Friday, May 3, 2013

ပြည်ထဲရေး ဝန်ကြီးဌာနနှင့် လုံခြုံရေး တပ်ဖွဲ့များ အသွင် ကူးပြောင်းရေး လုပ်ငန်း - အပိုင်း (၂)

(စည်းလုံးခြင်းရဲ့အင်အား)

ချက်သမ္မတနိုင်ငံ ပြည်ထဲရေးဝန်ကြီးဌာန အဆောက်အဦး

ဆောင်းပါးရှင် - ယန်းဖရိုးလစ်။

အယ်ဒီတာအဖွဲ့၏ တင်ပြချက် ။     ။ အဆိုပါစာအုပ်ထဲရှိ စစ်တပ်ပြုပြင်ပြောင်းလဲရေး၊ ပြည်ထဲရေး ၀န်ကြီးဌာနနှင့် လုံခြုံရေးတပ်ဖွဲ့များ အသွင် ကူးပြောင်းရေးလုပ်ငန်း၊ ထောက်လှမ်းရေးအဖွဲ့ ပြုပြင် ဖွဲ့စည်းခြင်း၊ စတဲ့ ခေါင်စဉ်များကို ရေးသားပြုစုတဲ့ ဆောင်းပါးရှင်များဟာ ချက်သမ္မတနိုင်ငံမှာ အရေးပါတဲ့ ပြည်ထဲရေးဌာနနဲ့ ထောက်လှမ်းရေးဌာနတွေမှာ တာဝန်ထမ်းဆောင်ခဲ့တဲ့ ခေါင်းဆောင်များဖြစ်ခဲ့သည့်အားလျော်စွာ သူတို့ရဲ့ အတွေ့အကြုံများ၊ အခက်အခဲများကို ကျော်ဖြတ်ရပြီး ၎င်းနိုင်ငံအတွက် အဖိုးမဖြတ်နိုင်အောင် တန်ဖိုးကြီးမား လှပါတယ်။ အလားတူ မြန်မာနိုင်ငံ ဒီမိုကရေစီအသွင် ကူးပြောင်းရေးအတွက်လည်း အထောက်အကူပြုလိမ့်မယ်လို့ ယုံကြည်မျှော်လင့်ပါတယ်။

 

