Friday, June 14, 2013

မြန်မာ့စစ်တပ် အရာရှိများနှင့် အင်ဒိုစစ်တပ် အရာရှိကြီးတို့ မြန်မာ့အရေး ဆွေးနွေးခန်း - အပိုင်း (၉)

(စည်းလုံးခြင်းရဲ့အင်အား)

တပ်မတော် ပြုပြင်ပြောင်းလဲရေးဆိုတဲ့ ခေါင်းစဉ်နဲ့ စပ်လျဉ်းပြီး ပြည်တွင်းပြည်ပရှိ တပ်မတော် အရာရှိတချို့နဲ့ စည်းလုံးခြင်းရဲ့ အင်အား အဖွဲ့တို့ အပြန်အလှန် ဆွေးနွေးခဲ့ပုံတွေကို ဆက်လက် တင်ပြသွားပါမယ်။

အင်တာနက်၊ ရေဒီယို Propaganda မျိုးနဲ့ ဖြန့်ချီထိုးဖောက် စည်းရုံးနိုင်သလို မြေပြင်လက်ကမ်း စာစောင်နဲ့ သွားလို့ရရင် သွားရမှာ ဖြစ်ကြောင်း၊ နောက်တစ်ခု Issue က ဗိုလ်ချုပ်အောင်ဆန်းရဲ့ သမိုင်းကြောင်းကို တပ်အတွင်း ဖျောက်ဖျက်ထားမှုအား ပြန်တင်ပြရမှာဖြစ်ကြောင်း၊ တပ်မတော်သားများ အနေနဲ့ ဗိုလ်ချုပ်အောင်ဆန်းရဲ့ ဓလေ့စရိုက်တွေ၊ မိန့်ခွန်းတွေ၊ ဓါတ်ပုံတွေကို

ပိုမိုသိရှိစေဖို့ ဖြန့်ချီပေးရမှာဖြစ်ကြောင်း၊ နောက် Issue တစ်ခုက ဦးပိုင်စီးပွားရေးဟာ တပ်မတော်ရဲ့ အထက်ပိုင်း ဗိုလ်ချုပ်တွေသာ ကောင်းစားကာ အောက်ခြေ တပ်မတော်သားများအတွက် ဆင်းရဲချမ်းသာ ကွာဟပြီး ရသင့်သလောက် ခံစားခွင့် မရရှိပုံတွေ၊ ဥပမာ ဦးပိုင်မှာ တပ်ရင်းမှူးတွေဟာ သူတို့ရာထူးတက်ဖို့အတွက် အစုရှယ်ယာတွေကို တပ်ပိုင် စီးပွားရေးဝင်ငွေများထဲမှ နှစ်စဉ် ခွဲဝေ ထည့်သွင်းပေးရတဲ့အတွက် တပ်အတွင်း သက်သာချောင်ချိရေးကို ထိထိရောက်ရောက် မလုပ်နိုင်တာတွေကို ဇယားကားချပ် ကိန်းဂဏန်းများနဲ့ ရှင်းလင်း စည်းရုံးသွားရန် လိုကြောင်း စသဖြင့် အပြန်အလှန် ဆွေးနွေးသွားခဲ့ကြပါတယ်။

