Thursday, June 27, 2013

မြန်မာစစ်တပ်အရာရှိများနှင့် အင်ဒိုစစ်တပ် အရာရှိကြီးတို့ မြန်မာ့အရေး ဆွေးနွေးခန်း - အပိုင်း (၁၂)

(စည်းလုံးခြင်းရဲ့အင်အား)

နိုင်ငံတစ်ခုရဲ့ ပြုပြင်ပြောင်းလဲရေး ဆိုရာမှာ နိုင်ငံရေး လုပ်ငန်းစဉ်အရ ပြုပြင်ပြောင်းလဲခြင်းနှင့် စစ်တပ် ပြုပြင်ပြောင်းလဲရေးဆိုပြီး အခန်းကဏ္ဍ နှစ်ရပ်ရှိနေရာ တစ်ခုနှင့်တစ်ခု ဆက်စပ်နေပြီး စာဖတ် ပရိတ်သတ်များ အနေနဲ့ လေ့လာသုံးသပ်နိုင်ရန် နိဂုံးချုပ် အနေနဲ့ တင်ပြလိုက်ရပါတယ်။

ကာကွယ်ရေး ဝန်ကြီးက ဦးဆောင်နိုင်ဖို့၊ ကာကွယ်ရေး ဘတ်ဂျက်ကို သတ်မှတ်ပေးနိုင်ဖို့နဲ့ စစ်တပ်ကို ကိုင်တွယ်နိုင်ဖို့ဟာ လွှတ်တော် ကိုယ်စားလှယ်တွေနဲ့ အရပ်ဘက် ပညာရှင်တွေကပါ ကြိုးစား လေ့လာရမယ်။ နို့မို့ဆိုရင် မိမိကိုယ်ကို ယုံကြည်မှု မရှိဘဲ ပြဿနာတက်ကာ နှုတ်ထွက်ရတာမျိုး ရှိပါတယ်။ ရွေးကောက်ပွဲ ရှေ့ပိုင်းကာလတွေမှာတော့ လွှတ်တော်က ကာကွယ်ရေး ဘတ်ဂျက်ကို Review လုပ်တာမျိုးနှင့် Report လုပ်တာမျိုးလောက်ဘဲ ရမယ်။ နောက်တစ်ခုက တပ်ရဲ့ အသုံးစရိတ်ကို စာရင်းစစ်တာမျိုးဟာ တပ်တွေမှာ UA လို့ ခေါ်တဲ့ လက်ရှိ Audit အပြင် အရပ်ဖက် ကာကွယ်ရေး ဝန်ကြီးဌာနက ဝင်ရောက် စစ်ဆေးတာမျိုး၊ လွှတ်တော်က ကော်မတီဖွဲ့ပြီး စစ်ဆေးတာမျိုး လုပ်သင့်ပါတယ်။ ဒါမှ ပြည်သူလူထုရဲ့ ယုံကြည်မှုကို ရသွားမှာ ဖြစ်ပါတယ်။