ရဲအကယ်ဒမီကိစ္စ

တချိန်တည်းမှာ ကျွန်တော်တို့ဟာ ဝန်ကြီးဌာနအဆင့် လေ့ကျင့်သင်တန်းပေးရေးစနစ် တစ်ခု ပေါ်ထွက်လာရေး တိုက်ပွဲမှာ လူမသိ သူမသိနဲ့ လုံးလုံးလျားလျားကို ရှုံးနိမ့်ခဲ့ကြရပါတယ်။ ၁၉၉၀ ပြည့်နှစ် နွေရာသီ အစလောက်တုံးကဆိုရင် ကန်လန့်ကာ နောက်ကနေ ခြေပုန်းခုတ်တတ်တဲ့ အသိပညာ ဗဟုသုတမျိုးရှိတဲ့ လူတစ်ယောက်ရဲ့ ကျွမ်းကျင်လိမ္မာတဲ့ အားထုတ်မှုတွေနဲ့တင် ကျွန်တော်တို့ နောက်ကွယ်က တက္ကသိုလ် ပညာရေးနဲ့ ပတ်သက်တဲ့ ဥပဒေသစ် တစ်ခုရဲ့ စကားလုံး အသုံးအနှုန်းပေါ် သြဇာလွှမ်းမိုးဖို့ လုံလောက်ပါတယ်။ ဒီကိစ္စကို ကျွန်တော်သိပ်အကျယ်ချဲ့ပြီး မပြောလိုတော့ပါဘူး။ အကျိုးဆက်အဖြစ် ပြည်ထဲရေးဝန်ကြီးဌာနရဲ့ ခေါင်းဆောင်မှုစနစ်ဟာ ရဲအကယ်ဒမီရဲ့ သင်ရိုးညွှန်တမ်းနဲ့ လမ်းကြောင်းအပေါ် ထိန်းချုပ်မှု အားလုံးကို လက်လွတ်ဆုံးရှုံး ခဲ့ရပါတယ်။ ပြည်ထဲရေး ဝန်ကြီးဌာနမှာ တာဝန်တစ်ခုတည်းပဲ ကျန်ပါတော့တယ်။ အဲဒါကတော့ မိမိရဲ့ လုပ်ငန်းတွေ ဘယ်လိုနည်းနဲ့ လည်ပတ်နေနေ အဲဒီလုပ်ငန်းတွေအပေါ် ဘယ်လို သြဇာမှ မပေးနိုင်ပဲ ငွေကြေးထောက်ပံ့ပေးနေရတဲ့ တာဝန်ပဲ ဖြစ်ပါတယ်။ အဲဒီအခြေအနေကို (တင်းကြပ်တဲ့ စည်းကမ်းများနဲ့ နှစ်များစွာ ဖြတ်သန်းခဲ့ပြီးနောက်) ကြိုဆိုအပ်တဲ့ ဖြစ်ပေါ် တိုးတက်မှု တစ်ခု ဖြစ်တဲ့ တက္ကသိုလ်တွေရဲ့ ကိုယ်ပိုင်အုပ်ချုပ်ခွင့်ဆိုင်ရာ ကဏ္ဍနဲ့ ပတ်သက်တဲ့ စကားလုံးသုံးနှုန်းမှုကို ကျွမ်းကျင်လိမ္မာစွာ ဖုံးဝှက်ထားတဲ့ ညှိနှိုင်းဆောင်ရွက်မှုတစ်ခုနဲ့ အောင်မြင်ကျော်လွှား နိုင်ခဲ့ပါတယ်။ ပထမခြေလှမ်းက ဝန်ကြီးဌာနအဆင့်ဆိုင်ရာ ပညာရေးဟာ လိုအပ်မှု ရှိ မရှိ ဆိုတာကို ထည့်သွင်း စဉ်းစားမှု ဖြစ်ခဲ့သင့်ပါတယ်။ အဲဒီလို စဉ်းစားဖြစ်ခဲ့မယ်ဆိုရင် ဥပဒေ ရေးဆွဲနေတဲ့ ကာလအတွင်းမှာ စွမ်းရည်ထက်မြက် ထိရောက်တဲ့ ထိန်းချုပ်ရေး စနစ်တစ်ခု ဆက်ရှိနေခဲ့တယ်ဆိုတာ သေချာစေဖို့ ကျွန်တော်တို့ သတိမပြတ် ရှိခဲ့မှာ ဖြစ်ပါတယ်။

