ပြည်ထဲရေး ဝန်ကြီးဌာနနှင့် လုံခြုံရေး တပ်ဖွဲ့များ အသွင် ကူးပြောင်းရေး လုပ်ငန်း - အပိုင်း (၅)

(စည်းလုံးခြင်းရဲ့အင်အား)

ဆောင်းပါးရှင် - ယန်းဖရိုးလစ်။

ဒါပေမဲ့ နိုင်ငံတော် အုပ်ချုပ်ရေး ယန္တရားကို ကြီးကြပ်စီမံဆောင်ရွက်နေကြတဲ့ အရာရှိတွေက သူတို့ဟာ လုံခြုံရေး တပ်ဖွဲ့တွေရဲ့ အစိတ်အပိုင်းတစ်ခု ဘယ်တုန်းကမှ မဖြစ်ခဲ့ဖူးသလို ဘယ်ဖိနှိပ်ရေး ယန္တရားရဲ့ အစိတ်အပိုင်းမှ မဖြစ်ခဲ့ဖူးဘူးလို့ အခိုင်အမာ ပြောခဲ့ကြပါတယ်။ သူတို့ရဲ့ ပြောစကားက အမှန် ဖြစ်ပါတယ်။ မကြာခဏဆိုသလို အဲသလို မဟုတ်ခဲ့ပါဘူး။ တကယ်တော့ ဖိနှိပ်မှု စနစ်ထဲမှာ နိုင်ငံတော် အုပ်ချုပ်ရေး ယန္တရားဟာ တစ်ခုလုံးအနေနဲ့ ပါဝင်နေတာ ဖြစ်ပါတယ်။ ဒါ့အပြင် ကွန်မြူနစ်တွေဟာ စနစ်တကျ ထူထောင်ထားခဲ့တာလည်း ဖြစ်၊ ကာလကြာရှည် တည်ရှိခဲ့ပြီးလည်း ဖြစ်တဲ့ အာဏာရှင်ဆန်ဆန်
အုပ်စိုးတဲ့စနစ် လွှမ်းမိုးတွင်ကျယ်ရာ ဗဟိုဥရောပ ဆိုတဲ့ အစဉ်အလာကို ကျွမ်းကျင်မှု ရှိရှိ ပါးနပ်လိမ္မာစွာ ချဲ့ထွင်လိုက်ကြတာ ဖြစ်ပါတယ်။ ပြုပြင်ပြောင်းလဲရေးအရ လုပ်ငန်းတွေနဲ့ ဝန်ထမ်းအစားထိုး ခန့်အပ်မှုတွေ လုပ်ဆောင် အကောင်အထည်ဖေါ်နိုင်ဖို့အတွက် နိုင်ငံတော် အုပ်ချုပ်ရေး ယန္တရားကို တစ်စုံတစ်ခုသော ကာလအထိ အချိန်ယူပြီး ခလုပ်ပိတ် မထားနိုင်ပါဘူး။ တကယ့်လက်တွေ့မှာ အခွန်အခတွေက ထွက်ပေါ်လာတဲ့ ရန်ပုံငွေတွေကို သေသေချာချာ စဉ်းစားဆင်ခြေပြီး ထိထိရောက်ရောက် သုံးစွဲမှုသာ ပါဝင်တဲ့ သင့်လျော်ကောင်းမွန်တဲ့ ပြည်သူ့ရေးရာ စီမံခန့်ခွဲရေး ဌာနတွေနဲ့ ဖွဲ့စည်းထားတဲ့ အစိုးရပုံစံသစ်တစ်ခုကို ဖန်တီးရာမှာ နိုင်ငံတော် အုပ်ချုပ်ရေး ယန္တရားကို အသုံးပြုဖို့ ရည်မှန်းထားကြသူတွေဟာ သူတို့ရဲ့ အဲဒီ ရည်ရွယ်ချက်ကို ပညာတတ်ပြီး အတွေ့အကြုံရှိတဲ့ ဗျူရိုကရက်တွေ မပါဘဲ အကောင်အထည် ဖေါ်နိုင်ကြမှာ မဟုတ်ပါဘူး။

