပ်ကြီးသိန်းစိန် သည်ယနေ့ မြန်မာနိုင်ငံကို ဦးဆောင်မည့်သူ (Commander) တာဝန် ကိုထမ်းဆောင်နေပြီဖြစ်ပါသည်။ 

 

စိတ်ရင်းစေတနာကောင်းဖြင့် မြန်မာနိုင်ငံကိုပြုပြင်ပြောင်းလဲမည်ဟုကြုံးဝါး ပြောဆိုမိန့်ကြားနေသည်ကို ကြားသိမြင်တွေ့နေရပါသော်လည်း စိတ်ထင်တိုင်း မလှုပ်ရှားနိုင်သည့်အခြေအနေ နှင့်ကြုံတွေ့နေသည်ဟုခန့်မှန်းရပါသည်။ စာရေးသူ ရရှီသောသတင်းအရတော့ “ငါခင်းပေးသောလမ်းကြောင်း အတိုင်းမင်းတို့အချင်းချင်းညှိနှိင်းပြီးလုပ်ကြ ဒါပေမဲ့ ငါ နဲ့ ကိုအေး တို့ရဲ့မိသားစုကိုတော့ လာပြီးမထိနဲ့” ဆိုသည့် မှတ်ချက်ကို ဗိုလ်ချုပ်မှူးကြီးသန်းရွှေ မှလက်ရှိခေါင်းဆောင်များအားပေးခဲ့သည်ဟုသိရပါသည်။

 

လက်ရှိမြန်မာ့နိုင်ငံရေးအခင်းအကျင်းကို လေ့လာလျှင် သမ္မတကြီးဦးသိန်းစိန် ၊ ပြည်သူ့လွှတ်တော်ဥက္ကဌ သူရ ဦးရွှေမန်း ၊ ကာကွယ်ရေးဦးစီးချုပ်ဗိုလ်ချုပ်ကြီးမင်းအောင်လှိုင် တို့သည်အဓိကအခန်းကန္တမှပါဝင်ဆောင်ရွက်နေ သည်ကိုတွေ့မြင်နေရမှာဖြစ်ပါသည်။ 

 

သဘောထားမကွဲပါဘူးဟုပြောနေရပါသော်လည်း အထက်ပါ (၃)ဦး သည် တစ်သဘောတည်းဆောင်ရွက်၍ မရအောင် အခြေအနေများကဖန်တီးထားသည်ကို တွေ့မြင်နေရပါသည်။ 

 

လက်ရှိအခြေအနေအရလည်း ခေါင်းဆောင် (၃)ဦး၏ ဆောင်ရွက်နေရပုံများကို စာဖတ်သူများကြားသိမြင်တွေ့ နေရမှာဖြစ်ပါသည်။ မည်သို့ပင်ဆိုစေကာမူ အဆိုပါ ၂၀၀၈ ခုနှစ်ဖွဲ့စည်းပုံ အခြေခံဥပဒေအရ တပ်မတော်သည် မြန်မာ့နိုင်ငံရေး၏ဦးဆောင်မှုတွငိပါဝင်ရမည် ဦးတည်ချက်ကို လက်ရှိအချိန်တွင် အဆိုပါ(၃)ဦး အာခံရဲကြမည် မဟုတ်ပါ။ သို့သော်နောင်တစ်ချိန် မပြောင်းလဲနိုင်ဘူးဆိုတာကတော့ အပြတ်ပြော၍မရပါ။ ယခင်ကာလများနှင့် မတူ ကမ္ဘာ့နိုင်ငံရေး ၊ မြန်မာ့နိုင်ငံရေး တို့သည်အချိန်နှင့်တစ်ပြေးညီပြောင်းလဲနေသောကြောင့်ဖြစ်ပါသည်။