ရဲလုပ်ငန်းအပေါ် နိုင်ငံရေး အရောင်ဆိုးတဲ့ကိစ္စကို ကျွန်တော်တို့ မဟန့်တားနိုင်ခဲ့ကြပါဘူး။ ၁၉၉၀ ခုနှစ် ဇန်နဝါရီလ (၅) ရက်နေ့မှာ အာဏာတည်ခဲ့တဲ့ သေသေချာချာ တွေးတောဆင်ခြင်ခဲ့မှုလည်း မရှိ၊ ကျယ်လည်း ကျယ်ပြန့်တဲ့ အထွေထွေ လွတ်ငြိမ်းချမ်းသာခွင့်အမိန့်ရဲ့ အကျိုးဆက်တစ်ခုအဖြစ် လမ်းပေါ် ရာဇဝတ်မှုတွေ (အသေးရော အကြီးပါ) အပြင် လုယက်မှုတွေ ဖောက်ထွင်းမှုတွေဟာ သိသိသာသာကို မြင့်တက်လာခဲ့ပါတယ်။ ပြည်သူတွေဟာ အဲဒီလိုမျိုး အမှောင်ဘက်အခြမ်းက ဖြစ်ရပ်တွေနဲ့ ပတ်သက်လာရင် သိပ်ကို ဂရုပြုမိလွယ်ကြပြီး သည်းခံစိတ်လည်း မရှိကြပါဘူး။ အဲဒီ ဖြစ်ပေါ် တိုးတက်မှုတွေက ကွန်မြူနစ်တွေအတွက် သူတို့ရဲ့ အုပ်ချုပ်မှု စနစ်သည်သာ မှန်ကန်တယ် ဆိုတာကို စောဒက တက်စရာ တန်ဖိုးကြီးမားတဲ့ အကြောင်းပြချက်တွေ ရရှိစေခဲ့ပါတယ်။ ဒါပေမဲ့ အနည်းဆုံးတော့ ကျွန်တော်တို့ခေတ်မှာ လမ်းတွေက အခုထက်တော့ အများကြီး ပိုပြီး လုံခြုံတယ်ဗျာ ဆိုတဲ့ ခပ်ရိရိ စကားမျိုးနဲ့ အဲဒီ အခြေအနေကို သေးနုပ်အောင် လုပ်ခဲ့ကြပါတယ်။ ဒါ့အပြင် ဖြုတ်ထုတ်ရှင်း ခံရမဲ့ အန္တရာယ်နဲ့ ရင်ဆိုင်နေရတဲ့ ရဲအရာရှိတွေအဖို့ သူတို့ဆီ အစီရင်ခံစာ တင်ပြနေတဲ့ ရာဇဝတ်မှု ကိန်းဂဏာန်းတွေက လွတ်လပ်တဲ့ သတင်းလောက (အထူးသဖြင့် အပေါစား သတင်းစာတွေ) ရှိနေတဲ့ လူ့အဖွဲ့အစည်းမှာ သူတို့အတွက် အနေအစားချောင်ဖို့ အကောင်းဆုံး နိုင်ငံရေး အရင်းအနှီးတွေပဲ ဖြစ်တယ်ဆိုတာ တမဟုတ်ချင်း ရိပ်မိလာပါတော့တယ်။

ပထမဆုံး ကျင်းပတဲ့ ကွန်မြူနစ် ခေတ်လွန် ရွေးကောက်ပွဲတွေ မတိုင်မီ ရေရာသေချာမှုလည်း မရှိ၊ အပြောင်းအလဲလည်း အင်မတန်မြန်တဲ့ ဝန်းကျင် အနေအထားထဲမှာ ရွေးကောက်ပွဲ အနိုင်ရမယ်လို့ အပိုင် တွက်ဆထားနိုင်မှုအပေါ် စိုးရိမ်ပူပန်နေတဲ့ အတိုက်အခံ ခေါင်းဆောင်တွေဟာ လုံခြုံရေး တပ်ဖွဲ့ဝင်တွေထဲက ပြုပြင်ပြောင်းလဲရေးသမား အုပ်စုတစ်ခုကို ရိုးစင်းပြီး ဆန့်ကျင်ဘက် ဖြစ်နေတဲ့ လိုအပ်ချက်နဲ့အတူ ကိုင်တွယ် ဖြေရှင်းခဲ့ကြရပါတယ်။ အဲဒါကတော့ တစ်ဖက်က ရဲတပ်ဖွဲ့တင်း သူ့ရဲ့ လုပ်ငန်း လုပ်ဆောင်နိုင်စွမ်းကို ဘယ်လိုနည်းနဲ့မှ ထိခိုက်စေခြင်း မရှိဘဲ တစ်ဘက်မှာ နက်ရှိုင်းတဲ့ ဖြုတ်ထုတ်ရှင်း မှုတစ်ခုကို ပြုလုပ်ရေးပဲ ဖြစ်ပါတယ်။ အဲဒီ လုပ်ငန်း တာဝန် နှစ်ရပ်ဟာ တစ်ပြိုင်တည်း လုပ်လို့ မရတဲ့ လုပ်ငန်း နှစ်ရပ်ပါ။