အမွေခံ ရရှိခဲ့တဲ့ နိုင်ငံတော် အုပ်ချုပ်ရေး ယန္တရားကို အရည်အသွေးလည်း ပြည့်ဝ၊ စွမ်းရည်လည်း ထက်မြက်၊ အလိုက်သင့် အလျားသင့်လည်း ရှိ၊ အကျင့်ပျက်ပြားမှုလည်း မရှိတဲ့ အရပ်ဘက် ဝန်ထမ်း အဖွဲ့အစည်း တစ်ခုအဖြစ်သို့ အသွင် ကူးပြောင်းမှုဟာ အခက်အခဲဆုံး အလုပ်တွေအနက် တစ်ခု ဖြစ်တယ် ဆိုတာကို သိရှိခဲ့ကြရပါတယ်။ ဒီကနေ့အထိလည်း အဲဒီ လုပ်ငန်းကို ကျေနပ်လောက်အောင် အကောင်အထည်ဖေါ်နိုင်ခြင်း မရှိသေးပါဘူး။ နောက်ကို ပြန်ကြည့်လိုက်ရင် ၁၉၉၃ တုန်းက အရပ်ဘက် ဝန်ထမ်းဆိုင်ရာ ဥပဒေ မပြဌာန်း ဖြစ်ခဲ့တာဟာ အမှားတစ်ခု ဖြစ်သွားခဲ့ပါတယ်။ အဲဒီ ဥပဒေကြမ်းဟာ အစိုးရ အရာရှိတွေကို အကာအကွယ်ပေးဖို့ ရည်ရွယ်ရေးဆွဲခဲ့တာ ဖြစ်ပေမဲ့ အဲဒါကို တတ်ကျွမ်းနားလည်တဲ့ ပညာရှင်တွေက သေသေချာချာ စဉ်းစားဆင်ခြင်ပြီး ပြဌာန်းထားတဲ့ အရည်အသွေး ကိုယ်ကျင့်တရား ဆိုင်ရာနဲ့ စိတ်ပိုင်းဆိုင်ရာ ချွင်းချက်တွေအပေါ် အခြေခံပြီး ရေးဆွဲ ပြုစုခဲ့မယ်ဆိုရင် အဲဒီဥပဒေဟာ နိုင်ငံတော် ယန္တရား အမြဲတမ်း သန့်ရှင်းစင်ကြယ်နေရေးအတွက် လက်နက် ကိရိယာ တန်ဆာပလာတစ်ခု ဖြစ်လာနိုင်ခဲ့ဖွယ် ရှိပါတယ်။ ပထမ (၅) နှစ်က (၇) နှစ်အထိဟာ ကြမ်းတမ်း ခက်ထန်ကောင်း ခက်ထန်ခဲ့ဖွယ် ရှိပါတယ်။ အထူးသဖြင့် လူ့အရင်းအမြစ် ဌာနတွေအတွက် ဖြစ်ပါတယ်။ ဒါပေမဲ့ (၁၅) နှစ် ကြာပြီးခဲ့နောက်မှာ ကျွန်တော်တို့ဟာ တိုးတက်မှုတွေ အများကြီး ရရှိခဲ့မှာပေ့ါ။ ခေတ်သစ် အုပ်ချုပ်ရေး ယန္တရား တစ်ခု ထူထောင်မှုဟာ ဆယ်စုနှစ် များစွာ လုပ်ရမဲ့ လုပ်ငန်း တာဝန်တစ်ခုပါ။ ခေတ်သစ် အုပ်ချုပ်ရေး ယန္တရား တစ်ခု ထူထောင်မှုဟာ ဆယ်စုနှစ် များစွာ လုပ်ရမဲ့ လုပ်ငန်း တာဝန် တစ်ခုပါ။ ခေတ်သစ် အုပ်ချုပ်ရေး ယန္တရား အကြောင်း ပြောကြပြီ ဆိုရင် စံနမူနာကောင်းတစ်ခုအဖြစ် ထုတ်ပြလေ့ရှိကြတဲ့ ပြည်ထောင်စု သမ္မတ ဂျာမနီ နိုင်ငံမှာတောင် အဲဒီယန္တရားကို ၁၉၇၈ အစောပိုင်း နှစ်တွေ ရောက်တဲ့အထိ ထူထောင်နိုင်ခဲ့သေးတာ မဟုတ်ပါဘူး။ အဲဒီ ကာလတွေ ရောက်တော့လည်း ပြုပြင်ပြောင်းလဲရေး လုပ်ငန်းတွေကတစ်ဆင့် ဆိုတာထက် သဘာဝအရ (ဓမ္မတာ သဘောအရ) ပုံပေါ်လာခဲ့ရတာ ဖြစ်ပါတယ်။