နောက် Issue တစ်ခုကတော့ တိုင်းရင်းသား Issue ဖြစ်ပြီး ကြီးမားကျယ်ပြန့် ခက်ခဲသိမ်မွေ့ကြောင်း၊ စစ်အာဏာရှင်တွေက တပ်ကို ရိုက်သွင်းထားရာမှာ တိုင်းရင်းသားတွေဟာ ခွဲထွက်ရေးသမားတွေ ဖြစ်ကြောင်း၊ ပြည်ထောင်စု ပြိုကွဲအောင် လုပ်နေသူများ ဖြစ်ကြောင်း၊ ညှိနှိုင်းလို့ မလွယ်ကူဘူးလို့ ဆိုနေကြောင်း၊ တိုင်းရင်းသားတွေ ခွဲထွက်ဖို့ အကြောင်းရှိလာနိုင်လို့ စစ်တပ်ကို အမျိုးသား နိုင်ငံရေး ဦးဆောင်မှု အခန်းကဏ္ဍမှာ အမြဲတမ်း ပါခိုင်းနေရတာပါလို့ ပြောဆိုနေကြောင်း၊ တကယ်တမ်း တိုင်းရင်းသားအဖွဲ့ ခေါင်းဆောင်တွေရဲ့ သဘောထား မိန့်ခွန်းတွေရှိသလို သူတို့ရဲ့ အမှန်တကယ် လိုလားတဲ့ ရပိုင်ခွင့်၊ ကိုယ်ပိုင်ပြဌာန်းခွင့်၊ ပြည်ထောင်စုမှ ခွဲမထွက်ပါဆိုတဲ့ ကတိကဝတ်များဟာ ဘယ်လောက် ခိုင်မာသလဲဆိုတာ သေသေချာချာ သုတေသနပြု လေ့လာ ဆက်စပ်ကာ ဖေါ်ပြပေးရန် လိုကြောင်း၊ ကုန်ကြမ်းမှ ကုန်ချောထွက်အောင် လုပ်ရန်လိုကြောင်း၊ နိုင်ငံရေးဆိုတဲ့ ဆေးခါးကြီးကို အဝင်ကောင်းအောင် သကြားအုပ် သွတ်သွင်း စည်းရုံးတယ် ဆိုလိုကြောင်း စသဖြင့် အပြန်အလှန် ဆွေးနွေးသွားကြပါတယ်။


နောက် Issue တစ်ခုကတော့ ရဲဘက်နဲ့ စစ်တပ်ဘက်ပိုင်းဆိုင်ရာကို တိတိကျကျ ခွဲခြား ဖွဲ့စည်းလိုက်ဖို့ စည်းရုံးရန် လိုကြောင်း၊ ရဲဘက်ကို တပ်ကလူတွေ ပို့ပို့နေတာဟာ ယနေ့ အစိုးရခေတ်ထိ ဖြစ်နေသေးကြောင်း၊ ရဲချုပ်ကအစ ရဲတပ်ရင်းမှူးအဆုံး နောက်ဆုံး စစ်တပ်မှ အရာခံဗိုလ်တွေကအစ ရဲဘက်မှာ အပြည့်အ၀ နေရာကောင်း ယူထားကြောင်း၊ သာမန် အရပ်သား ဘွဲ့ရသူများဟာ ရဲတပ်ဖွဲ့တွင် စာမေးပွဲ ဖြေဆိုပြီး အနှစ်နှစ်အလလ စောင့်ဆိုင်းရယူရတဲ့ ရဲအုပ်ရာထူးနဲ့သာ ပြီးဆုံးရတာမျိုး မဖြစ်သင့်ကြောင်း၊ ရဲဘက်မှာ တာဝန်ရှိတဲ့ ရဲသက်တမ်းရှည်တဲ့သူတွေ နစ်နာကြောင်း၊ Law Reforce နဲ့ ဥပဒေစိုးမိုးရေး ကိစ္စတွေကို တပ်က သွားကိုင်တဲ့အခါ သဟဇာတ မဖြစ်တာ တွေ့ရကြောင်း၊ ရဲအလုပ်ကို တပ်က တပ်ပုံစံမျိုးထင်ပြီး သွားကိုင်လိုက်တော့ လက်ပန်းတောင်းတောင်ကိစ္စနဲ့ ရခိုင် ဘင်္ဂလီ ကိစ္စလိုမျိုးတွေ ဖြေရှင်းရမှာ အများကြီး ပြဿနာရှိကြောင်း ဆွေးနွေးသွားကြပါတယ်။