ချက်သမ္မတနိုင်ငံ အထူး ရဲတပ်ဖွဲ့ဝင်များ

ဒါကြောင့် အကျိုးဆက်အဖြစ် ဖြုတ်ထုတ်ရှင်းဖို့နဲ့ ရဲအဖွဲ့ရဲ့ ရာဇဝတ်မှုဆိုင်ရာနဲ့ တရားဥပဒေ စိုးမိုးရေး ယူနစ်အဖွဲ့တွေကို အသွင်ပြောင်းဖို့ ကြိုးစားမှုတွေဟာ (တရားဝင် မဟုတ်ပေမဲ့) လက်တွေ့မှာ ရင်ဆိုင် ထားခြင်း ခံရပြီး အကျင့်ပျက်ခြစားပြီး အားမကိုးရတဲ့ အရာရှိကြီးတွေကို ရဲအရာရှိသစ်တွေနဲ့ တဖြည်းဖြည်းချင်းပဲ အစားထိုး ခန့်ထားဖို့ ကြံရွယ်ခဲ့ပါတယ်။ ဒါပေမဲ့ ရဲအကယ်ဒမီသိပံ္ပ ကိစ္စမှာ ကျွန်တော်တို့ ဝင်ရောက်ကြီးကြပ် တာဝန်ယူ ဆောင်ရွက်မှုကြောင့် ဒီကြံရွယ်ချက်ဟာ အကြီးအကျယ် ဟန့်တားခံခဲ့ရပါတယ်။ အဲဒီ နက်နက်ရှိုင်းရှိုင်း အရေးပါတဲ့ စစ်ပွဲဟာ စခဲ့ပြီ ဆိုတာကို မသိလိုက်ခင်မှာပဲ ကျွန်တော်တို့ ရှုံးနိမ့်နေခဲ့ပါပြီ။ ရဲအကယ်ဒမီ ဆိုတာဟာ လုပ်ငန်း ကျွမ်းကျင်မှု အလေ့အကျင့်တွေ၊ ဝန်ဆောင်မှုဆီသို့ ဦးတည်တဲ့ သဘောထားတွေနဲ့ အနာဂတ်ရဲအရာရှိတွေရဲ့ ဖြောင့်မတ်တည်ကြည်မှု တွေကို ရရှိတဲ့ နေရာတစ်ခု ဖြစ်ပါတယ်။

ဒါဟာ ကျယ်ပြန်တဲ့ လွတ်ငြိမ်းချမ်းသာခွင့် မထုတ်ပြန်ရေးနဲ့ ပိုပြီး သက်ဆိုင်တယ်လို့ သေချာပေါက် ပြောနိုင်ပါလိမ့်မယ်။ လူ့အဖွဲ့အစည်းထဲမှာ ဘယ်အစိုးရ လက်ထက်ပဲ ဖြစ်ဖြစ် သံတိုင်တွေ နောက်မှာသာ ထားသင့်တဲ့ လူတွေ ရှိနေတယ် ဆိုတဲ့ အချက်ကို ကျွန်တော်တို့ သဘောပေါက် ခဲ့မယ် ဆိုရင် ရာဇဝတ်မှုတွေ ခေါင်းဆောင်ပိုင်းတွေရဲ့ နေ့စဉ် လှုပ်ရှားမှုတွေနဲ့ နိုင်ငံရေးအရ ဦးစားပေးမှု အခင်းအကျင်းတွေအပေါ် ခိုင်မာအားကောင်းသေးတဲ့ သြဇာအရှိန်အဝါနဲ့ သွယ်ဝိုက်လွှမ်းမိုးနိုင်စရာ အကြောင်း ရှိခဲ့မှာ မဟုတ်ပါဘူး။ ရာဇဝတ်မှု ထိန်းချုပ်ရေးနဲ့ တရားဥပဒေ စိုးမိုးရေး လုပ်ငန်းခွင်ထဲက ရဲတွေကို ဖြုတ်ထုတ်ဖယ်ရှားတဲ့ လုပ်ငန်းကိုလည်း ပိုပြီး စေ့စေ့စပ်စပ် လုပ်သွားနိုင်မှာ ဖြစ်ပြီး ဒီလို လုပ်ရာမှာလည်း သိပ်ပြီး သောကဗျာပါဒ ဖြစ်စရာ မလိုတော့ပါဘူး။

