မြန်မာ့ဆက်သွယ်ရေးလေလံ၏ ကောင်းခြင်းဆိုးခြင်း

(7 days news journal)

ဆက်သွယ်ရေး လိုင်စင်ရရှိသွားသည့် အမည်စာရင်းကို လွှတ်တော်က ပိတ်ပင်ထားရန် ကြိုးစားခဲ့သည့်ကြားက မိုဘိုင်းဆက်သွယ်ရေး ကုမ္ပဏီနှစ်ခုဖြစ်သည့် Qatar Ooredoo နှင့် နော်ဝေးမှ Telenor မိုဘိုင်းဆက်သွယ်ရေးကုမ္ပဏီတို့က

ို အစိုးရကကြာသပတေးနေ့(ဇွန် ၂၇ ရက်)က လိုင်စင်ချပေးလိုက်သည့်အပေါ် ရန်ကုန်အခြေစိုက်လေ့လာသူများကြား မေးခွန်းများစွာ ထွက်ပေါ်လာသည်။ နှစ်ဖက်အာဏာလွန်ဆွဲမှုက ၁၁ နာရီကြာမြင့်ခဲ့သည်။

တစ်ချိန်တည်းမှာပင် ဤလေလံ၏အဖြေက မြန်မာနိုင်ငံသည် ပွင့်လင်းမြင်သာမှုရှိသော၊ မျှတသော လေလံကို စီစဉ်နိုင်စွမ်းရှိသော နိုင်ငံအဖြစ် ရင်းနှီးမြှုပ်နှံလိုသူများကို ပြသလိုက်ခြင်းလည်း ဖြစ်သည်။ ဆယ်စုနှစ်များစွာ ကြာရှည်ခဲ့သည့် ဖိနှိပ်ပြီး လျှို့ဝှက်မှုများနှင့် ပြည့်နှက်နေသော စစ်အုပ်ချုပ်မှုအောက်တွင် မြန်မာ့စီးပွားရေးလုပ်ငန်းများမှာ လာဘ်စားမှု၊ လိမ်ညာကောက်ကျစ်မှုများဖြင့် ပြည့်နေသည်ဟု လူသိများခဲ့သည်။

သဘာဝအရင်းအမြစ်မဟုတ်သည့်ကဏ္ဍတွင် နိုင်ငံခြားကုမ္ပဏီများပါဝင်သည့် ပထမဆုံးအကြိမ် ကြီးမားသော ဤလေလံပွဲကို အကြံပေးများနှင့် ပါဝင်ကြသည့် ကုမ္ပဏီများက ချီးကျူးခဲ့ကြသည်။ အိန္ဒိယနိုင်ငံမှ Bharti Airtel အကြီးအကဲဖြစ်သူ Bharti Mittal က ကမ္ဘာ့အဆင့်မီလေလံပွဲဟု ဆိုသည်။

မြန်မာအစိုးရက ငှားရမ်းထားသော လွတ်လပ်သည့် အကြံပေးပုဂ္ဂိုလ် ဂျာမန်လူမျိုး Roland Berger က လေလံအတွက် အခြေခံသည့် အချက်အလက်ရွေးချယ်မှုနှင့် ဆန်ခါတင်စာရင်းရွေးချယ်မှုအပေါ် ပါဝင်ယှဉ်ပြိုင်သူတချို့က ချီးကျူးပြောဆိုခဲ့သည်။ အများအပြားကမူ ဦးသိန်းစိန်အစိုးရကို ချီးကျူးရမည်ဟု ဆိုကြသည်။ အကြံပေးကို ငှားရမ်းလုပ်ကိုင်ခဲ့သည် သာမက လေလံအတွက် သတ်မှတ်ထားချက်ကို လွှတ်တော်အမတ်များ ကန့်ကွက်နေသည့်ကြားက ကြေညာခဲ့သောကြောင့် ဖြစ်သည်။