မြန်မာ့နိုင်ငံရေးတွင်ဒေါ်အောင်ဆန်းစုကြည် ၏ အခန်းကန္တကိုပစ်ပယ်၌မရဆိုသည်ကို  စစ်ခေါင်းဆောင်အဆက် ဆက်ကောင်းကောင်းနာလည်ကြပါသည်။ထိုကြောင့်လည်း နဝတ၊ နအဖခေတ်အဆက်ဆက်နည်းမျိုးစုံနှင့် ဒေါ် အောင်ဆန်းစုကြည် ကိုစည်းရုံးခဲ့ကြပါသည်။၂၀၀၈ ခုနှစ်ဖွဲ့စည်းပုံအပြီး၂၀၀၉ ခုနှစ်တွင် ဒေါ်အောင်ဆန်းစုကြည် အားနေအိမ်အကျယ်ချုပ်ရက်စေ့၍ ပြန်လွှတ်ရန် ဗိုလ်ချုပ်မှူးကြီးသန်းရွှေ စဉ်းစားခဲ့ပါသေးသည် သို့သော် ဒေါ်အောင်ဆန်းစုကြည် နှင့် အမျိုးသားဒီမိုကရေစီအဖွဲ့ချုပ် ၂၀၁၀ ရွေးကောက်ပွဲဝင်လာလျှင် ၄င်းတို့၏ ရည်ရွယ်ချက် ပျက်သွားနိုင်သည်ဟုဆုံးဖြတ်ခဲ့သဖြင့် အမေရိကန်နိုင်ငံသား ယက်တော ကိုအကြောင်းပြ၍ ဒေါ်အောင်ဆန်းစုကြည် ကို ၂၀၁၀ ရွေးကောက်ပွဲအပြီးအထိနေအိမ်အကျယ်ချုပ်ဖြင့် ထိန်းသိမ်းခဲ့ပါသည်။ စာရေးသူအနေဖြင့် “၁၉၉၀ ရွေးကောက်ပွဲ မှသည် ၂၀၁၀ ရွေးကောက်ပွဲဆီသို့” ဆောင်းပါးဖြင့် ဖြစ်လာနိုင်ခြေ နည်းလမ်း(၃)လမ်းကို ထိုစဉ်က နအဖ ၏စဉ်းစားပုံကို တင်ပြခဲ့ပြီးဖြစ်ပါသည်။ ၂၀၁၀ရွေးကောက်ပွဲအပြီးတွင် ဒေါ်အောင်ဆန်းစုကြည် နှင့် အမျိုးသား ဒီမိုကရေစီအဖွဲ့ချုပ် ကို မြန်မာ့နိုင်ငံရေးတွင်ပစ်ပယ်၍မရဆိုသည့် စစ်ခေါင်းဆောင်များ၏ပေါ်လစီအရ ၂၀၁၂ ကြားဖြတ်ရွေးကောက်ပွဲဖြင့်လမ်းဖွင့်ပေးခဲ့သည်ကို ယနေ့တွေ့မြင်နေ ရမှာဖြစ်ပါသည်။

 

သို့သော် ယနေ့ ဒေါ်အောင်ဆန်းစုကြည် အား တပ်မတော်သားများအပါဝင် ပြည်သူလုထု၏ ထောက်ခံမှုသည် ယခင်ကာလများကထက်ပင် ပိုမိုအားကောင်းလာသည့်အတွက် ပေါ်လစီရေးစွဲသူကြီးအနေဖြင့် တော်တော် တုံလှုပ်သွားသည်ဟု အတည်ပြုဆဲသတင်းများအရသီရပါသည်။ ထို့ကြောင့်နောက်ပိုင်းတွင် ဒေါ်အောင်ဆန်း စုကြည်၏ခရီးစဉ်များကို ထိန်းလာသည်များကို တွေ့မြင်နေရမည်ဖြစ်ပါသည်။  