ဆန္ဒပြသူတစ်ဦးအား ချက်သမ္မတနိုင်ငံ ရဲတပ်ဖွဲ့ဝင်များ ထိန်းသိမ်းနေပုံ

ကျွန်တော်တို့ အမှန်တကယ် ရင်ဆိုင်ကြုံတွေ့ခဲ့ကြရတဲ့ ပြဿနာအချို့ဟာ ဖြေရှင်းဖို့ မဖြစ်နိုင်ခဲ့ပါဘူး။ နိုင်ငံကူး လက်မှတ် ထုတ်ပေးတဲ့ ဌာနတွေကို ပြုပြင်ပြောင်းလဲဖို့ ရောက်လာခဲ့ကြတဲ့ လူသစ် လက်တစ်ဆုပ်စာရဲ့ စိတ်ပျက်လက်ပျက် ဖြစ်သွားမှုကို ကျွန်တော် အခုထိ အမှတ်ရ နေမိပါတယ်။ သံကန့်လန့်ကာကြီး ပြိုကျသွားခဲ့ပြီးတဲ့နောက် လွတ်လပ်တဲ့ ကမ္ဘာသို့ ခရီးသွားခြင်းဟာ နေ့ချင်းညချင်း မှာပဲ တစ်ဟုန်ထိုး ကြီးထွားတိုးတက်လာခဲ့ပါတယ်။ ဒါပေမဲ့ နိုင်ငံကူး လက်မှတ် ထုတ်ပေးရေး ဌာနတွေမှာ ကွန်မြူနစ် စနစ်ရဲ့ လုပ်ထုံးလုပ်နည်းတွေနဲ့ အသားကျနေကြတဲ့ ဝန်ထမ်းတွေက သောင်းကျန်း နေကြပါတယ်။ သူတို့ကို ဖယ်ရှားပစ်လိုတဲ့ အာဏာပိုင် အစိတ်အပိုင်းတွေ ရှိခဲ့ပေမဲ့ နိုင်ငံရေးအရ တုံ့ပြန်သက်ရောက်မှုက အလွန်ကြီးမားမယ် ဆိုတာကို တွက်မိကြတာကြောင့် သူတို့လည်း အဲဒီလို မလုပ်ဝံ့ကြပါဘူး။ ဒီကနေ့အထိ အဲဒီ ထူးခြားတဲ့ ပြဿနာကို ဖြေရှင်းရေးနဲ့ ပတ်သက်ပြီး နည်းလမ်းတစ်ခုကို ကျွန်တော်တို့ မတွေ့သေးပါဘူး။ အဲဒီ တာဝန်တွေကို ဒေသန္တရ အစိုးရတွေရဲ့ အရပ်ဘက် အဖွဲ့အစည်းတွေထံ လွှဲပြောင်းမှုဟာ ပြဿနာ အရှုပ်အထွေးတွေကို ပေါ်ထွက်လာစေနိုင်ဖွယ် ရှိခဲ့ပြီး လူသားအရင်းအမြစ် ရှုထောင့်က ပြောရင် အခြေအနေဟာ အများကြီး တိုးတက်ဖို့လည်း မရှိခဲ့ပါဘူး။ အနည်းဆုံးတော့ ရဲအရာရှိတွေဟာ အမိန့် နာခံမှု အလေ့အကျင့်ကို အရိုးစွဲနေကြပြီး သူတို့ စိတ်ထဲမှာ ဘယ်လိုပဲ ရှိနေ ရှိနေ အထက်အရာရှိတွေ အပေါ် နက်နက်ရှိုင်းရှိုင်း လေးစားတဲ့ အလေ့အထတစ်ခု ရှိနေခဲ့ကြပါတယ်။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။