ဒ့ါအပြင် နိုင်ငံတော် လုံခြုံရေး (ဝါ) ကာကွယ်ရေး မဟာဗျူဟာ မူဝါဒ ချမှတ်ရာမှာ ဒီမိုကရေစီ အနာဂါတ်တွင် ဦးတည်ရန်သူအား သတ်မှတ်လေ့ရှိရာ အရပ်ဘက် ပညာရှင်များက ဝင်ရောက် အကြံဥာဏ်ပေး သုံးသပ် ဆွေးနွေးနိုင်ဖို့ လမ်းဖွင့်ပေးသင့်ပါတယ်။ အရပ်ဘက် လူ့အဖွဲ့အစည်းတွေရဲ့ စာတမ်း၊ သုတေသနပြုချက်များက တခါတရံ စစ်တပ်အတွက် အထောက်အကူ ပြုစေပါတယ်။ ဖြစ်နိုင်ရင် ကာကွယ်ရေးဆိုင်ရာ မူဝါဒ၊ ဖွဲ့စည်းပုံ၊ ဘတ်ဂျက်၊ ဝယ်ယူမှုတွေမှာ အဲဒီ အဖွဲ့အစည်းတွေက သူတို့ရဲ့ အတွေ့အကြုံအရ ဝေဖန် ထောက်ပြခွင့် ပေးရင် ပြုပြင်လိုက်ပါက ပိုမို ကောင်းမွန်သွားတာ ရှိပါတယ်။ ဒါတွေကလည်း အချိန်တော်တော်ယူရမယ်လို့ အသီးသီး အပြန်အလှန် ဆွေးနွေး ခဲ့ကြပါတယ်။  နောက်တစ်ခုက စစ်တပ်ဟာ ပြည်တွင်း ကိစ္စတွေထက် ပြည်ပ ကျူးကျော်မှု၊ နိုင်ငံခြားမှ ခြိမ်းခြောက်မှု အန္တရာယ်များမှ ကာကွယ်နိုင်ဖို့ လမ်းကြောင်းပေးသင့်ပါတယ်။ ဒီနေရာမှာ မြန်မာနိုင်ငံဟာ တချို့ လက်နက်ကိုင် တိုင်းရင်းသား အဖွဲ့အစည်းတွေဟာ မူးယစ်ဆေးဝါးနှင့် ပတ်သက်တာတွေ ရှိသလို၊ တချို့လက်နက်ကိုင် တိုင်းရင်းသားများနှင့် တိုက်ပွဲ ဖြစ်နေတာတွေရှိလို့ တစုံတရာ အတိုင်းအတာထိ ပြည်တွင်းကိစ္စတွင် စစ်တပ် အနေနဲ့ ပါဝင်ဦးမှာဖြစ်ပြီး နိုင်ငံရေးအရ တွေ့ဆုံဆွေးနွေးရေး နည်းလမ်းဖြင့် ငြိမ်းချမ်းရေးရအောင် တဖက်တလမ်းမှ ကူညီပေးသင့်ပါတယ်။ ရဲအဖွဲ့ကတော့ မူးယစ်ဆေးဝါး ကိစ္စမှာ တော်တော်နှင့် ဝင်ကိုင်လို့ မရဘဲ စစ်တပ်က ဦးဆောင်ရဦးမှာ ဖြစ်ပါတယ်။


ဒါပေမဲ့ စစ်ထောက်လှမ်းရေးရဲ့ အခန်းကဏ္ဍဟာ ပြည်တွင်း မှုခင်းကိစ္စ၊ အဂတိလိုက်စားမှု ကိစ္စ၊ စီးပွားရေးနှင့် နိုင်ငံတွင်း အရေးအခင်း ဆန္ဒပြမှုများအပေါ် ကိုင်တွယ်မှု ရုတ်သိမ်းသင့်ပြီး စစ်မြေပြင် ထောက်လှမ်းရေးနှင့် နိုင်ငံတကာ ထောက်လှမ်းရေးကိုသာ တာဝန်ပေးသင့်ပါတယ်။ စစ်ထောက်လှမ်းရေး (MI) ဟာ မြန်မာသမိုင်း အဆက်ဆက် အာဏာဇောင်းထက်ကြတာမို့ နိုင်ငံနှင့် တပ်မတော်ကို ဒုက္ခပေးသွားတဲ့ ဖြစ်စဉ်ရှိသလို သူတို့ မရှိပါကလည်း နိုင်ငံရဲ့ နား/မျက်စိ စုံကန်းကာ တိုင်းပြည်အန္တရာယ် ကျရောက်တဲ့ ဖြစ်စဉ်တွေ ရှိခဲ့တယ်။ ဒါကြောင့် NIB လို ပူးပေါင်းအဖွဲ့မျိုး ထားရှိသင့်ပြီး လွှတ်တော်ကဖြစ်ဖြစ် ဒါမှမဟုတ် သမ္မတက ကိုင်တွယ်မည် စသည်ဖြင့် တစ်ခုခု ထိန်းကျောင်း ပေးသင့်ပါတယ်။ ရဲတွေကလည်း MI ရဲ့ အတွေ့အကြုံ ထောက်လှမ်းရေး ပညာရပ်ကို သင်ကြား ရယူသင့်ပါတယ်။ ကောင်းတာက လူဟောင်းလူသစ် အချိုးကျ တွဲပေးသင့်ကာ နောက်ဆုံးလူသစ်က အစားထိုးပြီး လူသစ် လုံးလုံးလျားလျား ဖြစ်သည်အထိ အချိန်အတိုင်းအတာ တစ်ခုတော့ ပေးသင့်ကြောင်း ပြောဆိုဆွေးနွေး ခဲ့ကြပါတယ်။ MI လုပ်ရပ်ကို တန်ပြန် ထောက်လှမ်းရေး အဖွဲ့လိုမျိုးက ပြန်လည် ထိန်းကျောင်း/ စစ်ဆေးပေးရင်လည်း ဖြစ်နိုင်ပါတယ်။