အကြံပေးအဖွဲ့တစ်ဖွဲ့ဖြစ်သည့် Vriens & Partner ၏ ညွှန်ကြားရေးမှူး Romain Caillaud က “အမှန်တကယ်ပဲ နည်းပညာလိုအပ်ချက်နဲ့ ငွေကြေးကမ်းလှမ်းချက်တွေအပေါ် အဓိကထားပြီး အကောင်းဆုံး ဆုံးဖြတ်ချက်ဖြစ်ပုံရပါတယ်” ဟု ပြောဆိုသည်။ သူက အနိုင်ရခဲ့သည့် ကုမ္ပဏီများနှင့် လုပ်ကိုင်ခဲ့ခြင်းမရှိပါ။ တင်ဒါလုပ်ငန်းစဉ်မှ ထွက်ရှိလာသော အဖြေ များအတွက် အားတက်ဖွယ်ဖြစ်ကြောင်း၊ မြန်မာအစိုးရသည် အမှန်တကယ် သူ့လူထုအတွက် အပြောင်းအလဲကို ဆောင်ကြဉ်းပေးလိုနေပြီး အတိတ်က လုပ်ရပ်များမှ ရှောင်ဖယ်လိုသည်ကို တွေ့ရကြောင်း၊ မြန်မာနိုင်ငံအတွက် ကောင်းမွန်သော သက်ရောက်မှု ကြီးမားလာမည်ဖြစ်ကြောင်း ၎င်းက မှတ်ချက်ပြုခဲ့သည်။

တင်ဒါရသွားသော ကုမ္ပဏီနှစ်ခုသည် ၁၅ နှစ်လိုင်စင်ကို ဆန်ခါတင် ၁၁ ဖွဲ့မှ ရွေးချယ်ခဲ့ခြင်းဖြစ်သည်။ အဆိုပါကုမ္ပဏီ နှစ်ခုက တင်ဒါရပြီး လုပ်ဆောင်ရမည့် အချက်များ ပျက်ကွက်ခဲ့လျှင် အစားထိုးတင်ဒါရရှိမည့်သူများအဖြစ် ပြင်သစ် Telecom's Orange နှင့် ဂျပန် Marubeni ပူးတွဲအဖွဲ့အမည်ကို ကြေညာခဲ့သည်။

ဆက်သွယ်ရေးဥပဒေသစ် မထွက်မချင်း ရလဒ်အဖြေကို မကြေညာဘဲ ရွှေ့ဆိုင်းထားရန်အတွက် တင်ဒါကြေညာမည့် တစ်ရက်အလိုတွင် “ပြည်သူ့လွှတ်တော်၌ ရာနှုန်းပြည့်နီးပါးက မဲခွဲဆုံးဖြတ်ခဲ့သော်လည်း မူလစီစဉ်ထားသည့်အတိုင်း ရလဒ်အဖြေကို ကြာသပတေးနေ့တွင် ထုတ်ပြန်ခဲ့သည်။

ထိုဥပေဒကြမ်းကို လူသိရှင်ကြားမကြေညာရသေးသော်လည်း ပြည်တွင်းကုမ္ပဏီတစ်ခုနှင့် တွဲဖက်လုပ်ကိုင်ရမည်ဆိုသည့် အကာအကွယ်ပေးသည့် ပုဒ်မတစ်ခုပါဝင်သည်ဟု ယူဆရသည်။ ဤလိုအပ်ချက်အရဆိုလျှင် Qatar မှ Ooredoo နှင့် နော်ဝေးမှ Telenor နှစ်ခုစလုံး အကျုံးမ၀င်တော့ပါ။ ပြည်တွင်းပါတနာမရှိသည့် လေလံဆွဲသူ ကုမ္ပဏီငါးခုထဲတွင် သူတို့ပါဝင်နေသည်။

လက်ရှိဥပဒေကြမ်းတွင် ဖော်ပြချက်အရ ဆက်သွယ်ရေး ကုမ္ပဏီများအနေနှင့် လိုအပ်တောင်းဆိုလာလျှင် စစ်တပ်အာဏာပိုင်များနှင့် ပူးပေါင်းဆောင်ရွက်ရမည်ဖြစ်ပြီး ဆက်သွယ်ရေးစနစ်အတွင်း ၀င်ရောက်ခွင့်ပေးရမည်ဟု ပါရှိကြောင်း သိရသည်။ ဤကဲ့သို့သော ပြဋ္ဌာန်းချက်မျိုးသည် အနောက်နိုင်ငံကုမ္ပဏီအချို့အတွက် လက်ခံနိုင်ဖွယ်မရှိသဖြင့် အတော်ပင်ကသိကအောင့်နိုင်မည့် သဘောရှိသည်။