 အထူးသဖြင့် ဒေါ်အောင်ဆန်း စုကြည် နှင့် အမျိုးသားဒီမိုကရေစီအဖွဲ့ချုပ် ၏ရွေးကောက်ပွဲဝင်ရခြင်းရည်ရွယ်ချက် (၃)ချက်ဖြစ်သည့် ဥပဒေ စိုးမိုးရေး ၊ ငြိမ်းချမ်းရေး ၊ ဖွဲ့စည်းပုံဥပဒေပြင်ရေး သည် ယခင်သွားလေသူစစ်ခေါင်းဆောင်ကြီးများ နှင့် လက်ရှိစစ်ဝတ်ချွတ် စစ်ခေါင်းဆောင်များအတွက် အထူးတုံလှုပ်နေကြသည်ဟုသိရပါသည်။ 

 

အကယ်၍ ဒေါ်အောင်ဆန်းစုကြည် နှင့် အမျိုးသားဒီမိုကရေစီအဖွဲ့ချုပ် လွှတ်တော်အတွင်းရောက်သွားခဲ့ပြီး မြန်မာနိုင်ငံ ဒီမိုကရေစီအရေးတွက် သင်ပုန်းခြေရေးလမ်းစဉ်ကိုကိုင်ဆွဲပြီး လက်ရှိခေါင်းဆောင်များနှင့် ပူးပေါင်းဆောင်ရွက် သွားနိုင်မည်ဆိုပါက အခြေအနေကောင်းများဖြစ်လာနိုင်ပါသည်။ စစ်ခေါင်းဆောင်များဘက်ကလည်း ဒီပဲရင်း လိုဖြစ်စဉ်များမလုပ်တော့ပါဘူးဆိုသည့် ကတိကဝတ်များရထားဖို့လိုပါသည်။ လုံခြုံရေးသတိ အမြဲရှိဘို့လို ကြောင်းကိုတော့ ဒေါ်အောင်ဆန်းစုကြည် ကိုတင်ပြလိုပါသည်။

 

စာရေးသူတင်ပြလိုတာကတော့ လက်ရှိ အာဏာရှိနေသော သမ္မတကြီးဦးသိန်းစိန် ၊ ပြည်သူ့လွှတ်တော်ဥက္ကဌ သူရဦးရွှေမန်း၊ ကာကွယ်ရေးဦးစီးချုပ်ဗိုလ်ချုပ်ကြီးမင်းအောင်လှိုင် တို့သည် တိုင်းပြည်အပေါ်ထားသည့်စိတ်ရင်း စေတနာ သည် ယခင်သွားလေသူစစ်အာဏာရှင်ကြီးများနှင့်မတူသည်ကတော့ သေချာပါသည်။ သို့သော် အငွေ့အသက်များကတော့ ယခုအထိရှိနေကြဆဲပါ။ အငွေ့အသက်များပျောက်အောင် ချက်ချင်းတော့လုပ်၍မရ ပါ အချိန်တော့ယူရလိမ့်မည်ထင်ပါသည်။ လက်ရှိအခြေအနေတွင် တိုင်းရင်းသားအရေးသည် အဓိကဖြေရှင်း ရမည့်ကိစ္စဟုမြင်ပါသည်။ ဗိုလ်ချုပ်အောင်ဆန်း နှင့်ချုပ်ဆိုခဲ့သော ပင်လုံစာချုပ် ကို ပီပြင်အောင်ဆောင်ရွက်ရ ပါလိမ့်မည်။ လက်ရှိ အာဏာရခေါင်းဆောင်များ ၊ ဒေါ်အောင်ဆန်းစုကြည် ၊ နိုင်ငံရေးပါတီများ ၊ တိုင်းရင်းသား ပါတီများနှင့်လက်နက်ကိုင်များပူးပေါင်းညှိနှိုင်း ဆောင်ရွက်နိုင်မှရလိမ့်မည်ဟုမြင်ပါသည်။ အမိမြန်မာနိုင်ငံတော် ကြီးပွါးချမ်းသာပြီးသာယာငြိမ်းအေးပါစေလို့ဆန္ဒပြုလျက်။

ဝါရှင်တန်မြို့

၂၀၁၂ ခုနှစ် မတ်လ (၂၀) ရက်