ဤဆွေးနွေးခန်း တင်ပြနေရတဲ့ ရည်ရွယ်ချက်ဟာ စည်းလုံးခြင်းရဲ့အင်အား အဖွဲ့အနေဖြင့် တပ်မတော်အား အချိန်အတိုင်းအတာ တစ်ခုမှာ နိုင်ငံရေးနှင့် လုံးလုံး မပတ်သက်စေချင်ဘဲ သီးသန့် အေးအေးဆေးဆေး ဂုဏ်ကျက်သရေရှိရှိ (Professional Army) အဖြစ် ရပ်တည်သွားစေလိုတဲ့ ဆန္ဒ ဖြစ်ပါတယ်။ မြန်မာတပ်မတော်ဟာ ရှင်ကြီးဝမ်းလည်း ဝင်ပြီးပြီ ရှင်ငယ်ဝမ်းလည်း ဝင်ပြီးပြီ၊ အုပ်စိုးသူ စစ်အာဏာရှင်တွေကြောင့် အောက်ခြေ တပ်မတော်သားတွေဟာ အလုပ် လုပ်ရသလောက် နာမည်မရဘဲ ပြစ်တင် ဝေဖန်ခံနေရလို့ ယူကြုံးမရ ဖြစ်မိပါတယ်။ မြန်မာတပ်မတော်ဟာ နိုင်ငံစီးပွားရေး ချွတ်ချွံကျအောင် လုပ်တဲ့ အဖွဲ့အစည်း၊ ပြည်သူလူထုဘက် မရပ်တည်တဲ့ တပ်မတော်အဖြစ် ရင်နာစွာနဲ့ ကြုံတွေ့နေရတာမို့ ပြည်သူ့တပ်မတော် စစ်စစ်ဖြစ်လိုပါတယ်။

အင်ဒို ဗိုလ်ချုပ်ကြီးနှင့် မြန်မာစစ်တပ် အရာရှိများတို့ အပြန်အလှန် ခြုံငုံ သုံးသပ် ဆွေးနွေးကြရာမှာ ယခု တင်ပြခဲ့တဲ့ နိုင်ငံရေးနှင့် တပ်ပိုင်းဆိုင်ရာ ပြုပြင်ပြောင်းလဲရေးများ ပြုလုပ်နိုင်ရန် စဉ်းစားတွေးခေါ် မျှော်မြင်မှုများ၊ သုံးသပ်ဆွေးနွေးကြတဲ့ နည်းဗျူဟာ၊ မဟာဗျူဟာများဟာ ချက်ချင်း လက်ငင်း အကောင်အထည်ဖေါ်လို့ ရချင်မှရမယ်၊ အခြေအနေ အမျိုးမျိုး ရှိကြတယ်၊ အင်ဒိုနှင့် ဆက်စပ် နှိုင်းယှဉ်ကြရာမှာ အထူးသဖြင့် မြန်မာနိုင်ငံနှင့် လူမျိုး၊ သဘာဝ၊ ဓလေ့စရိုက်၊ ယဉ်ကျေးမှု၊ ဘာသာ၊ ဖွဲ့စည်း ဖြစ်ပေါ်လာမှု ကွဲလွဲချက်နှင့် မတူညီမှု အခြေခံတွေ ရှိကောင်းရှိမယ်။ သို့သော် ဒီမိုကရေစီစနစ် ပြောင်းဖို့ နိုင်ငံရေး မဟာဗျူဟာ အစီအစဉ် (Strategic Plan) ကို ချလာတဲ့ အခုလို အချိန်မှာ ဆွေးနွေးသွားခဲ့တဲ့ အချက်အလက်တွေဟာ အခြေခံ အုတ်မြစ်ကောင်းတွေ ဖြစ်ပြီး အနီးစပ်ဆုံး ဆက်စပ် တွေးတော ကြံဆနိုင်ဖို့ အခြေခံကောင်းများ ဖြစ်သလို အထောက်အကူရဖို့ ယုံကြည် မျှော်လင့်ပါကြောင်း တင်ပြရင်း နိဂုံးချုပ်လိုက်ပါတယ်။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။