လွှတ်တော်အမတ်များက လက်ရှိလွှတ်တော်ဆွေးနွေးပွဲတွင် ဤဥပဒေကြမ်းကို အတည်ပြုနိုင်ရန် မျှော်လင့်ထားကြောင်း ပြောဆိုသည်။ ၎င်းမှာ ရက်သတ္တပတ် ရှစ်ပတ်ခန့်ကြာမြင့်နိုင်သည်။ တစ်ဖက်ကလည်း လွှတ်တော်ကို တင်ပြထားသော ဤဥပဒေကြမ်းသည် တစ်နှစ်တာမျှရှိနေပြီဖြစ်ပြီး အတည်ပြုရေးဖြစ်စဉ် နှေးကွေးသဖြင့် နောက်ထပ်ရက်သတ္တပတ် အနည်းငယ် နောက်သို့ ရွှေ့သွား နိုင်သေးကြောင်း ပါလီမန်လွှတ်တော် လက်ထောက်တစ်ဦးက ပြောသည်။

တင်ဒါရလဒ်ကို ပါလီမန်က ရွှေ့ဆိုင်းရန်ကြိုးစားချက်၊ အစိုးရအဖွဲ့က ထိုလုပ်ဆောင်ချက်ကို လျစ်လျူရှုပြီး တင်ဒါအဖြေကို ကြေညာသည့်လုပ်ရပ်များသည် လွှတ်တော်နှင့် အထူးသဖြင့် သမ္မတရုံးတို့အကြား တင်းမာမှုများကို ညွှန်ပြနေသည်ဟု ရန်ကုန်အခြေစိုက်လေ့လာသူတချို့က ဆိုသည်။ ဆက်သွယ်ရေးလိုင်စင်ချထားရာတွင် ပြည်တွင်းပါတနာနှင့် ဖက်စပ်လုပ်ကိုင်ရန် မလိုအပ်ကြောင်း အစိုးရက အတိအလင်းပြောဆိုခဲ့သည်။ ထို့ကြောင့် ဆက်သွယ်ရေးနှင့် ဆောက်လုပ်ရေးဆိုင်ရာကော်မတီ အတွင်းရေးမှူးနှင့် ကြံ့ခိုင်ဖွံ့ဖြိုးရေးပါတီဝင် ဦးမျိုးဆွေသည် တင်ဒါရလဒ်ကြေညာချက်ရွှေ့ဆိုင်းရန် အဆိုတင်ခဲ့သူဖြစ်သည်။ ၎င်းက ပြည်တွင်းပါတနာနှင့် ဖက်စပ်လုပ်သူသာလျှင် တင်ဒါရသင့်သည်ဟု ဆိုသည်။ ဥပဒေသစ်မထွက်မီ လိုင်စင်ချပေးသည့်လုပ်ရပ်က မြန်မာ့ဆက်သွယ်ရေးလုပ်ငန်းတွင် တစ်ဦးတည်းကြီးစိုးလွှမ်းမိုးမှုခံရမည့် အန္တရာယ်ကို ရင်ဆိုင်ရနိုင်သည်ဟု သတိပေးလိုက်သည်။

အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်မှုဝန်ကြီးဌာန ဒုဝန်ကြီး ဦးဆက်အောင်သည် အစိုးရတင်ဒါအဖွဲ့ ကြီးကြပ်ရေးအဖွဲ့ဥက္ကဋ္ဌဖြစ်သည်။ လွှတ်တော်အနေနှင့် ဤလုပ်ငန်းစဉ်ကို နှောင့်နှေးအောင်လုပ်ခွင့်မရှိဟု ကြာသပတေးနေ့က ပြောဆိုခဲ့သည်။ သမ္မတရုံးမှ ညွှန်ကြားချက်မပေးလျှင် သူ့အနေနှင့် ကြေညာချက်ကို နှောင့်နှေးမည်မဟုတ်ဟုလည်း ပြောဆိုခဲ့သည်။

“ကျွန်တော်တို့က ကုမ္ပဏီသေးသေးလေးတွေနဲ့ ဆက်ဆံနေတာမဟုတ်ဘူး။ ကမ္ဘာ့အကောင်းတကာ့အကောင်းဆုံးကုမ္ပဏီတွေနဲ့ ဆက်ဆံနေတာပါ။ ကျွန်တော်တို့ တုံ့ပြန်တာနောက်ကျရင် ကျွန်တော်တို့သိက္ခာကို ထိခိုက်တာပေါ့” ဟုလည်း ဖြည့်စွက်ပြောဆိုသွားသည်။

