Sunday, June 9, 2013

တရုတ် ကျူးကျော်မှုကို ကျွန်ုပ်တို့ ဘိုးဘွားများ တွန်းလှန် တိုက်ဖျက်ခဲ့ခြင်း - အပိုင်း (၄)

(စည်းလုံးခြင်းရဲ့အင်အား)


(ဝဲမှ ယာ) မြန်မာ့မင်းများ ဖြစ်ကြတဲ့ အနော်ရထာ၊ ဘုရင့်နော်နဲ့ အောင်ဇေယျတို့၏ ရုပ်ထုကြီးများ

စစ်မဟာဗျူဟာစီမံချက်

ရန်သူတို့၏ အဓိကစစ်ကြောင်းကို မိမိတို့၏ ပင်မတပ်နှင့် တောတောင်ကောင်းရာက ထိပ်တိုက်ဆီးဆို့ တိုက်ခိုက်ထားမည်။

သူတို့၏ မျိုးရိက္ခာပို့တပ်များကို အခြားစစ်ကြောင်းဖြင့် လှည့်ပတ်တက်ပြီး ဖြတ်တောက် တိုက်ခိုက်မည်။

သိန္နီမြို့ကို အခြားစစ်ကြောင်းဖြင့် ချီတက်တိုက်ခိုက် သိမ်းပိုက်မည်။

ကျန်ရှိနေသေးသော ရန်သူတို့အား စစ်ကြောင်းအားလုံး စုပေါင်းဝိုင်းဝန်း ချေမှုန်းကြစေမည်။

လေ့ကျင့်မှု

နှစ်စဉ် မြင်းခင်းသဘင်အတွက် လေ့ကျင့်ကြခြင်းသည်ပင် တိုက်ပွဲအတွက်ဖြစ်သည်။ အာသံ၊ ယိုးဒယားနှင့် ယခင်နယ်ခြားတွင် အရေးတော် ထမ်းဆောင်ခဲ့ဖူးကြသော တပ်မှူးများနှင့် တပ်များကို ပေါင်းစပ်ပေးရမည်။

စားရေရိက္ခာ

တပ်များ ကိုယ်တွင် ၇ ရက်စာ ရိက္ခာပါမည်။ ရိက္ခာထောက်များသည် ကြိုတင်ထွက်ခွာပြီး နယ်ပယ်ဒေသများမှ ရိက္ခာများ ဆင့်ဆိုရှာဖွေ စုပုံထားရမည်။


ရှေးခေတ် မြန်မာ့ စစ်သည်တော်များ

အချုပ်ခန့်ခြင်း (တာဝန်ပေးအပ်ခြင်း)

တဖက်သော ရန်သူတို့တွင် ဘုရင်၏ သားမက်နှင့်ညီတို့ ဦးစီး၍ လာကြသည်။ ဆင်ဖြူရှင်ကိုယ်တိုင် ဦးစီးချီတက် တိုက်ခိုက်ရန် မထိုက်တန်ပေ။

ဆင်ဖြူရှင်၏ ညီငယ်မင်းသားများသည် နိုင်ငံတော်ကို ခမည်းတော် ထူထောင်ချိန်တွင် ငယ်ရွယ်ကြသေးသည်။ နောင်တော်ကြီးနှင့် ဆင်ဖြူရှင်သာလျှင် စစ်မျက်နှာအနှံ့တွင် ပါဝင် တိုက်ခိုက်ခဲ့ဖူးကြသည်။ သူတို့သည် ယခုချိန်ထိ မည်သည့်အရပ်ဒေသကိုမျှ ကိုယ်ချည်းတာဝန်ခံ၍ စစ်ထွက်ဖူးကြသည် မရှိသေး။ အကြောင်းကြောင်းကို ထောက်ထားဆင်ခြင်က စမ်းသပ် အရေးလွှဲရန် လျော်ကန် သင့်မြတ်မည် မဟုတ်ပေ။

နိုင်ငံတော်ကို ထူထောင်စည်းရုံးစဉ် ခမည်းတော်လက်ထက် ကတည်းက ယနေ့တိုင် စွမ်းစွမ်းတမံ ဆောင်ရွက်ခဲ့ကြသည့် တပ်မှူး၊ ဗိုလ်မှူး၊ ၀န်ကြီးအများ ရှိပေသည်။ စစ်မျက်နှာ အသီးသီးသို့ လက်အောက်တာဝန်ခံ အဖြစ်နှင့်သော်လည်းကောင်း၊ အချုပ်ခန့်အပ်ခြင်း ခံရသဖြင့် ကိုယ်ချည်း တာဝန်ခံ ဦးစီး၍သော်လည်းကောင်း အရေးတော် ပြီးခဲ့ကြသူတွေ ရှိပေသည်။