အာဏာကို ဒေသန္တရ အုပ်ချုပ်ရေး အာဏာပိုင်များထံ ကမူးရှူးထိုး မဆင်မခြင် လွှဲပြောင်း ပေးတာမျိုးကို ရှောင်ရှားသင့်ပါတယ်။ အဲဒီလို လွှဲပေးခြင်းဟာ ထူးခြားတဲ့ နိုင်ငံရေးအရ လူကြိုက် များမှုကို ရရှိစေပြီး သိပ်ကိုလည်း မှန်ကန်ပါတယ်။ ဒါပေမဲ့ အဲဒါကို အလျင်စလို လုပ်ရင်တော့ အောက်အဆင့်တွေမှာ ပုံစံဟောင်း ဗျူရိုကရေစီ ယန္တရားအသစ်တွေ ထူထောင်ပေးလိုက်သလို ဖြစ်သွား နိုင်ပါတယ်။ အဲဒီလုပ်ငန်းကို တာဝန်ယူ လုပ်ဆောင်ခဲ့ကြသူတွေရဲ့ ပုဂ္ဂိုလ်ရေး သမိုင်းကြောင်းရဲ့ အကျိုးဆက်အဖြစ် အဲဒီယန္တရားတွေဟာ ထူးထူးခြားခြား လွန်လွန်ကဲကဲ လိုက်လျောညီထွေ ရှိလွန်းလှပြီး ဒေသဆိုင်ရာ သြဇာအရှိန်အဝါတွေရဲ့ အလွယ်တကူ ပုံသွင်းမှုကို ခံခဲ့ကြရပါတယ်။ အထူးသဖြင့် လက်သင့်ရာ စားတော်ခေါ် ဝါဒနဲ့ မိသားစုဝင်အချင်းချင်း တစ်ဦးကို တစ်ဦး ကူညီရိုင်းပင်းတဲ့ ဝါဒတို့လို အနုတ်လက္ခဏာဆောင်တဲ့ သြဇာအရှိန်အဝါတွေ ဖြစ်ပါတယ်။ အဲဒီ အခြေအနေက တရားဥပဒေ စိုးမိုးရေး ငြိမ်ဝပ်ပိပြားရေးနဲ့ သက်ဆိုင်တဲ့ ဒေသန္တရအဆင့်ဆိုင်ရာ ပြဿနာ အချို့ကို ထွက်ပေါ်လာစေခဲ့ပါတယ်။ သြဇာအရှိန်အဝါကြီးတဲ့ ပုဂ္ဂိုလ်တွေ ပါဝင်တဲ့ ကိုယ်ကျိုးရှာ အုပ်စုတွေဟာ သူတို့ရဲ့ သက်ဆိုင်ရာ ဒေသမှာ အာဏာကို လုယူသိမ်းပိုက်နိုင်စွမ်းနဲ့ အဲဒီ အာဏာကို လုံးလုံးလျားလျား ထိန်းချုပ်ထားနိုင်စွမ်း ရှိလာခဲ့ကြပါတယ်။ အဲဒီလိုမျိုး အခြေအနေတွေ မြင့်တက်လာတဲ့အခါ အဲဒီနိုင်ငံရေး၊ စီးပွားရေး နယ်ပယ်တွေမှာ မာဖီးယားဂိုဏ်း ခေါင်းဆောင်ကြီး တွေလို တန်ခိုးထွားလာသူတွေရဲ့ သြဇာအရှိန်အဝါကို ဟန့်တားဖို့နဲ့ နိုင်ငံတစ်ခုမှာ ခွင့်ပြုနိုင်လောက် တယ်လို့ ယူဆရတဲ့ နည်းလမ်းတွေကို အသုံးပြုပြီး သူတို့ကို ရုံးတင် တရားစွဲဆိုနိုင်ဖို့ ကိစ္စဟာ သိပ်ကို ခက်ခဲလာခဲ့ပါတယ်။

ဖွံ့ဖြိုးပြီး ဒီမိုကရေစီ နိုင်ငံအချို့ရဲ့ တရားဥပဒေစနစ်ကို ပုံတူကူးယူပြီး အဲဒါကို ကျွန်တော်တို့နိုင်ငံထဲကို သွတ်သွင်း အသုံးချတာက ပိုပြီး လျော်ကန် သင့်မြတ်လိမ့်မယ်ဆိုတဲ့ အယူအဆကို တချို့က ဆွဲကိုင် ထားကြဆဲ ရှိပါသေးတယ်။ ဒါပေမဲ့ အဲဒီနိုင်ငံက အခြေအနေဟာ တစ်မူ ထူးခြားမှု ရှိတဲ့အတွက် အဲဒီ နိုင်ငံရဲ့ နမူနာကို တခြားနိုင်ငံတွေမှာ သုံးလို့ မဖြစ်နိုင်ဘူး ဆိုတဲ့ အချက်ကို အဲဒီလူတွေ မေ့လျော့ နေကြဟန် ရှိပါတယ်။ ဒ့ါအပြင် အဲဒီ လုပ်ရပ်မျိုးဟာ ပါလီမန် ဒီမိုကရေစီ စနစ် ဖြစ်ထွန်း တည်ရှိမှုရဲ့ ဥပဒေအရ တရားဝင်မှုကို စိန်ခေါ်သလို ဖြစ်သွားနိုင်တယ်ဆိုတဲ့ အချက်ကို သူတို့ ထည့်သွင်း မတွက်ခဲ့ကြပါဘူး။ ဒီလိုသာ မဖြစ်ခဲ့ဘူးဆိုရင် ဥပဒေ ရေးဆွဲပြဌာန်းဖို့ အဓိက တာဝန်ရှိပြီး အဲဒီ တာဝန် ထမ်းဆောင်ဖို့ရာ အကြီးအကျယ် ယုံထင် ကြောင်ထင် ဖြစ်ခံနေရတဲ့ ဥပဒေပြု အဖွဲ့အစည်းတွေကို ဖွဲ့စည်းတည်ထောင်ဖို့ အထူးတလည် အားထုတ်မနေရတော့ပဲ ကျွမ်းကျင်တဲ့ ဘာသာပြန် အုပ်စုလေး တစ်စုလောက်ကို အလုပ်ပေးလောက်ရုံနဲ့ ဒီကိစ္စက ပြည့်စုံ ပြီးမြောက် သွားပါလိမ့်မယ်။