ဒါကြောင့် ရဲနဲ့တပ်ကို အုပ်ချုပ်ရေးပိုင်း၊ စီမံခန့်ခွဲရေးပိုင်း၊ တရားစီရင်ရေးပိုင်းတွေမှာ သီးခြား ခွဲထုတ်ပေးဖို့ တိုက်တွန်းရမှာ ဖြစ်ကြောင်း၊ ရဲဘက်က အရာရှိတွေကို ကျွမ်းကျင်မှုရှိအောင် သင်တန်းများ လေ့ကျင့်ပေးရမှာ ဖြစ်ကြောင်း၊ ကိုင်တွယ်နိုင်တဲ့ လက်နက် အဆင့်အတန်းနဲ့ စစ်လက်နက်ပစ္စည်းများ ခေတ်မှီ အထောက်အကူ ကိရိယာများ တပ်ဆင်ပေးသင့်ကြောင်း၊ မူးယစ်ဆေးဝါးလိုမျိုး ရှုပ်ထွေးတဲ့ ပြဿနာမျိုးတွေမှာ အတွေ့အကြုံရှိရန် လိုကြောင်း၊ အကြမ်းဖက်လိုမျိုး ပြန်ပေးဆွဲလိုမျိုး ကိစ္စတွေကို ကယ်တင်နိုင်အောင် ရဲကွန်မန်ဒို Special Forces အထူးအဖွဲ့လိုမျိုး မရှိသေးတာကြောင့် တပ်ကနေ ဝင်ပါနေရသေးကြောင်း၊ ဖွဲ့စည်းမှု တာဝန်ခွဲဝေမှုတွေမှာ အများပြည်သူ လေးစားလိုက်နာဖို့ တိကျပြတ်သားဖို့လိုကြောင်း စသဖြင့် အပြန်အလှန် ဆွေးနွေးသွားကြပါတယ်။


နောက် Issue တစ်ခုကတော့ ရွေးကောက်ပွဲဖြစ်ပြီး ရွေးကောက်ပွဲဆိုင်ရာ ဥပဒေများ ပြုပြင်ပြောင်းလဲရေးကိစ္စကို တိုက်တွန်းရမှာဖြစ်ကြောင်း၊ တပ်က ၂၅% ပါနေတာကို တဖြေးဖြေးချင်း ဘယ်လိုပုံစံမျိုးနဲ့ ဘယ်အခြေအနေရောက်မှ လျော့နိုင်မယ်၊ သမ္မတဦးသိန်းစိန် ပြောသလို မူလအတိုင်း အမြဲတမ်း သွားနေဦးမယ်ဆိုတာ ဖြစ်သင့် မဖြစ်သင့် ထောက်ပြရမှာဖြစ်ကြောင်း၊ ရွေးကောက်ပွဲ ဖြစ်လာရင် စောင့်ကြည့်ဖို့ လိုကြောင်း၊ နောက်ပိုင်းမှာ စစ်တပ်က နိုင်ငံရေးမှာ မစွက်ဖက်ဘဲနဲ့ ကြားနေနိုင်အောင် တိုက်တွန်းရမှာ ဖြစ်ကြောင်း၊ အထူးသဖြင့် USDP ကို ထောက်ခံတာမျိုး ရုတ်သိမ်းရန်လိုပြီး တပ်က ဘယ်နိုင်ငံရေး ပါတီကိုမှ ဘက်မလိုက်ပါဘူးဆိုတာ သက်သေပြဖို့ တိုက်တွန်းရမှာ ဖြစ်ကြောင်း၊ အခြေခံဥပဒေ ပြုပြင်ရေးမှာ သတိထားပြီး နိုင်ငံအတွက် အကျိုးရှိမဲ့ ပြုပြင်တာမျိုးဆိုရင် ထောက်ခံသွားပေးဖို့ တိုက်တွန်း စည်းရုံးသွားရန် စသဖြင့် အပြန်အလှန် ဆွေးနွေးသွားခဲ့ပါတယ်။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။