သို့သော်လည်း ဤ ၁၁ နာရီကြာ အာဏာလွန်ဆွဲပွဲက မြန်မာနိုင်ငံတွင် အာဏာချိန်ခွင်လျှာအရေးရှုပ်ထွေးမှုများ တိုးလာနေသည့် လက္ခဏာအဖြစ် သံတမန်များနှင့် ရင်းနှီးမြှုပ်နှံသူများက စိုးရိမ်စရာမြင်လာကြောင်း ပြောဆိုကြသည်။ ပြည်တွင်းစီးပွားရေး
လုပ်ငန်းရှင်များ၏ အကျိုးစီးပွားကို အကာအကွယ်ပေးလိုသည့် သဘောထား အနာဂတ်စာချုပ်များ၊ အစိုးရနှင့် လွှတ်တော် အကြား အာဏာခွဲဝေမှု၊ အထူးသဖြင့် လွှတ်တော်၏ ကန့်ကွက်မှုကြောင့် ဖြစ်ပေါ်လာနိုင်သည့် လိုင်စင်များ၏ တရားဝင်မှုအခြေအနေတို့နှင့်ပတ်သက်ပြီး ယခုလွှတ်တော်၏ ၀င်ရောက်တားဆီးမှုလုပ်ရပ်က မေးခွန်းထုတ်စရာများ ဖြစ်စေသည်ဟု သံတမန်တစ်ဦးက ပြောသည်။

ထိုစိုးရိမ်ပူပန်မှုများသည် နောက်တစ်ကြိမ်တင်ဒါခေါ်ယူမှုအပေါ်လည်း သက်ရောက်မှုရှိနေမှာ အသေအချာပင်ဖြစ်သည်။ အင်တာနက်ဝန်ဆောင်မှုနှင့် ဆက်သွယ်ရေးကြိုးများ တည်ဆောက်ခြင်းတို့အတွက် စိတ်ဝင်စားသူများကို အစိုးရက မကြာမီ တင်ဒါခေါ်ယူမည့်အကြောင်း မကြာသေးမီကပင် ဆက်သွယ်ရေးဒုဝန်ကြီးက ကြေညာထားသည်။ အသေးစိတ်ကို ထုတ်ဖော်မပြောဆို သော်လည်း တင်ဒါအသစ်အတွက် သတ်မှတ်ချက်များကို ထည့်သွင်းစဉ်းစားနေကြောင်း သမ္မတရုံးနှင့် နီးစပ်သူများက ပြောသည်။

လွှတ်တော်က မည်သို့ပင်ပြုမူနေသော်လည်း နောက်ထပ် ဆက်သွယ်ရေးစာချုပ်များကို နိုင်ငံတကာက စိတ်ဝင်စားနေဦးမည် ဖြစ်သည်။ ယခုပြီးဆုံးသွားသည့် အစပထမ တင်ဒါတွင်ပင်လျှင် နောက်ဆုံးသန်း ၆၀ သော လူထု၏ ဈေးကွက်သစ်ကို နိုင်ငံခြား ကုမ္ပဏီတစ်ရာခန့်က စိတ်ဝင်တစားဝင်ရောက်ယှဉ်ပြိုင်ခဲ့ကြသည်။

သူကျောထောက်နောက်ခံပေးထားသော Digicel တင်ဒါမရခဲ့သည့်အပေါ် သူဌေးကြီးဂျော့ရှ် ဆိုးရော့စ်က စိတ်ပျက်ကြောင်း ကြာသပတေးနေ့က ပြောဆိုသည်။ သို့သော် မြန်မာနိုင်ငံတွင် စီးပွားရေးအခွင့်အလမ်းများကို ဆက်လက်၍ ရှာဖွေသွားမည်ဖြစ်ကြောင်း ပြောဆိုသည်။

Digicel ပူးပေါင်းထားသော အဖွဲ့တွင် ပြည်တွင်းစီးပွားရှင် Serge Pun က သူ၏ YSH Finance မှတစ်ဆင့် ပါဝင်ထားသည်။ ဤအဖွဲ့သည် မြန်မာနိုင်ငံတွင် ဒေါ်လာသန်းကိုးထောင်ရင်းနှီးပြီး မိုဘိုင်းကွန်ရက်တည်ဆောက်မည်ဟု ကတိပြုထားပြီး တင်ဒါလျှောက်သည့်အထဲတွင် ထိပ်ဆုံးက ပြေးနေသည့်အဖွဲ့ဟု အများက လက်ခံထားခဲ့ကြသည်။ အခြားလေလံဆွဲသူများကဲ့သို့ပင် ဤအဖွဲ့ကလည်း ကြော်ငြာလှုံ့ဆော်လှုပ်ရှားမှုများတွင် ငွေသောက်သောက်လဲသုံးခဲ့သည်။

