Thursday, May 23, 2013

လွှတ်တော်ကိုယ်စားလှယ် တဦး ခါးပိုက်နှိုက်ခံလိုက်ရ

(ဧရာဝတီ)

ပြည်သူ့ လွှတ်တော်ကိုယ်စားလှယ်တဦး ခါးပိုက်နှိုက်ခံလိုက်ရပေမယ့် အဲဒီခါးပိုက်နှိုက်ကို  ဖမ်းမိလိုက်ပါ တယ်။ 

ပြည်သူ့လွှတ်တော်ကိုယ်စားလှယ် ဒေါ်မိရင်ချွမ်းဟာ ဧပြီလ ၂ ရက်နေ့တုန်း က အောင်မင်္ဂလာ အဝေးပြေး ကားဂိတ်ကနေ လှည်းတန်းကို အမှတ် ၄၃ ကားလိုင်းက ဒိုင်နာကားစီးပြီး သမိုင်းလမ်းဆုံမှာ ဆင်းခဲ့ပါတယ် တဲ့။ 
အဲဒီမှာ သူ့ရဲ့ အိတ်က ဇစ်ပွင့်နေလို့ စစ်ကြည့်လိုက်ရာမှာတော့ ငွေ ၆ သိန်းကျပ်နဲ့ နိုင်ငံသားစိစစ်ရေး ကတ်ပြား ပျောက်နေလို့ ရဲစခန်းကို တိုင်ခဲ့တာဖြစ်တယ်လို့ ရဲတပ်ဖွဲ့ရဲ့ ရဲဇာနည်ဖေ့စ်ဘုတ်မှာ ဖော်ပြထား ပါတယ်။ 


ဒါကြောင့် ရန်ကုန်တိုင်း ရဲတပ်ဖွဲ့ က စုံစမ်းနေတဲ့အခါ အရင် ခါးပိုက်နှိုက်ပြစ်ချက်ရှိတဲ့ ဒဂုံမြို့သစ်က အမျိုးသား တဦးကို ဖမ်းမိလို့ စစ်ဆေးခဲ့ရာမှာ  အမှုပေါ်ပေါက်ခဲ့တာဖြစ်တယ်လို့ ရဲဇာနည်က ရေးသား ထားပါတယ်။ 
အဆိုပါ ခါးပိုက်နှိုက်ဆိုသူက ငွေ ကျပ် ၆ သိန်း နှိုက်ယူခဲ့တာမှန်ကန်ကြောင်း ၀န်ခံခဲ့ပြီး ပိုက်ဆံအိတ်၊ စိစစ်ရေး ကတ်တွေကိုတော့  သမိုင်းကုန်းတံတားပေါ်ကနေ လွှင့်ပစ်ခဲ့ပါတယ်တဲ့။ ခါးပိုက်နှိုက်လို့ရတဲ့ငွေ နဲ့ ၀ယ်ထားတဲ့ FOLLOW ME WAVE 125 မော်တော်ဆိုင်ကယ်ကိုလည်း ရဲတပ်ဖွဲ့က သိမ်းဆည်းလိုက်တယ် လို့ ရဲဇာနည်က ဖော်ပြထားပါတယ်။ 
ပြည်သူ့လွှတ်တော်အမတ်တဦးမို့ ရဲတပ်ဖွဲ့တွေက အခုလို အမှုမှန်ပေါ်ပေါက်အောင် လုပ်ဆောင်ပေးခဲ့တာ လား၊ အခြား သာမန်ပြည်သူတွေများအခုလို ခါးပိုက်နှိုက်ခံရ ရင် ဒီလို ကူညီပေးနိုင်မယ့် လုပ်ဆောင်မှု ဘယ်လောက် ရာခိုင်နှုန်းလောက် ဆောင်ရွက်ပေးနိုင်မလဲဆိုတာတော့ မေးခွန်းထုတ်ရမယ် ထင်ပါတယ်။ 

ခါးပိုက်နှိုက်ဆိုတာမျိုးကတော့ ပြည်သူ့လွှတ်တော်ကိုယ်စားလှယ်တွေ၊ ဘာတွေ ခွဲခြားပြီး ဘယ်သူ့ကိုတော့ မနှိုက်ဘူး၊ ဘယ်သူ့ကိုတော့နှိုက်မယ်ဆိုတာ ခွဲခြားမထားပါဘူး။ 
အခုလို ပြည်သူ့လွှတ်တော်ကိုယ်စားလှယ်ကြီး ခါးပိုက်နှိုက်ခံလိုက်ရပေတာမို့ မြန်မာနိုင်ငံမှာ တရားဥပဒေ စိုးမိုးရေး ဘယ်အဆင့်ရှိတယ်ဆိုတာ ကိုယ်တိုင်သိခွင့်ရသွားခဲ့ပါပြီ။ 
လွှတ်တော်ထဲမှာလည်း ဒီလို ရာဇ၀တ်ပြစ်မှုတွေကို ဘယ်လိုကိုင်တွယ်သွားရမယ်ဆိုတာ ကိုယ်တွေ့ နဲ့ နှိုင်းယှဉ်ပြီး တင်ပြဆွေးနွေး သွားမယ်ဆိုရင်တော့  ခါးပိုက်နှိုက်တွေအတွက်ရင်လေးစရာဖြစ်ပေ မယ့် ပြည်သူလူထုအတွက် လုံခြုံရေး ကို ပြည်သူ့လွှတ်တော်က ဘယ်လောက် ဆောင်ရွက်ပေးမယ် ဆိုတာတော့ စောင့်ကြည့်ရမှာပါပဲ။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။