သို့သော် ဤအချက်ကို သတိပြုရလိမ့်မည်။ အယုဒ္ဓယသို့ချီစဉ် မင်းကြီးဇေယျသူသည် မလွှဲမရှောင်သာသော အကြောင်းကြောင့် တပ်အနေအထား မမှန်သဖြင့် ထိုအကြိမ်တွင် ပွဲမလှဖြစ်သည်။ အချုပ်ပြုသူ မဟာနော်ရထာက အရေးတော် မပြီးရကောင်းလားဟု သွေးသောက်ခြင်းပင်မငဲ့၊ သတ်ရန်တကဲကဲ ပြင်ခဲ့သည်။ ယခုအခြေအနေတွင် ဤကဲ့သို့သူမျိုး အချုပ်ခန့်ထားမိက တပ်မှူးကောင်းများသာ ဆုံးရှုံးတော့မည်။

ဝန်ကြီးမဟာသီဟသူရ (ဦးသာ) သည် မိဖုရားကြီးအစ်မတော်၏ ခင်ပွန်းဖြစ်သည်။ ခမည်းတော်၏ မြင်းရည်တက် တစ်ဦးလည်းဖြစ်သည်။ အသစ်ဖွဲ့စည်းသော သွေးသောက်ကြီးအဖွဲ့ - ၁ တွင် ပါဝင်သည်။ မင်းလှရာဇာဘွဲ့ဖြင့် ပြည်မြို့ဝန် လုပ်ဖူးသည်။ လူးတဆယ့်နှစ်ပနား၊ ဇင်းမယ်နှင့်သိန္နီနယ်တို့သို့ စစ်ထွက်ဖူးသည်။ ရွှေတောင်ထွတ်ကဲဘွဲ့ဖြင့် ပြည်၊ သံလျင်၊ ဟံသာဝတီတိုက်ပွဲများတွင် ပါဝင်ဖူးသည်။

အရှေ့ဟန်မင်းဆက်မှ အထူးမြင်းစစ်သည်တော်ပုံ

ဝန်ကြီးမဟာစည်သူ (ဦးနှောင်း) သည် လက်ယာကျော်ထင်ဘွဲ့ဖြင့် အင်းဝတိုက်ပွဲ၊ ဟံသာဝတီတိုက်ပွဲတို့တွင် ပါဖူးသည်။ ခမည်းတော်၏ မြင်းရည်တက်တစ်ဦး ဖြစ်ခဲ့သည်။ မင်းလှနော်ရထာဘွဲ့ဖြင့် ကသည်းပြည်သို့ စစ်ထွက်ဖူးသည်။ ၀ိုင်းမော်၊ ခတ်ချိုဒေသများ မငြိမ်မသက်ရှိသဖြင့် တပ်များကို ဦးစီး၍ သွားရောက် နှိမ်နင်းဖူးသည်။ ခမည်းတော် အယုဒ္ဓယသို့ စစ်ချီရာ မင်းခေါင်နော်ရထာ (ဦးတွန်)၊ ဆင်ဖြူရှင်တို့နှင့်အတူ ရှေ့ဖျားတပ်များကို ကွပ်ကဲသည်။ ချင့်ချိန်စဉ်းစားသည်။ ရွပ်ရွပ်ချွံချွံလုပ်သည်။ တပ်များ ပြန်လည်ရုပ်သိမ်းသောအခါ နောက်ကျန် တပ်များကို ကွပ်ကဲသည်။ သစ္စာရှိစွာဖြင့် ရဲမက်တို့ကို ထိန်းသိမ်းခေါ်ဆောင်လာသည်။ မင်းခေါင်နော်ရထာ ပုန်ကန်သည့်အရေး၊ ဦးရီးတော် သတိုးသိင်္ခသူ ခြားနားသည့်အရေးတို့တွင် စိတ်တည်ငြိမ်စွာ အမှုတော်ကိုထမ်းသည်။ လောကဓံကို ကြံ့ကြံ့ခံနိုင်သူ ဖြစ်သည်။ သို့သော်အရွယ်ကား ထောက်လာပြီ။ ခရီးကြမ်းနှင့် ရာသီဥတုဒဏ် ခံနိုင်စွမ်း လျော့လာပြီ။ ပြီးခဲ့သော နယ်ခြားအရေးတွင် ရှေ့နောက်ချင့်ချိန်၍ လုပ်ဆောင်ခဲ့သောကြောင့် တရုတ်တပ်များ ဖရိုဖရဲနှင့် ဆုတ်ခွာရခြင်း ဖြစ်ပေသည်။

လက်ဝဲ၀င်းမှူး နေမျိုးစည်သူကား သန်တုန်း မြန်တုန်းအရွယ် ဖြစ်သည်။ ကျိုင်းတုံအရေး၊ ကောင်းတုံအရေးတို့တွင် ဗလမင်းထင်တို့နှင့်အတူ အရေးတော်ကို အောင်မြင်စွာ ဦးစီးကွပ်ကဲ လုပ်နိုင်ခဲ့ပေသည်။ လက်ယာဝင်းမှူး တိမ်ကြားမင်းခေါင်ကား စွတ်စွတ်ရွတ်ရွတ် ဆောင်ရွက်တတ်သူ ဖြစ်သည်။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။