ထိုအချိန်တွင် Ooredoo က ဒေါ်လာ ၁၅ ဘီလီယံရင်းနှီးမည်ဟု ကတိပြုခဲ့ရာ ကျန်လေလံဆွဲသူများထက် များစွာပိုများခဲ့သည်။ အခြေစိုက်ဌာန တစ်သောင်းတည်ဆောက်မည်ဖြစ်ပြီး ၂ နှစ်အတွင်း လူဦးရေ၏ ၉၀ ရာခိုင်နှုန်းကို ကြိုးမဲ့ဆက်သွယ်ရေးဖြန့်ချိနိုင်မည်ဆို
သဖြင့် အစိုးရ၏ အချိန်ဇယားထက်ပင်လျှင် ရှေ့ပြေးနေပေသည်။

Telenor က မည်မျှရင်းနှီးမည် ဆိုသည်ကို လူသိရှင်ကြား မကြေညာသော်လည်း မိုဘိုင်းဖုန်းနှင့် ကြိုးမဲ့ဝန်ဆောင်မှုကို ရှေ့နှစ်ဆန်းတွင် စတင်ပေးမည်ဖြစ်ပြီး လာမည့် ၅ နှစ်အတွင်း တစ်ပြည်လုံးကို ၀န်ဆောင်မှုပေးရန် ကတိပြုသည်။

ကျန်ဆန်ခါတင် စာရင်းဝင်များမှ ပြည်တွင်း KBZ နှင့် M-Tel တို့နှင့် ဖက်စပ် Singapore Telecommunications ၊ မလေးရှားမှ Axiata Group ၊ ဂျပန်မှ KDDI နှင့် Sumitomo Corp ၊ Vietnam's Viettel Group ၊ လူဇင်ဘတ်မှ Millicom International Cellular ၊ တောင်အာဖရိကအခြေစိုက် MTN ရင်းနှီးမှုဖြင့် ဖွဲ့ထားသော စုပေါင်းအဖွဲ့နှင့် India မှ Bharti Airtel တို့ဖြစ်သည်။

Vodafone နှင့် China Mobile ဖက်စပ်အဖွဲ့ကတော့ ဇွန်လ ၄ ရက်တွင် လေလံမှ ပြန်လည်ထွက်ခွာသွားသည်။ တင်ဒါစည်းမျဉ်းများက ၎င်းတို့၏ ရင်းနှီးမြှုပ်နှံမှု သတ်မှတ်ချက်များနှင့် ကိုက်ညီမှုမရှိဟု ဆိုသည်။

ရေရှည်တွင် ဤဆက်သွယ်ရေးတင်ဒါလိုင်စင်များသည် သန်းထောင်ချီတန်သည်ဟု ဘန်ကောက်အခြေစိုက်ဆက်သွယ်ရေးလေ့ လာသူအချို့က ဆိုသည်။ သို့သော် အချို့လည်း မည်မျှမြန်မြန်ဆန်ဆန် လုပ်ကိုင်နိုင်မည်ဆိုသည့် နှုန်းနှင့် ဦးတည်သည့် ၀န်ဆောင်မှုပမာဏတို့က ကုန်ကျစရိတ်များပြားမည်ဖြစ်ပြီး ပြည့်မီအောင် ဆောင်ရွက်နိုင်ရန် ခက်ခဲမည်ဟု သုံးသပ်ကြသည်။

ဤကုမ္ပဏီများသည် လာမည့် ကိုးလအတွင်း သူတို့၏ ၀န်ဆောင်မှုများကို စတင်ပေးဆောင်ရမည်ဖြစ်ပြီး တစ်နှစ်အတွင်း လူဦးရေ၏ ၂၅ ရာခိုင်နှုန်းကို မိုဘိုင်းဝန်ဆောင်မှုပေးရမည်။ သို့မှသာ ၎င်းတို့၏ လိုင်စင်များကို ဆက်လက်ရရှိမည်ဖြစ်သည်။ လေး၊ ငါးနှစ်အတွင်း နိုင်ငံ၏ လေးပုံသုံးပုံကို မိုဘိုင်းဖုန်းဝန်ဆောင်မှုပေးရမည်ဖြစ်ပြီး ထက်ဝက်ကို ဆဲလူလာ ၀န်ဆောင်မှုပေးရမည်။ ဤအချက်က အထူးသဖြင့် အခက်အခဲ ဖြစ်သည်ဟု ဆိုသည်။ လက်ရှိတွင် လူဦးရေ၏ ၆ ရာခိုင်နှုန်းမှ ၈ ရာခိုင်နှုန်းကိုသာ မိုဘိုင်းဝန်ဆောင်မှုပေးနိုင်သည်။

