Thursday, July 18, 2013

လွှတ်တော်တွင် တပ်မတော်ကို ပုတ်ခတ် ဝေဖန်ခြင်း မပြုရန် တားမြစ်မည်ဟု သူရဦးရွှေမန်း ပြောကြား

(The Voice Weekly)

တပ်မတော်သား၂၅ရာခိုင်နှုန်း ပါဝင် တက်ရောက်လျက်ရှိသော လွှတ်တော် အစည်းအဝေးများတွင် ရင့်သီး ပုတ်ခတ်သည့် စကားလုံးများဖြင့် တပ်မတော် ကို ဝေဖန်ခြင်း မပြုရန် လွှတ်တော် ကိုယ်စားလှယ်များကို တားမြစ်သွား မည်ဖြစ်ကြောင်း ပြည်သူ့လွှတ်တော် ဥက္ကဋ္ဌ သူရဦးရွှေမန်းက ပြောကြားသည်။

ပြည်သူ့လွှတ်တော် ဥက္ကဋ္ဌ သူရ ဦးရွှေမန်း က ဇူလိုင်လ ၁၇ ရက်နေ့တွင် ကျင်းပသည့် ပြည်သူ့ လွှတ်တော် အစည်းအဝေးအပြီး သတင်းထောက် များနှင့် တွေ့ဆုံစဉ် ယင်းသို့ ပြောကြားခဲ့ခြင်း ဖြစ်သည်။


ပြီးခဲ့သည့် တစ်ပတ်က ကျင်းပခဲ့သည့် ပြည်ထောင်စု လွှတ်တော် အစည်းအဝေးတွင် လယ်မြေများနှင့် အခြားမြေများ သိမ်းဆည်းခံရမှု စုံစမ်းရေး ကော်မရှင်က ပြည်ထောင်စု လွှတ်တော်သို့ တင်သွင်းသော အစီရင်ခံစာ အပိုင်း (၁)၊ အပိုင်း (၂)ကို အတည်ပြုရန် လွှတ်တော် ကိုယ်စားလှယ် အချို့က ဆွေးနွေးစဉ် တပ်မတော်ကို စစ် အစိုးရ၊ စစ် အာဏာရှင်စသည့် အသုံးအနှုန်းများ သုံးနှုန်းခဲ့ပြီး ယင်းအသုံးအနှုန်းများ သည် တစ်ဖက်နှင့်တစ်ဖက် ထိခိုက် နစ်နာမှုများ ရှိလာစေသောကြောင့် တားမြစ်ရခြင်း ဖြစ်ကြောင်း ၎င်းက ဆိုသည်။

ပြည်ထောင်စု လွှတ်တော်သို့ လယ်ယာမြေ သိမ်းဆည်းခံရမှုနှင့် ပတ်သက်ပြီး လာရောက် ရှင်းလင်း သည့် ကာကွယ်ရေး ဝန်ကြီးဌာန ပြည်ထောင်စုဝန်ကြီး ဒုတိယ ဗိုလ်ချုပ်ကြီးဝေလွင်က လွှတ်တော် ကိုယ်စားလှယ်အချို့၏ တပ်မတော်အပေါ် ရင့်သီးသည့် စကားလုံးများ သုံးစွဲခြင်းကြောင့် စိတ်မကောင်းဖြစ်ရကြောင်း ဇူလိုင်လ ၁၅ ရက်နေ့တွင် ကျင်းပသည့် ပြည်ထောင်စု လွှတ်တော် အစည်းအဝေးတွင် ပြောကြားသွားသည်။

“ပိတ်ပင်တယ်ဆိုတာ လွှတ်တော် ဥက္ကဋ္ဌ တစ်ယောက်ရဲ့ အခွင့်အရေးပဲ။ လွှတ်တော် နည်းဥပဒေ တွေမှာပါလို့ တားမြစ်တာ ဖြစ်မှာပါ” ဟု အမျိုးသား ဒီမိုကရေစီ အဖွဲ့ချုပ် NLD ပါတီမှ ပြည်သူ့ လွှတ်တော် ကိုယ်စားလှယ် ဒေါက်တာ ဇော်မြင့်မောင်က ဆိုသည်။

ပြည်သူ့လွှတ်တော် ဥက္ကဋ္ဌ သူရဦးရွှေမန်းသည် ၂၀၁၃ ခုနှစ် သြဂုတ်လမှ စတင်ကာ လက်ကျန် လွှတ်တော် သက်တမ်း ၂နှစ်ခွဲ ကာလ အတွင်း ပြည်ထောင်စုလွှတ်တော် ဥက္ကဋ္ဌအဖြစ် တာဝန်ယူရမည် ဖြစ်သည်။

သူရဦးရွှေမန်းသည် ၂၀၁၀ ပြည့်နှစ် အထွေထွေ ရွေးကောက်ပွဲတွင် တပ်မတော်မှ အနားယူကာ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ ဥက္ကဋ္ဌအဖြစ် တာဝန်ယူခဲ့ပြီး နေပြည်တော် ကောင်စီ နယ်မြေ အတွင်းမှ ဝင်ရောက် ယှဉ်ပြိုင်ခဲ့ရာ ပြည်သူ့လွှတ်တော် ဥက္ကဋ္ဌအဖြစ် ရွေးချယ် ခန့်အပ်ခြင်း ခံခဲ့ရသည်။

သူရဦးရွှေမန်းမှာ ၂၀၁၅ ရွေးကောက်ပွဲအပြီး ပေါ်လာမည့် အစိုးရအဖွဲ့ တွင် နိုင်ငံတော် သမ္မတအဖြစ် ဝင်ရောက် ယှဉ်ပြိုင်လိုကြောင်း အကြိမ်ကြိမ် ပြောကြားထားသည်။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။