ထို့အပြင် ကုမ္ပဏီများသည် လျှပ်စစ်မီးမရရှိမှု၊ အခြေခံအဆောက်အအုံကင်းမဲ့နေမှုများနှင့်လည်း ရင်ဆိုင်ရပေမည်။ ၎င်းတို့သည် နိုင်ငံပိုင်ဆက်သွယ်ရေး ကုမ္ပဏီနှစ်ခုဖြစ်သည့် ရတနာပုံနှင့် မြန်မာဆက်သွယ်ရေးတို့နှင့် အတူတွဲလုပ်ရမည်ဖြစ်သလို အဆိုပါနိုင်ငံပိုင် ဆက်သွယ်ရေးကုမ္ပဏီများနှင့် ၎င်းတို့၏ ဆက်သွယ်ရေးအဆောက်အအုံများကို မျှဝေသုံးစွဲရန်နှင့် ၀န်ဆောင်မှုကို ဈေးချပေးရမည်ဖြစ်သည်။

လိုင်စင်ရသွားသော ကုမ္ပဏီနှစ်ခုစလုံးမှာ အစိုးရပိုင်ကုမ္ပဏီများဖြစ်သည်။ ကာတာအစိုးရနှင့် နော်ဝေးအစိုးရပိုင်ဖြစ်ပြီး အာရှတစ်လွှား အတွေ့အကြုံအများအပြားရှိထားသူများဖြစ်ကြသည်။ Telenor က India, Pakistan, Thailand, Malaysia နှင့် Bangladesh တို့တွင် ကြီးမားသော စီးပွားရေးလုပ်ငန်းများရှိပြီး Oordeoo က Indonesia, Laos, Pakistan Pahilippines နှင့် Singapore တို့တွင် ရှိသည်။

သို့သော်လည်း ထိုသို့သော စိန်ခေါ်မှုများက ရေတိုနှင့် အလယ်အလတ်ကာလအတွင်း ရင်းနှီးမြှုပ်နှံမှုမှ အကျိုးအမြတ်ရနိုင်မှု မသေချာကြောင်း အချို့ဝေဖန်သူများက ဆိုသည်။

ပို၍ပင် အကဲဆတ်နေသည့် ပြဿနာက မြန်မာနိုင်ငံအတွင်း လတ်တလောဖြစ်ပွားခဲ့သည့် အကြမ်းဖက်မှုများနှင့် ဘာသာရေးဆိုင်ရာ ရှုပ်ထွေးမှုများဖြစ်ပေါ်နေကြောင်း သံတမန်အချို့က ထောက်ပြသည်။ Ooredoo လိုင်စင်ရသွားသည့် သတင်းက မြန်မာနိုင်ငံ၏ အင်တာနက်လူမှုရေးကွန်ရက်များတွင် ဝေဖန်သံများထွက်ပေါ်လာကြောင်း ထိုအထဲတွင် မွတ်ဆလင်ဆန့်ကျင်ရေးလှုပ်ရှားမှုအဖွဲ့ ၀င်များပါဝင်ပြီး မွတ်ဆလင်များနှင့်ပတ်သက်သော စီးပွားရေးလုပ်ငန်း၊ ထုတ်ကုန်များကို သပိတ်မှောက်ရန် ဆော်သြနေကြသည်။

ဤကိစ္စနှင့်ပတ်သက်ပြီး အစိုးရပြောခွင့်ရ ပုဂ္ဂိုလ်ဦးရဲထွဋ်၏ စကားက Ooredoo အတွက်ဖြေသိမ့်မှု အနည်းအကျဉ်းတော့ ပေးနိုင်ခဲ့သည်။ ရွေးချယ်မှုတွင် ဘာသာရေးကို ထည့်မတွက်ကြောင်း “သူတို့ရဲ့ ၀န်ဆောင်မှုက စင်ကာပူမှာ အတော်ကောင်းပါတယ်။ ကျွန်တော်တို့က သူတို့ရဲ့ ၀န်ဆောင်မှုပေးနိုင်မှုအပေါ် အခြေခံပြီး လိုင်စင်ချပေးခဲ့တာပါ” ဟု ဦးရဲထွဋ်က ဇူလိုင် ၄ ရက်က သတင်းမီဒီယာများကို ပြောဆိုသွားခဲ့သည်။